Read 2 Maccabees 6 side by side with translations · The Final Bible
1 ⲙⲛϩⲛϩⲕⲟⲩⲉⲓ ⲛⲟⲩⲟⲉⲓϣ ⲁⲡⲣⲟ ϫⲟⲟⲩ ⲛⲟⲩϩⲗⲗⲟ ⲛ)ⲁⲑⲏⲛⲁⲓⲟⲥ ⲉϯϩⲧⲟⲣ ⲉⲛⲓⲟⲩⲇⲁⲓ ⲉⲡⲱⲛⲉ ⲉⲃⲟⲗ ⲛⲛⲛⲟⲙⲟⲥ ⲛⲛⲉⲩⲉⲓⲟⲧⲉ ⲉⲧⲙⲡⲟⲗⲓⲧⲉⲩⲉ ϩⲛⲛⲛⲟⲙⲟⲥ ⲛⲛⲉⲩⲉⲓⲟⲧⲉ
2 ⲉϫⲱϩⲙ ⲇⲉ ⲙⲡⲉⲣⲡⲉ ⲉⲧϩⲛⲓⲉⲣⲟⲩⲥⲁⲗⲏⲙ ⲉⲙⲟⲩⲧⲉ ⲉⲣⲟϥ ϫⲉⲡⲁⲍⲉⲩⲥ ⲛⲟⲗⲩⲙⲡⲓⲟⲥ ⲁⲩⲱ ⲡⲉⲧϩⲛⲕⲟⲣⲁⲍⲉⲓⲛ ϫⲉⲡⲁⲍⲉⲩⲥ ⲛⲝⲉⲛⲉⲓⲟⲥ ⲕⲁⲧⲁⲡⲟⲩⲟⲡ
3 ⲛⲛⲉⲧⲟⲩⲏϩ ϩⲙⲡⲙⲁ ⲉⲧⲙⲙⲁⲩ ⲧⲕⲁⲕⲓⲁ ⲛⲧⲁⲥⲉⲓ ⲛⲉⲥⲟϣ ⲙⲙⲁⲧⲉ ⲁⲩⲱ ⲛⲉⲥⲙⲟⲕϩ ⲉϥⲓ ϩⲁⲣⲟⲥ ⲛⲛⲁϩⲣⲛⲟⲩⲟⲛ ⲛⲓⲙ
4 ⲡⲉⲣⲡⲉ ⲅⲁⲣ ⲁϥⲙⲟⲩϩ ⲙⲙⲛⲧϣⲛⲁ ϩⲓϫⲏⲣ ⲉⲃⲟⲗ ϩⲓⲧⲛⲛϩⲉⲑⲛⲟⲥ ⲉⲩⲣⲙⲛⲧⲁⲧϣⲁⲩ ⲙⲛⲛⲉϩⲓⲟⲙⲉ ⲉⲧⲛⲏϫ ⲉⲃⲟⲗ ϩⲛⲛⲉⲥⲧⲟⲁ ⲉⲧⲟⲩⲁⲁⲃ ⲁⲩⲱ ⲉⲩϫⲓ ⲉϩⲟⲩⲛ ⲉⲙⲉⲩ ⲛⲛⲉⲧⲉⲙⲉϣϣⲉ
5 ⲉⲩⲧⲁⲗⲟ ⲉϩⲣⲁⲓ ⲉϫⲛⲡⲉⲑⲩⲥⲓⲟⲁⲥⲧⲏⲣⲓⲟⲛ ⲛⲛⲉⲧϫⲁϩⲙ ⲛⲉⲛⲧⲁⲡⲛⲟⲙⲟⲥ ⲧⲥⲧⲟⲟⲩ ⲉⲃⲟⲗ
6 ⲛⲛⲛ ⲅⲁⲣ ⲧϩⲉ ⲛⲣⲥⲁⲃⲃⲁⲧⲟⲛ ⲟⲩⲧⲉ ⲉⲁⲣⲏϩ ⲉⲛϣⲁⲉ ⲛⲛⲉⲛⲉⲓⲟⲧⲉ ⲟⲩⲧⲉ ⲉⲧⲣⲉⲩϩⲟⲙⲟⲗⲟⲅⲉⲓ ϫⲉⲁϩⲉⲛⲓⲟⲩⲇⲁⲓ
7 ⲛⲉⲩⲉⲓⲛⲉ ⲙⲙⲟⲟⲩ ϩⲛⲟⲩⲁⲛⲁⲅⲕⲏ ⲉⲥⲥⲁϣ ⲉϩⲣⲉⲃⲟⲧ ⲇⲉ ⲙⲡⲉϩⲟⲟⲩ ⲙⲫⲟⲩⲙⲓⲥⲉ ⲙⲡⲣⲣⲟⲉⲣⲑⲩⲥⲓⲁ ⲁⲩⲱ ⲛⲧⲁⲣⲉϥⲓ ⲛϭⲓⲡϣⲁⲉ ⲙⲡⲇⲓⲟⲛⲩⲥⲟⲥ ⲁⲩϯϩⲧⲟⲣ ⲉⲣⲟⲟⲩ ⲉⲙⲟⲟϣⲉ ϩⲁⲧⲉϥϩⲏ ⲉⲣⲉϩⲉⲛⲕⲗⲟⲟⲙ ϩⲓϫⲱⲟⲩ
8 ⲁϥϫⲟⲟⲩ ⲛϭⲓⲡⲧⲟⲗⲉⲙⲁⲓⲟⲥ ⲛⲟⲩⲉϩⲥⲁϩⲛⲉ ⲉⲛⲡⲟⲗⲓⲥ ⲛⲟⲩⲉⲉⲓⲛⲓⲛ ⲉⲧϩⲓⲧⲟⲩⲱⲟⲩ ⲉⲣⲡⲁⲓⲥⲙⲟⲧ ⲛⲟⲩⲱⲧ ⲛⲓⲟⲩⲇⲁⲓ ⲉⲧⲣⲉⲩϥⲣⲑⲩⲥⲓⲁ
9 ⲛⲉⲧⲉⲥⲉⲛⲁⲟⲩⲱϣⲧ ⲇⲉ ⲁⲛ ⲉⲡⲱⲛⲉ ⲉⲛⲥⲱⲛⲧ ⲛⲛϩⲉⲗⲗⲏⲛ ⲥⲱⲛⲁⲕⲟⲛⲥⲟⲩ
10 ⲡⲕⲉⲡⲉⲧϩⲟⲟⲩ ⲇⲉ ⲟⲛ ⲁϥϣⲱⲡⲉ ⲉϥⲛⲟϣⲧ ⲉⲛⲉⲩⲉⲣⲟϥ ⲥϩⲓⲙⲉ ⲅⲁⲣ ⲥⲛⲧⲉ ⲉⲁⲩⲥⲃⲃⲉ ⲛⲛⲉⲩϣⲏⲣⲉ ⲕⲟⲩⲉⲓ ⲉⲛⲉⲩⲕⲓⲃⲉ ⲁⲩⲡⲉⲣⲓⲁⲅⲉ ⲙⲙⲟⲟⲩ ϩⲛⲧⲡⲟⲗⲟⲓⲥ ⲧⲏⲣⲥ ⲁⲩⲛⲟϫⲟⲩ ⲉⲃⲟⲗ ⲉⲡⲉⲥⲏⲧ
11 ϩⲉⲛⲕⲟⲟⲩⲉ ⲁⲩⲡⲱⲧ ⲛϫⲓⲟⲩⲉ ⲉϩⲣⲁⲓ ⲉⲛⲧⲁⲫⲟⲥ ⲉⲧϩⲏⲛ ⲉϩⲟⲩⲛ ⲉⲣⲟⲟⲩ ⲉⲧⲣⲉⲩⲧⲙⲣⲙⲡϣⲁ ⲛⲥⲁϣ ⲁⲩⲧⲁⲙⲉⲫⲓⲗⲓⲡⲡⲟⲥ ⲉⲣⲟⲟⲩ ⲁϥⲛⲟϫⲟⲩ ⲉⲃⲟⲗ ϫⲉⲛⲉⲩⲣϩⲟⲧⲉ ⲉⲣⲃⲟⲏⲑⲓ ⲉⲣⲟⲟⲩ ⲕⲁⲧⲁⲡⲉϩⲟⲟⲩ ⲛⲧⲙⲙⲛⲧⲥⲉⲙⲛⲟⲥ ⲉⲧⲧⲁⲉⲓⲏⲩ
12 ϯⲥⲟⲡⲥⲡ ϭⲉ ⲛⲛⲉⲧⲱϣ ⲙⲡⲁⲓϫⲱⲙⲉ ⲉⲧⲙⲡⲱϣ ⲛϩⲏⲧ ϩⲛⲛⲁⲓϩⲓⲥⲉ ⲁⲗⲗⲁ ⲉⲙⲟⲕⲙⲉⲕ ϫⲉⲉⲣⲉⲛⲁⲓⲑⲗⲓⲯⲓⲥ ϣⲟⲟⲡ ⲙⲡⲉⲛⲅⲉⲛⲟⲥ ⲉⲩⲧⲁⲕⲟ ⲁⲛ ⲁⲗⲗⲁ ⲉⲩⲥⲃⲱ
13 ⲉⲧⲙⲧⲣⲉⲩⲕⲁⲁⲛ ⲅⲁⲣ ⲡⲉ ⲉϣⲉϥⲧⲉ ⲁⲗⲗⲁ ⲧⲉⲛⲟⲩ ⲥⲉⲣⲉⲡⲓⲧⲓⲙⲁ ⲛⲁⲩ ⲟⲩⲙⲟⲉⲓⲛ ⲛⲛⲟϭ ⲡⲉ ⲉⲛⲁⲛⲟⲩϥ
14 ⲛⲉϥⲕⲣⲓⲛⲉ ⲅⲁⲣ ⲙⲙⲟⲛ ⲁⲛ ⲛϭⲓⲡϫⲟⲉⲓⲥ ⲛⲧϩⲉ ⲛⲛϩⲉⲑⲛⲟⲥ ⲉϣⲁϥϭⲱ ⲉϥϩⲟⲣϣ ⲛϩⲏⲧ ⲉϫⲱⲟⲩ ϣⲁⲛⲧⲟⲩϫⲱⲕ ⲉⲃⲟⲗ ⲛϥⲕⲟⲗⲁⲍⲉ ⲙⲙⲟⲟⲩ
15 ⲙⲏⲡⲱⲥ ϩⲱⲱⲛ ⲛⲧⲛⲉⲓ ⲉϩⲣⲁⲓ ⲉⲡϫⲱⲕ ⲛⲛⲉⲛⲛⲟⲃⲉ ⲛϥϫⲓⲕⲃⲁ ⲛϩⲏⲧⲛ
16 ⲉⲧⲃⲉⲡⲁⲓ ⲣⲱ ⲙⲡⲉϥϥⲓ ⲙⲡⲉϥⲛⲁⲁ ⲉⲛⲏϩⲉ ⲉⲃⲟⲗ ϩⲓϫⲱⲛ ⲁⲗⲗⲁ ⲉϥϯⲥⲃⲱ ⲙⲡⲉϥⲗⲁⲟⲥ ϩⲛϩⲉⲛⲑⲗⲓⲯⲓⲥ ⲉⲛϥⲕⲱ ⲙⲙⲟⲛ ⲁⲛ ⲛⲥⲱϥ
17 ⲡⲗⲏⲛ ⲛⲧⲁⲛϫⲓ ⲛⲁⲓ ⲉⲩⲣⲡⲙⲉⲉⲩⲉ ⲙⲁⲣⲛϣⲁϫⲉ ⲇⲉ ⲉⲛⲉⲛⲧⲁⲩϣⲱⲡⲉ ϩⲓⲧⲛϩⲉⲛⲕⲟⲩⲓ ⲛϣⲁϫⲉ
18 ⲉⲗⲉⲁⲍⲁⲣ ⲟⲩⲁ ⲛⲛⲟϭ ⲛⲅⲣⲁⲙⲙⲁⲧⲉⲩⲥ ⲡⲉ ⲟⲩⲣⲱⲙⲉ ⲉⲁϥⲁⲓⲁⲓ ϩⲛⲧⲉϥϭⲟⲧ ⲉϥϫⲟⲥⲉ ⲉⲛⲉⲥⲱϥ ϩⲛⲡⲉϥⲥⲙⲟⲧ ⲙⲡⲉϥϩⲟ ⲉⲁⲩⲁⲛⲁⲅⲕⲁⲍⲉ ⲙⲙⲟϥ ⲉⲩⲱⲙⲉϥ ⲛⲣⲓⲣ
19 ⲛⲧⲟϥ ⲇⲉ ⲁϥⲥⲱⲡⲥ ⲛⲁϥ ⲙⲡⲙⲟⲩ ⲛⲟⲩⲉⲟⲟⲩ ⲉϩⲟⲩⲉⲡⲱⲛϩ ϩⲛⲟⲩϣⲓⲡⲉ ⲁϥϯⲡⲉϥⲟⲩⲁⲉⲓⲉ ⲟⲩⲁⲁϥ ⲉϩⲟⲩⲛ ⲉⲧⲃⲁⲥⲁⲛⲟⲥ ϩⲛⲟⲩⲟⲩⲣⲟⲧ
20 ⲉⲁϥϯⲧⲱⲕ ⲕⲁⲧⲁⲧϩⲉ ⲉⲧⲉϣϣⲉ ⲛⲛⲉⲧⲟⲩⲉϣϩⲩⲡⲟⲙⲓⲛⲉ ⲉⲧⲃⲉⲉϩⲟⲩⲛ ⲉⲡⲱⲛϩ
21 ⲛⲉⲧⲧⲏϣ ⲇⲉ ⲉϫⲛⲧⲉⲑⲩⲥⲓⲁ ⲛⲁⲛⲟⲙⲟⲛ ⲉⲧⲃⲉⲧⲙⲛⲧϣⲃⲏⲣ ⲉⲧⲉⲟⲩⲛⲧⲁⲩⲥ ⲉϩⲟⲩⲛ ⲉⲡⲣⲱⲙⲉ ϫⲓⲛϣⲟⲣⲡ ⲛⲟⲩⲟⲉⲓϣ ⲁⲩϫⲓⲧϥ ⲛⲥⲁⲩⲥⲁ ⲁⲩⲥⲉⲡⲥⲱⲡϥ ⲉⲧⲣⲉⲩⲉⲓⲛⲉ ⲛⲁϥ ⲛϩⲉⲛⲁϥ ⲉⲁⲩⲧⲁⲙⲓⲟⲟⲩ ⲉⲃⲟⲗ ϩⲓⲧⲟⲟⲧϥ ⲛⲁⲓ ⲉϣⲁⲩⲟⲩⲱⲙ ⲉⲃⲟⲗ ⲛϩⲏⲧⲟⲩ ⲛϥϩⲩⲡⲟⲕⲣⲓⲛⲉ ⲇⲉ ⲛⲧϩⲉ ⲛⲛⲉⲧⲟⲩⲱⲙ ⲉⲃⲟⲗ ϩⲛⲛⲉϥⲑⲩⲥⲓⲁ ⲉⲛⲧⲁⲡⲣⲟ ⲟⲩⲉϩⲥⲁϩⲛⲉ ⲙⲙⲟⲟⲩ ϫⲉⲕⲁⲁⲥ ⲉⲃⲁⲣⲡⲁⲓ
22 ⲛⲥⲉⲕⲁⲁϥ ⲉⲃⲟⲗ ⲙⲡⲙⲟⲩ
23 ⲛⲧⲟϥ ⲇⲉ ⲁϥⲙⲉⲕⲙⲟⲩⲕϥ ϩⲛⲟⲩⲥⲁϩⲛⲉ ⲉⲛⲁⲛⲟⲩϥ ⲉϥⲙⲡϣⲁ ⲛⲧⲉϥⲙⲛⲧϩⲗⲗⲟ ⲉⲧⲧⲁⲓⲏⲩ ⲙⲛⲧⲡⲟⲗⲓⲧⲓⲁ ⲉⲧⲧⲃⲃⲏⲩ ⲁⲩⲱ ⲧⲁⲛⲁⲥⲧⲣⲟⲫⲏ ⲉⲧⲛⲁⲛⲟⲩⲥ ϫⲓⲛⲧⲉϥⲙⲛⲧⲕⲟⲩⲓ ⲙⲛⲛⲟⲙⲟⲑⲉⲥⲓⲁ ⲉⲧⲟⲩⲁⲁⲃ ⲉⲛⲧⲁⲡⲛⲟⲩⲧⲉ ⲥⲟⲛⲧⲥ ⲁϥⲟⲩⲱϣⲃ ⲉϥϫⲱ ⲙⲙⲟⲥ ϫⲉϫⲟⲟⲩⲧ ⲉⲁⲙⲛⲧⲉ ϩⲛⲟⲩϭⲉⲡⲏ
24 ⲛⲧⲁϭⲟⲧ ⲁⲛ ⲧⲉ ϩⲩⲡⲟⲕⲣⲓⲛⲉ ϫⲉⲕⲁⲁⲥ ⲟⲩⲙⲏϣⲉ ⲛϣⲏⲣⲉ ϣⲏⲙ ⲉⲩⲙⲉⲉⲩⲉ ϫⲉⲉⲗⲉⲁⲍⲁⲣⲟⲥ ⲉϥϩⲛⲡⲥⲧⲁⲓⲟⲩ ⲛⲣⲟⲙⲡⲉ ⲉⲛⲧⲁϥⲡⲱⲛⲉ ⲉⲩⲙⲛⲧϩⲉⲑⲛⲟⲥ
25 ⲛⲧⲟⲟⲩ ⲇⲉ ⲛⲥⲉⲡⲗⲁⲛⲁ ⲉⲧⲉϥϩⲩⲡⲟⲕⲣⲓⲥⲓⲥ ⲙⲛⲡⲁⲓⲕⲟⲩⲉⲓ ⲛⲱⲛϩ ⲉⲧⲥⲏϣ ⲧⲁϫⲡⲟ ⲛⲁⲣ ⲛⲟⲩⲧⲱⲗⲙ ⲙⲛⲟⲩϣⲓⲡⲉ ϩⲛⲧⲁⲙⲛⲧϩⲗⲗⲟ
26 ⲕⲁⲛ ⲉⲉⲓϣⲁⲛⲧⲣⲃⲟⲗ ϯⲛⲟⲩ ⲉⲛⲥⲏϥⲉ ⲛⲛⲣⲱⲙⲉ ⲛϯⲛⲁⲣⲃⲟⲗ ⲁⲛ ⲉⲧϭⲓϫ ⲙⲡⲡⲁⲛⲧⲟⲕⲣⲁⲧⲱⲣ ⲟⲩⲧⲉ ⲉⲓⲟⲛϩ ⲟⲩⲧⲉ ⲉⲓϣⲁⲛⲙⲟⲩ
27 ⲉⲧⲃⲉⲡⲁⲓ ⲧⲉⲛⲟⲩ ⲙⲉⲛ ϯⲛⲁⲙⲟⲩ ϩⲛⲟⲩⲙⲛⲧϫⲱⲱⲣⲉ ⲧⲁⲩⲱⲛϩ ⲉⲃⲟⲗ ⲉⲓⲙⲡϣⲁ ⲛⲧⲁⲙⲛⲧϩⲗⲗⲟ
28 ⲧⲁⲕⲱ ⲇⲉ ⲛⲛϣⲏⲣⲉ ϣⲏⲙ ⲛⲟⲩⲥⲙⲟⲧ ⲙⲙⲛⲧϫⲱⲱⲣⲉ ⲉⲧⲣⲉⲩⲙⲟⲩ ϩⲱⲟⲩ ϩⲛⲟⲩⲟⲩⲣⲟⲧ ⲙⲛⲟⲩⲧⲱⲕ ⲛϩⲏⲧ ϩⲁⲡⲛⲟⲙⲟⲥ ⲉⲧⲟⲩⲁⲁⲃ ⲛⲥⲉⲙⲛⲟⲛ ⲛⲧⲁⲣⲉϥϫⲉⲛⲁⲓ ⲛⲧⲉⲩⲛⲟⲩ ⲁϥϯⲡⲉⲣⲟⲩⲟⲉⲓⲉ ⲉⲧⲃⲁⲥⲁⲛⲟⲥ
29 ⲛⲧⲟⲟⲩ ⲇⲉ ⲉⲩⲙⲟⲕϩ ⲛϩⲏⲧ ⲉϫⲱϥ ⲙⲛⲛⲥⲱⲥ ⲁⲩϭⲱⲛⲧ ⲉⲣⲟϥ ⲉⲧⲃⲉⲛⲉⲛⲧⲁϥϫⲟⲟⲩ ⲉⲩϫⲱ ⲙⲙⲟⲥ ϫⲉⲟⲩⲁⲡⲟⲛⲟⲓⲁ
30 ⲡⲉⲛⲧⲁⲣⲉϥⲛⲟⲩ ⲇⲉ ⲉⲙⲟⲩ ⲁϥⲁϣⲉϩⲟⲙ ⲉϥϫⲱ ⲙⲙⲟⲥ ϫⲉϥⲟⲩⲟⲛϩ ⲉⲃⲟⲗ ⲙⲡϫⲟⲉⲓⲥ ⲡⲉⲧⲥⲟⲟⲩⲛ ⲛϩⲱⲃ ⲛⲓⲙ ϫⲉⲟⲩⲛϭⲟⲙ ⲙⲙⲟⲓ ⲉⲧⲣⲉⲩⲕⲁⲧⲁ ⲉⲃⲟⲗ ⲙⲡⲙⲟⲩ ⲛϯϥⲓ ϩⲁϩⲉⲛⲧⲕⲉ ⲉⲩⲛⲁϣⲧ ϩⲙⲡⲁⲥⲱⲙⲁ ⲉⲩⲙⲁⲥⲧⲓⲅⲟⲩ ⲙⲙⲟⲓ ϩⲁⲧⲁⲯⲩⲭⲏ ⲉⲉⲓϣⲱⲡ ⲛⲛⲁⲓϩⲓⲥⲉ ⲉⲧⲃⲉⲧⲉϥϩⲟⲧⲉ
31 ⲡⲁⲓ ⲙⲉⲛ ⲁϥⲛⲕⲟⲧⲕ ϩⲛⲡⲁⲓⲥⲙⲟⲧ ⲉⲁϥⲕⲱ ⲙⲡϥⲙⲟⲩ ⲙⲙⲟⲉⲓⲛ ⲛⲧⲙⲛⲧϫⲱⲱⲣⲉ ⲁⲩⲱ ⲛⲣⲡⲙⲉⲉⲩⲉ ⲁⲣⲉⲧⲏ ⲟⲩ ⲙⲟⲛⲟⲛ ⲛⲛϣⲏⲣⲉ ϣⲏⲙ ⲁⲗⲗⲁ ⲙⲡⲉϩⲟⲩⲟ ⲛⲡⲉϥϩⲉⲑⲛⲟⲥ
2 Maccabees 5 · 2 Maccabees 7 · Greek (Septuagint / SBLGNT) · Aramaic (Peshitta) · Latin (Vulgate)