Read 2 Kings 11 side by side with translations · The Final Bible
13 ⲁⲩⲱ ⲡⲉϩⲣⲟⲟⲩ ⲙⲡⲗⲁⲟⲥ ⲉⲩⲛⲏⲩ ⲁⲥⲡⲱⲧ ⲉϩⲟⲩⲛ ⲉⲣⲁⲧϥ ⲙⲡⲗⲁⲟⲥ ⲉⲡⲏⲓ ⲙⲡϫⲟⲉⲓⲥ
14 ⲁⲥⲛⲁⲩ ⲁⲩⲱ ⲉⲓⲥ ⲡⲣⲣⲟ ⲉϥⲁϩⲉⲣⲁⲧϥ ϩⲓϫⲙⲡⲉⲥⲧⲩⲗⲗⲟⲥ ⲕⲁⲧⲁⲡⲧⲱϣ ⲉϣⲁϥϣⲱⲡⲉ ⲛⲣⲉϥϩⲱⲥ ⲇⲉ ⲁⲩⲱ ⲛⲥⲁⲗⲡⲓⲅⲝ ⲛⲉⲩϩⲙⲡⲕⲱⲧⲉ ⲙⲡⲣⲣⲟ ⲁⲩⲱ ⲡⲗⲁⲟⲥ ⲧⲏⲣϥ ⲙⲡⲕⲁϩ ⲛⲉⲩⲣⲁϣⲉ ⲡⲉ ⲁⲩⲱ ⲛⲉⲩⲥⲁⲗⲡⲓⲍⲉ ϩⲛⲛⲥⲁⲗⲡⲓⲅⲝ ⲅⲟⲑⲟⲗⲓⲁ ⲇⲉ ⲁⲥϯⲧⲟⲟⲧⲥ ⲛⲛⲉⲥϩⲁⲓⲧⲉ ⲁⲥⲡⲁϩⲟⲩ ⲁⲩⲱ ⲁⲥⲱϣ ⲉⲃⲟⲗ ⲉⲥϫⲱ ⲙⲙⲟⲥ ϫⲉⲟⲩⲙⲛⲧⲕⲣⲟϥ ⲧⲉ ⲧⲁⲓ ⲟⲩⲙⲣⲣⲉ ⲛⲕⲣⲟϥ ⲧⲉ
15 ⲁⲩⲱ ⲓⲱⲇⲁⲉ ⲡⲟⲩⲏⲏⲃ ⲁϥϩⲱⲛ ⲉⲧⲟⲟⲧⲟⲩ ⲛⲛⲉϩⲉⲕⲁⲧⲟⲛⲧⲁⲣⲭⲟⲥ ⲛⲉⲧϣⲟⲟⲡ ⲉϫⲛⲧϭⲟⲙ ⲉⲧⲉⲡⲙⲏⲏϣⲉ ⲡⲉ ⲉϥϫⲱ ⲙⲙⲟⲥ ⲛⲁⲩ ϫⲉⲥⲱⲕ ⲙⲙⲟⲥ ⲉⲃⲟⲗ ϩⲛⲛⲥⲁⲇⲏⲣⲱⲑ ⲉⲧⲉⲙⲙⲁ ⲛⲉ ⲉⲧⲟⲩⲁⲁⲃ ⲁⲩⲱ ⲡⲉⲧⲛⲁⲃⲱⲕ ⲉϩⲟⲩⲛ ⲉⲟⲩⲁϩϥ ⲛⲥⲱⲥ ⲙⲁⲣⲟⲩⲙⲟⲩⲟⲩⲧ ⲙⲙⲟϥ ϩⲛⲟⲩⲥⲏϥⲉ ⲉⲃⲟⲗ ϫⲉⲡⲟⲩⲏⲏⲃ ⲁϥϫⲟⲟⲥ ⲉⲙⲟⲟⲩⲧⲉ ϩⲙⲡⲏⲓ ⲙⲡϫⲟⲉⲓⲥ
16 ⲁⲩⲛⲧⲟⲟⲧⲟⲩ ⲇⲉ ⲉϩⲣⲁⲓ ⲉϫⲱⲥ ⲁⲩⲱ ⲁⲩⲃⲱⲕ ⲛⲙⲙⲁⲥ ⲉϩⲟⲩⲛ ⲉⲧⲉϩⲓⲏ ⲛⲛⲉϩⲧⲱⲱⲣ ⲙⲡⲣⲣⲟ ⲁⲥⲙⲟⲩ ⲙⲡⲙⲁ ⲉⲧⲙⲙⲁⲩ
17 ⲓⲱⲇⲁⲉ ⲇⲉ ⲁϥⲥⲙⲓⲛⲉ ⲛⲟⲩⲇⲓⲁⲑⲏⲕⲏ ϩⲛⲧⲙⲏⲧⲉ ⲙⲡϫⲟⲉⲓⲥ ⲁⲩⲱ ϩⲛⲧⲙⲏⲧⲉ ⲙⲡⲣⲣⲟ ⲁⲩⲱ ϩⲛⲧⲙⲏⲧⲉ ⲙⲡⲗⲁⲟⲥ ⲉⲧⲣⲉⲩϣⲱⲡⲉ ⲛⲗⲁⲟⲥ ϩⲁⲣⲁⲧϥ ⲙⲡϫⲟⲉⲓⲥ ⲁⲩⲱ ⲟⲛ ϩⲛⲧⲙⲏⲧⲉ ⲙⲡⲣⲣⲟ ⲁⲩⲱ ϩⲛⲧⲙⲏⲧⲉ ⲙⲡⲗⲁⲟⲥ
18 ⲡⲗⲁⲟⲥ ⲇⲉ ⲧⲏⲣϥ ⲙⲡⲕⲁϩ ⲁⲩⲃⲱⲕ ⲉϩⲟⲩⲛ ⲉⲡⲏⲓ ⲙⲡⲃⲁϩⲁⲗ ⲁⲩⲧⲁⲕⲟϥ ⲁⲩⲱ ⲡⲉϥⲑⲩⲥⲓⲁⲥⲧⲏⲣⲓⲟⲛ ⲙⲛⲛⲉϥϩⲓⲕⲱⲛ ⲁⲩⲟⲩⲟϭⲡⲟⲩ ⲉⲡⲧⲏⲣϥ ⲁⲩⲱ ⲙⲁⲅⲑⲁⲛ ⲡⲟⲩⲏⲏⲃ ⲙⲡⲃⲁϩⲁⲗ ⲁⲩⲙⲟⲟⲩⲧϥ ϩⲓⲧϩⲏ ⲛⲛⲉϥⲑⲩⲥⲓⲁⲥⲧⲏⲣⲓⲟⲛ ⲡⲟⲩⲏⲏⲃ ⲇⲉ ⲓⲱⲇⲁⲉ ⲁϥⲕⲱ ⲛϩⲉⲛⲉⲡⲓⲥⲕⲟⲡⲟⲥ ⲏ ϩⲉⲛϥⲁⲓϣⲓⲛⲉ ϩⲙⲡⲏⲓ ⲙⲡϫⲟⲉⲓⲥ
19 ⲁⲩⲱ ⲁϥϫⲓ ⲛϩⲉⲛϩⲉⲕⲁⲧⲟⲛⲧⲁⲣⲭⲟⲥ ⲙⲛⲡⲉⲭⲟⲣⲣⲉⲓ ⲙⲛⲛϥⲁⲓⲟⲩⲱ ⲙⲛⲡⲗⲁⲟⲥ ⲧⲏⲣϥ ⲙⲡⲕⲁϩ ⲁⲩⲉⲓⲛⲉ ϩⲓⲟⲩⲥⲟⲡ ⲙⲡϫⲟⲉⲓⲥ ⲁϥⲃⲱⲕ ⲉϩⲟⲩⲛ ⲛⲧⲉϩⲓⲏ ⲛⲧⲡⲩⲗⲏ ⲛⲛϥⲁⲓⲟⲩⲱ ⲙⲡⲏⲓ ⲙⲡⲣⲣⲟ ⲁⲩⲑⲙⲥⲟϥ ⲉϫⲙⲡⲉⲑⲣⲟⲛⲟⲥ ⲛⲛⲉⲣⲣⲱⲟⲩ
20 ⲁⲩⲱ ⲡⲗⲁⲟⲥ ⲧⲏⲣϥ ⲙⲡⲕⲁϩ ⲁϥⲣⲁϣⲉ ⲁⲩⲱ ⲧⲡⲟⲗⲓⲥ ⲧⲏⲣⲥ ⲁⲥⲏⲥⲩⲭⲁⲍⲉ ⲁⲥⲥⲙⲛⲧⲥ ⲁⲩⲱ ⲅⲟⲑⲟⲗⲓⲁⲥ ⲁⲩⲙⲟⲟⲩⲧⲉ ϩⲛⲟⲩⲥⲏϥⲉ ϩⲙⲡⲏⲓ ⲙⲡⲣⲣⲟ
21 ⲓⲱⲁⲥ ⲇⲉ ⲛⲉ ⲟⲩϣⲏⲣⲉ ⲡⲉ ⲉϥϩⲛⲥⲁϣϥⲉ ⲛⲣⲟⲙⲡⲉ ⲛⲧⲉⲣⲉϥⲣⲣⲣⲟ
2 Kings 10 · 2 Kings 12 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)