1 ܘܥܢ̣ܐ ܘܐܡ̣ܪ ܠܝ ܫܡ̣ܥ ܒܪܘܟ ܡܠܬܐ ܗܕܐ ܘܟܬܘܒ ܒܥܘܗܕܢܗ ܕܠܒܟ ܟܠ ܕܝ̇ܠܦ ܐܢܬ
2 ܡܦܢܝܘ ܓܝܪ ܡܦܢܝܐ ܐܪܥܐ ܗܝ̇ܕܝܢ ܠܡܝ̈ܬܐ ܕܡܩܒܠܐ ܗܫܐ ܕܬܛܪ ܐܢܘܢ ܟܕ ܡܕܡ ܠܐ ܡܚܠܦܐ ܒܨܘܪܬܗܘܢ ܐܠܐ ܐܝܟ ܕܩܒ̣ܠܬ ܗܟܢܐ ܡܦܢܝܐ ܠܗܘܢ ܘܐܝܟ ܕܐܫ̇ܠܡܬ ܐܢܘܢ ܠܗ̣̇ ܗܟܢܐ ܐܦ ܡܩܝܡܐ ܠܗܘܢ
3 ܗܝ̇ܕܝܢ ܡܬܒܥܐ ܓܝܪ ܠܡܚܘܝܘ ܠܐܝܠܝܢ ܕܚܝܝ̣ܢ ܕܚܝܘ ܡܝ̈ܬܐ ܘܐܬܘ ܗ̇ܢܘܢ ܕܐܙܠܘ ܗܘܘ
4 ܘܢܗܘܐ ܡܐ ܕܐܫܬ̣ܘܕܥܘ ܚܕ ܠܚܕ ܐܝܠܝܢ ܕܗ̇ܫܐ ܝܕ̇ܥܝ̣ܢ ܗܝ̇ܕܝܢ ܢܥܫܢ ܕܝܢ̣ܐ ܘܢܐ̈ܬܝܢ ܐܝܠܝܢ ܕܡܩ̈ܕܡܢ ܐܡܝܪ̈ܢ ܀