1 ܐܡ̇ܪ ܐܢܐ ܕܝܢ ܗܕܐ ܐܢܐ ܒܪܘܟ̣ ܠܩܘܒܠܟܝ ܒܒܠ ܐܠܘ ܗܘ̣ܝܬܝ ܐܢܬܝ ܡܨܠܚܐ ܘܨܗܝܘܢ ܥܡܪܐ ܒܬܫܒ̈ܚܬܗ̣̇ ܟܐܒܐ ܗܘܐ ܠܢ ܪܒܐ ܕܗ̇ܘܝܐ ܗܘ̣ܝܬ ܫܘܝܐ ܠܨܗܝܘܢ
2 ܗܫܐ ܕܝܢ ܗܐ ܟܐܒܐ ܕܠܐ ܡܣܬܝܟ ܘܬܐܢܚ̈ܬܐ ܕܠܝܬ ܠܗܝܢ ܡܘܫܚ̈ܬܐ ܕܐܢܬܝ ܗܐ ܡܨܠܚܬܝ ܘܨܗܝܘܢ̇ ܚ̣ܪܒܐ
3 ܡ̣ܢܘ ܢܗܘܐ ܕܝ̇ܢܐ ܥܠ ܗܠܝܢ ܐܘ ܠܡ̣ܢܘ ܢܩܒܘܠ ܥܠ ܡܕܡ ܕܓܕܫܢ ܐܘ ܡܪܝܐ ܐܝܟ̇ܢܐ ܣܝ̣ܒܪܬ
4 ܫܟ̣ܒܘ ܐܒܗ̈ܬܢ ܕܠܐ ܟܐܒ̈ܐ ܘܙܕܝ̈ܩܐ ܗܐ ܕܡܟܝܢ ܒܐܪܥܐ ܒܢܝܚܐ
5 ܠܐ ܓܝܪ ܝܕܥܘܗ̇ ܠܥܩܬܐ ܗܕܐ ܘܐܦ ܠܐ ܫܡܥ̣ܘ ܥܠ ܡܕܡ ܕܓܕ̈ܫܢ
6 ܢܗ̈ܘܝܢ ܠܟܝ ܐܪܥܐ ܐܕ̈ܢܐ ܘܐܢܬ ܥ̇ܦܪܐ ܠܒܐ ܘܙܠܘ ܘܚܘܘ ܒܫܝܘܠ ܘܐܡ̣ܪܘ ܠܡܝ̈ܬܐ
7 ܛܘܒܝܟܘܢ ܠܟܘܢ ܝܬܝܪ ܡܢܢ ܕܝܠܢ ܕܚܝ̈ܝܢ ܚܢܢ ܀