1 Kings 21 — Coptic (Sahidic)

7 ... ⲙⲛⲡⲁⲛⲟⲩⲃ

8 ⲛⲉⲡⲣⲉⲥⲃⲩⲧⲉⲣⲟⲥ ⲇⲉ ⲙⲛⲡⲗⲁⲟⲥ ⲧⲏⲣϥ ⲡⲉϫⲁⲩ ⲛⲁϥ ϫⲉⲙⲡⲣⲥⲱⲧⲙ ⲛⲥⲱϥ ⲁⲩⲱ ⲙⲡⲣⲟⲩⲱϣ ⲉⲡⲉⲓⲑⲉ ⲛⲁϥ

9 ⲡⲉϫⲉⲡⲣⲣⲟ ⲇⲉ ⲛⲛⲉϥⲁⲓϣⲓⲛⲉ ⲙⲡϣⲏⲣⲉ ⲛϩⲁⲇⲉⲣ ⲉϥϫⲱ ⲙⲙⲟⲥ ⲛⲁⲩ ϫⲉⲁϫⲓⲥ ⲙⲡⲉⲧⲛϫⲟⲉⲓⲥ ϫⲉϩⲱⲃ ⲛⲓⲙ ⲛⲧⲁⲕⲧⲛⲛⲟⲟⲩ ⲛϣⲟⲣⲡ ⲙⲡⲉⲕϩⲙϩⲁⲗ ⲉⲧⲃⲏⲏⲧⲟⲩ ϯⲛⲁⲁⲁⲩ ⲡⲉⲓϣⲁϫⲉ ⲇⲉ ⲛϯⲛⲁⲁⲁϥ ⲁⲛ ⲛⲉϥⲁⲓϣⲓⲛⲉ ⲇⲉ ⲁⲩⲃⲱⲕ ⲁⲩⲧⲁⲙⲉⲡⲉⲩϫⲟⲉⲓⲥ ⲉⲡϣⲁϫⲉ

10 ⲁⲩⲱ ⲡϣⲏⲣⲉ ⲛϩⲁⲇⲉⲣ ⲁϥϫⲟⲟⲩ ⲛⲁϥ ⲉϥϫⲱ ⲙⲙⲟⲥ ϫⲉⲛⲁⲓ ⲉⲣⲉⲡⲛⲟⲩⲧⲉ ⲁⲁⲩ ⲛⲁⲓ ⲁⲩⲱ ⲛⲉⲓⲕⲟⲟⲩⲉ ⲉϥⲉⲟⲩⲁϩⲟⲩ ⲉϫⲱⲓ ϫⲉⲉϣⲱⲡⲉ ⲡⲕⲁϩ ⲛⲧⲥⲁⲙⲁⲣⲓⲁ ⲉϥⲛⲁⲣⲱϣⲉ ⲉⲡⲙⲏⲏϣⲉ ⲉⲧⲟⲩⲏϩ ⲛⲥⲱⲓ ⲉⲧⲣⲉⲩϥⲓ ⲛⲟⲩϭⲓϫ ⲉⲡⲟⲩⲁ

11 ⲡⲣⲣⲟ ⲇⲉ ⲙⲡⲓⲥⲣⲁⲏⲗ ⲁϥⲟⲩⲱϣⲃ ⲉϥϫⲱ ⲙⲙⲟⲥ ϫⲉϩⲱ ⲉⲣⲟⲕ ⲙⲡⲣⲧⲣⲉⲡⲉⲧⲟ ⲛϫⲟ ϣⲟⲩϣⲟⲩ ⲙⲙⲟϥ ⲛⲧϩⲉ ⲙⲡⲉⲧⲥⲟⲩⲧⲱⲛ ⲉϥⲁϩⲉⲣⲁⲧϥ ⲁⲩⲱ ⲡⲉⲧⲥⲏϭ ⲙⲡⲣⲧⲣⲉϥⲣⲧϩⲉ ⲙⲡⲉⲧⲙⲏⲣ

12 ⲁⲥϣⲱⲡⲉ ⲇⲉ ⲛⲧⲉⲣⲉⲡⲣⲣⲟ ⲛⲧⲥⲩⲣⲓⲁ ⲥⲱⲧⲙ ⲉⲛⲉⲓϣⲁϫⲉ ⲛⲉϥⲥⲱ ⲇⲉ ⲛⲧⲟϥ ⲙⲛⲛⲕⲉⲣⲣⲱⲟⲩ ⲉⲧⲛⲙⲙⲁϥ ϩⲛⲛⲉⲩⲥⲕⲏⲛⲏ ⲡⲉϫⲁϥ ⲇⲉ ⲛⲛⲉϥϩⲙϩⲁⲗ ϫⲉⲕⲱⲧ ⲛⲟⲩⲥⲟⲃⲧ ⲁⲩⲱ ⲁⲩⲕⲱⲧ ⲙⲡⲥⲟⲃⲧ ϩⲓⲣⲛ ⲧⲡⲟⲗⲓⲥ

13 ⲉⲓⲥ ⲟⲩⲡⲣⲟⲫⲏⲧⲏⲥ ⲁϥϯⲡⲉϥⲟⲩⲟⲓ ⲉϩⲟⲩⲛ ⲉⲡⲣⲣⲟ ⲙⲡⲓⲥⲣⲁⲏⲗ ⲉϥϫⲱ ⲙⲙⲟⲥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲉⲛⲉⲁⲕⲛⲁⲩ ⲉⲡⲉⲓⲛⲟϭ ⲙⲙⲏⲏϣⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲧⲁⲁϥ ⲉϩⲣⲁⲓ ⲉⲧⲟⲟⲧⲕ ⲙⲡϩⲟⲟⲩ ⲡⲉⲕⲉⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ

14 ⲡⲉϫⲉⲁⲭⲁⲃ ⲛⲁϥ ϫⲉϩⲛⲟⲩ ⲡⲉϫⲉⲡⲉⲡⲣⲟⲫⲏⲧⲏⲥ ⲛⲁϥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉϩⲛⲛϣⲏⲣⲉ ϣⲏⲙ ⲛⲛⲁⲣⲭⲱⲛ ⲛⲛⲉⲭⲟⲣⲟⲥ ⲡⲉϫⲉⲁⲭⲁⲃ ⲛⲁϥ ϫⲉⲛⲓⲙ ⲡⲉⲧⲛⲁⲣϣⲟⲣⲡ ⲉⲃⲟⲗ ⲉⲡⲡⲟⲗⲉⲙⲟⲥ ⲡⲉϫⲉⲡⲉⲡⲣⲟⲫⲏⲧⲏⲥ ⲛⲁϥ ϫⲉⲛⲧⲟⲕ ⲡⲉ

15 ⲁⲩⲱ ⲁⲭⲁⲃ ⲁϥϭⲙⲡϣⲓⲛⲉ ⲛⲛⲁⲣⲭⲱⲛ ⲛϣⲏⲣⲉ ϣⲏⲙ ⲛⲛⲉⲭⲟⲣⲟⲥ ⲁⲩⲣϣⲏⲧ ⲙⲁⲁϥ ⲁⲩⲱ ⲙⲛⲛⲥⲁⲛⲁⲓ ⲁϥϭⲙⲡϣⲓⲛⲉ ⲙⲡⲗⲁⲟⲥ ⲛϣⲏⲣⲉ ϣⲏⲙ ⲛⲓⲙ ⲛⲇⲩⲛⲁⲧⲟⲥ ⲁⲩⲣⲥⲟⲟⲩ ⲛⲧⲃⲁ

16 ⲁⲩⲱ ⲁϥⲧⲱⲟⲩⲛ ⲁϥⲉⲓ ⲉⲃⲟⲗ ⲙⲙⲉⲉⲣⲉ ⲡϣⲏⲣⲉ ⲇⲉ ⲛϩⲁⲇⲉⲣ ⲛⲉϥⲥⲱ ⲉϥⲧⲁϩⲉ ϩⲛⲥⲟⲕⲭⲱⲑ ⲉⲣⲟϥ

17 ⲁⲩⲉⲓ ⲇⲉ ⲉⲃⲟⲗ ⲛϣⲟⲣⲡ ⲛϭⲓⲛⲁⲣⲭⲱⲛ ⲛϣⲏⲣⲉ ϣⲏⲙ ⲛⲛⲉⲭⲟⲣⲟⲥ ⲁⲩϫⲟⲟⲩ ⲇⲉ ⲁⲩϫⲓⲡⲟⲩⲱ ⲙⲡⲣⲣⲟ ⲛⲧⲥⲩⲣⲓⲁ ⲉⲩϫⲱ ⲙⲙⲟⲥ ⲛⲁϥ ϫⲉϩⲉⲛⲣⲱⲙⲉ ⲁⲩⲉⲓ ⲉⲃⲟⲗ ϩⲛⲧⲥⲁⲙⲁⲣⲓⲁ

18 ⲡⲉϫⲉⲡⲣⲣⲟ ⲛⲧⲥⲩⲣⲓⲁ ⲛⲁⲩ ϫⲉⲉϣⲱⲡⲉ ⲛⲧⲁⲩⲉⲓ ⲉⲃⲟⲗ ⲉⲩⲉⲓⲣⲏⲛⲏ ϭⲟⲡⲟⲩ ⲉⲩⲟⲛϩ ⲉϣⲱⲡⲉ ⲇⲉ ⲛⲧⲁⲩⲉⲓ ⲉⲃⲟⲗ ⲉⲡⲡⲟⲗⲉⲙⲟⲥ ...

21 ⲙⲡⲓⲥⲣⲁⲏⲗ ⲁϥϥⲓ ⲉⲃⲟⲗ ⲛⲛϩⲧ ......

23 ... ⲡⲉ ⲡⲛⲟⲩⲧⲉ ⲙⲡⲓⲥⲣⲁⲏⲗ ⲁⲩⲱ ⲡⲛⲟⲩⲧⲉ ⲁⲛ ⲡⲉ ⲛⲛⲉⲓⲁ ⲉⲧⲃⲉⲡⲁⲓ ϭⲉ ⲁⲩⲧⲁϫⲣⲟ ⲉ ⲉⲣⲟⲛ ⲛⲙⲙⲁⲩ ⲧⲛ ⲉϩⲟⲩⲉ ⲉⲣⲟⲟⲩ

24 ⲡⲉⲓϣⲁϫⲉ ⲇⲉ ϭⲉ ⲁⲣⲓϥ ϫⲟⲟⲩ ⲛⲛⲉⲣⲣⲱⲟⲩ ⲡⲟⲩⲁ ⲡⲟⲩⲁ ⲙⲙⲟⲟⲩ ϩⲣⲁⲓ ⲉⲡⲉϥⲙⲁ ⲁⲩⲱ ⲛⲉⲕⲧⲁϩⲟ ⲉⲣⲁⲧⲟⲩ ⲛϩⲉⲛⲥⲁⲧⲣⲁⲡⲏⲥ ⲉⲡⲉⲩⲙⲁ

25 ⲁⲩⲱ ⲧⲛⲛⲁⲉⲓⲛⲉ ⲛⲁⲕ ⲛⲟⲩⲙⲏⲏϣⲉ ⲉⲡⲙⲁ ⲙⲡⲙⲏⲏϣⲉ ⲛⲧⲁϥϩⲉ ⲛⲧⲟⲟⲧⲕ ⲁⲩⲱ ϩⲉⲛϩⲧⲱⲱⲣ ⲕⲁⲧⲁⲛⲉⲓϩⲧⲱⲱⲣ ⲛϣⲟⲣⲡ ⲁⲩⲱ ϩⲛⲕⲉϩⲁⲣⲙⲁ ⲕⲁⲧⲁⲛⲉⲓϩⲁⲣⲙⲁ ⲛϣⲟⲣⲡ ⲛⲧⲛⲉⲓ ⲉⲃⲟⲗ ⲉⲡⲟϭⲉ ⲉⲙⲓϣⲉ ⲛⲙⲙⲁⲩ ⲁⲩⲱ ⲧⲛⲛⲁⲧⲁϫⲣⲟ ⲉϩⲟⲩⲟ ⲉⲣⲟⲟⲩ ⲡⲣⲣⲟ ⲇⲉ ⲁϥⲥⲱ ⲛⲥⲱⲟⲩ ⲁⲩⲱ ⲁϥⲉⲓⲣⲉ ⲕⲁⲧⲁⲡⲉⲩϣⲁ

26 ⲁⲥϣⲱⲡⲉ ⲇⲉ ⲛⲧⲉⲣⲟⲙⲡⲉ ⲛⲧ...

30 ⲁϥⲃⲱⲕ ⲉϩⲟⲩⲛ ⲉⲡⲏⲓ ⲙⲡⲉϥⲕⲟⲓⲧⲱⲛ ⲉⲡⲉϥⲧⲁⲙⲉⲓⲟⲛ

31 ⲁⲩⲱ ⲡⲉϫⲁϥ ⲛⲛⲉϥϩⲙϩⲁⲗ ϫⲉϯⲥⲟⲟⲩⲛ ϫⲉⲛⲉⲣⲱⲟⲩ ⲙⲡⲓⲥⲣⲁⲏⲗ ϩⲉⲛⲣⲣⲱⲟⲩ ⲉⲡⲛⲉⲩⲙⲁ ⲙⲁⲣⲛⲧⲱ ⲛϩⲉⲛϭⲟⲟⲩⲛ ϩⲓϫⲛⲛⲉⲛϯⲡⲉ ⲁⲩⲱ ϩⲉⲛⲛⲟⲩϩ ... ⲉϫⲛⲛⲉ ... ⲛ ...ⲓⲏⲗ ...