Read 1 Kings 1 side by side with translations · The Final Bible
32 ⲡⲣⲣⲟ ⲇⲁⲩⲉⲓⲇ ⲡⲉϫⲁϥ ϫⲉⲙⲟⲩⲧⲉ ⲛⲁⲓ ⲉⲥⲁⲇⲱⲕ ⲡⲟⲩⲏⲏⲃ ⲁⲩⲱ ⲛⲁⲑⲁⲛ ⲡⲉⲡⲣⲟⲫⲏⲧⲏⲥ ⲁⲩⲱ ⲃⲁⲛⲁⲓⲁⲥ ⲡϣⲏⲣⲉ ⲛⲓⲱⲇⲁⲉ ⲁⲩⲃⲱⲕ ⲇⲉ ⲉϩⲟⲩⲛ ϩⲓⲧϩⲏ ⲙⲡⲣⲣⲟ
33 ⲡⲉϫⲉⲡⲣⲣⲟ ⲛⲁⲩ ϫⲉϫⲓ ⲛⲙⲙⲏⲧⲛ ⲛⲛϩⲙϩⲁⲗ ⲙⲡⲉⲧⲛϫⲟⲉⲓⲥ ⲛⲧⲉⲧⲛⲧⲁⲗⲉⲡⲁϣⲏⲣⲉ ⲥⲟⲗⲟⲙⲱⲛ ⲉϩⲣⲁⲓ ⲉϫⲛⲧⲁⲙⲉⲥⲡⲟⲣⲕ ⲛⲧⲉⲧⲛϫⲓⲧϥ ⲉϩⲣⲁⲓ ⲉⲅⲉⲱⲛ ⲛⲧⲉⲧⲛⲧⲁϩⲥϥ ϩⲙⲡⲙⲁ ⲉⲧⲙⲙⲁⲩ
34 ⲛⲧⲟⲕ ⲥⲁⲇⲱⲕ ⲡⲟⲩⲏⲏⲃ ⲁⲩⲱ ⲛⲁⲑⲁⲛ ⲡⲉⲡⲣⲟⲫⲏⲧⲏⲥ ⲉⲧⲣⲉⲧⲉⲧⲛⲁⲁϥ ⲛⲣⲣⲟ ⲉϫⲙⲡⲓⲥⲣⲁⲏⲗ ⲛⲧⲉⲧⲛⲥⲁⲗⲡⲓⲍⲉ ϩⲛϩⲉⲛⲥⲁⲗⲡⲓⲅⲝ ⲛⲁϣⲧⲁⲡ ⲁⲩⲱ ⲛⲧⲉⲧⲛϫⲟⲟⲥ ϫⲉⲙⲁⲣⲉⲡⲣⲣⲟ ⲥⲟⲗⲟⲙⲱⲛ ⲱⲛϩ
35 ⲁⲩⲱ ⲛϥϩⲙⲟⲟⲥ ⲉϫⲙⲡⲁⲑⲣⲟⲛⲟⲥ ⲉⲡⲁⲙⲁ ⲁⲩⲱ ⲁⲛⲟⲕ ⲁⲓⲟⲩⲉϩⲥⲁϩⲛⲉ ⲉⲧⲣⲉϥⲣⲣⲣⲟ ⲉϫⲙⲡⲓⲥⲣⲁⲏⲗ ⲁⲩⲱ ⲉϫⲛⲓⲟⲩⲇⲁ
36 ⲁϥⲟⲩⲱϣⲃ ⲛϭⲓⲃⲁⲛⲁⲓⲁⲥ ⲡϣⲏⲣⲉ ⲛⲓⲱⲇⲁⲉ ϩⲓⲧϩⲏ ⲙⲡⲣⲣⲟ ⲉϥϫⲱ ⲙⲙⲟⲥ ϫⲉⲉⲥⲉϣⲱⲡⲉ ϩⲓⲛⲁⲓ ⲉⲣⲉⲡⲛⲟⲩⲧⲉ ⲙⲡⲁϫⲟⲉⲓⲥ ⲡⲣⲣⲟ ⲧⲁϫⲣⲉⲡϣⲁϫⲉ
37 ⲁⲩⲱ ⲕⲁⲧⲁⲧϩⲉ ⲛⲧⲁⲡϫⲟⲉⲓⲥ ϣⲱⲡⲉ ⲙⲛⲡⲁϫⲟⲉⲓⲥ ⲡⲣⲣⲟ ⲉϥⲉϣⲱⲡⲉ ϩⲱⲱϥ ϩⲓⲛⲁⲓ ⲙⲛⲥⲟⲗⲟⲙⲱⲛ ⲁⲩⲱ ⲉϥⲉϫⲓⲥⲉ ⲙⲡⲉϥⲑⲣⲟⲛⲟⲥ ⲛϩⲟⲩⲉ ⲡⲉⲑⲣⲟⲛⲟⲥ ⲙⲡⲁϫⲟⲉⲓⲥ ⲡⲣⲣⲟ ⲇⲁⲩⲉⲓⲇ
38 ⲁⲩⲱ ⲁⲩⲉⲓ ⲉⲡⲉⲥⲏⲧ ⲛϭⲓⲥⲁⲇⲱⲕ ⲡⲟⲩⲏⲏⲃ ⲙⲛⲛⲁⲑⲁⲛ ⲡⲉⲡⲣⲟⲫⲏⲧⲏⲥ ⲙⲛⲃⲁⲛⲁⲓⲁⲥ ⲡϣⲏⲣⲉ ⲛⲓⲱⲇⲁⲉ ⲙⲛⲡⲭⲑⲉⲓ ⲙⲛⲡⲫⲉⲗⲉ ⲁⲩⲱ ⲛⲁⲑⲁⲛ ⲁⲩⲑⲙⲥⲟϥ ⲉϫⲛⲧⲙⲉⲥⲡⲟⲣⲕ ⲙⲡⲣⲣⲟ ⲇⲁⲩⲉⲓⲇ ⲁⲩϫⲓⲧϥ ⲉϩⲣⲁⲓ ⲉⲅⲉⲱⲛ
39 ⲁⲩⲱ ⲥⲁⲇⲱⲕ ⲡⲟⲩⲏⲏⲃ ⲁϥϫⲓ ⲙⲡⲧⲁⲡ ⲛⲛⲉϩ ⲉⲃⲟⲗ ϩⲛⲧⲉⲥⲕⲏⲛⲏ ⲁϥⲧⲱϩⲥ ⲛⲥⲟⲗⲟⲙⲱⲛ ⲛϩⲏⲧϥ ⲁⲩⲱ ⲁⲩⲥⲁⲗⲡⲓⲍⲉ ϩⲛϩⲉⲛⲥⲁⲗⲡⲓⲅⲝ ⲛⲁϣⲧⲁⲡ ⲡⲉϫⲉⲡⲗⲁⲟⲥ ϫⲉⲙⲁⲣⲉⲡⲣⲣⲟ ⲥⲟⲗⲟⲙⲱⲛ ⲱⲛϩ
40 ⲁⲩⲱ ⲡⲗⲁⲟⲥ ⲧⲏⲣϥ ⲁⲩⲉⲓ ⲉϩⲣⲁⲓ ⲉⲩⲟⲩⲏϩ ⲛⲥⲱϥ ⲉⲩⲭⲟⲣⲉⲩⲉ ϩⲛϩⲉⲛⲭⲟⲣⲟⲥ ⲁⲩⲱ ⲉⲩⲉⲩⲫⲣⲁⲛⲉ ϩⲛⲟⲩⲛⲟϭ ⲛⲟⲩⲛⲟϥ ⲡⲕⲁϩ ⲇⲉ ⲁϥⲛⲟⲉⲓⲛ ϩⲙⲡⲉⲩϩⲣⲟⲟⲩ
51 ϫⲉⲙⲁⲣⲉⲥⲟⲗⲟⲙⲱⲛ ⲱⲣⲕ ⲛⲁⲓ ⲙⲡϩⲟⲟⲩ ϫⲉⲛϥⲛⲁⲙⲟⲩⲟⲩⲧ ⲁⲛ ⲙⲡⲉϥϩⲙϩⲁⲗ ϩⲛⲟⲩⲥⲏϥⲉ
52 ⲡⲉϫⲉⲥⲟⲗⲟⲙⲱⲛ ϫⲉⲉϥϣⲁⲛϣⲱⲡⲉ ⲛⲟⲩⲣⲱⲙⲉ ⲛϫⲱⲱⲣⲉ ⲡϫⲟⲉⲓⲥ ⲟⲛϩ ⲉϣⲱⲡⲉ ⲟⲩⲛⲗⲁⲁⲩ ⲛ ⲛⲧⲉⲧⲉϥⲁⲡⲉ ⲛⲁϩⲉ ⲉϩⲣⲁⲓ ⲉⲡⲕⲁϩ ⲉⲩϣⲁⲛϭⲛⲕⲁⲕⲓⲁ ⲇⲉ ⲉϩⲣⲁⲓ ⲛϩⲏⲧϥ ϩⲛⲟⲩⲙⲟⲩ ⲥⲉⲛⲁⲙⲟⲩⲟⲩⲧϥ
53 ⲁⲩⲱ ⲡⲣⲣⲟ ⲥⲟⲗⲟⲙⲱⲛ ⲁϥ... ⲁϥⲛⲧϥ ⲉϩⲣⲁⲓ ϩⲓⲡⲉⲑⲩⲥⲓⲁⲥⲧⲏⲣⲓⲟⲛ ⲁϥⲃⲱⲕ ⲉϩⲟⲩⲛ ⲁϥⲡⲁϩⲧϥ ⲁϥⲟⲩⲱϣⲧ ⲙⲡⲣⲣⲟ ⲥⲟⲗⲟⲙⲱⲛ ⲡⲉϫⲉⲥⲟⲗⲟⲙⲱⲛ ⲛⲁϥ ϫⲉⲁⲙⲟⲩ ⲃⲱⲕ ⲉϩⲟⲩⲛ ⲉⲡⲉⲕⲏⲓ
1 Kings 2 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)