Read Zechariah 9 side by side with translations · The Final Bible
9 ⲣⲁϣⲉ ⲙⲁⲧⲉ ⲧϣⲉⲉⲣⲉ ⲛⲥⲓⲱⲛ ⲕⲏⲣⲏⲥⲥⲉ ⲧϣⲉⲉⲣⲉ ⲛⲧϩⲓⲉⲣⲟⲩⲥⲁⲗⲏⲙ ⲉⲓⲥ ⲡⲟⲩⲉⲣⲣⲟ ϥⲛⲁⲉⲓ ⲛⲏⲟⲩⲇⲓⲕⲁⲓⲟⲥ ⲡⲉ ⲁⲩⲱ ⲉϥⲧⲁⲛϩⲟ ⲛⲧⲟϥ ⲟⲩⲣⲙⲣⲁϣ ⲡⲉ ⲉϥⲧⲁⲗⲏⲩ ⲉϫⲛⲟⲩⲃⲁⲓ ⲛⲁϩⲃ ⲁⲩⲱ ⲟⲩⲥⲏϭ ⲛⲃⲣⲣⲉ
10 ⲁⲩⲱ ϥⲛⲁⲧⲁⲕⲟ ⲛϩⲉⲛϩⲁⲣⲙⲁ ⲉⲃⲟⲗ ϩⲛⲉⲫⲣⲁⲓⲙ ⲁⲩⲱ ϩⲉⲛϩⲧⲱⲱⲣ ⲉⲃⲟⲗ ϩⲛⲧϩⲓⲉⲣⲟⲩⲥⲁⲗⲏⲙ ⲁⲩⲱ ⲟⲩⲡⲓⲧⲉ ⲙⲡⲟⲗⲉⲙⲓⲕⲟⲛ ⲥⲉⲛⲁⲧⲁⲕⲟⲥ ⲙⲛⲟⲩⲙⲏⲏϣⲉ ⲉⲛϥϫⲱ ⲛⲟⲩⲉⲓⲣⲏⲛⲏ ⲛⲛϩⲉⲑⲛⲟⲥ ⲧⲉϥⲉⲝⲟⲩⲥⲓⲁ ⲥⲛⲁϣⲱⲡⲉ ϫⲓⲛⲑⲁⲗⲁⲥⲥⲁ ⲁⲩⲱ ϫⲓⲛⲡⲓⲉⲣⲣⲟ ϣⲁⲣⲏϫϥ ⲙⲡⲕⲁϩ
11 ⲁⲩⲱ ⲛⲧⲟⲕ ϩⲙⲡⲉⲥⲛⲟϥ ⲛⲧⲉⲕⲇⲓⲁⲑⲏⲕⲉ ⲁⲕϫⲟⲟⲩ ⲉⲃⲟⲗ ⲛⲛⲉⲧⲥⲟⲛϩ ⲛⲧⲁⲕ ⲉⲃⲟⲗ ϩⲛⲟⲩϣⲏⲓ ⲉⲙⲛⲙⲟⲟⲩ ⲛϩⲏⲧϥ
12 ⲕⲧⲉⲧⲏⲩⲧⲛ ⲉⲩⲟⲣϫ ⲛⲉⲧⲥⲟⲛϩ ⲛⲧⲉⲧϩⲉⲗⲡⲓⲥ ⲁⲩⲱ ⲉⲡⲙⲁ ⲙⲡⲉϩⲟⲟⲩ ⲛⲟⲩⲱⲧ ⲙⲡⲉⲕϭⲟⲓⲗⲉ ϯⲛⲁⲧⲟⲩⲓⲟ ⲛⲁⲕ ⲙⲡⲕⲱⲃ
13 ⲉⲃⲟⲗ ϫⲉⲓⲟⲩⲇⲁ ⲁⲓϫⲟⲗⲉⲕⲕ ⲛⲁⲓ ⲛⲟⲩⲡⲓⲧⲉ ⲁⲓⲙⲟⲩϩ ⲉⲛⲉⲫⲣⲁⲓⲙ ⲁⲩⲱ ϯⲛⲁⲧⲟⲩⲛⲉⲥ ⲛⲟⲩϣⲏⲣⲉ ⲥⲓⲱⲛ ⲉϫⲛⲛϣⲏⲣⲉ ⲛⲛⲟⲩⲉⲉⲓⲛⲓⲛ ⲛⲧⲁϭⲙϭⲱⲙⲟⲩ ⲛⲧϩⲉ ⲛⲟⲩⲥⲏⲃⲉ ⲛⲣⲉϥⲙⲓϣⲉ
14 ⲁⲩⲱ ⲡϫⲟⲉⲓⲥ ⲛⲁⲉⲓ ⲉϩⲣⲁⲓ ⲉϫⲱⲟⲩ ⲁⲩⲱ ⲡⲉϥⲥⲟⲧⲉ ⲛⲁⲉⲓ ⲉⲃⲟⲗ ⲛⲧϩⲉ ⲛⲟⲩⲉⲃⲣⲏϭⲉ ⲁⲩⲱ ⲡϫⲟⲉⲓⲥ ⲡⲛⲟⲩⲧⲉ ⲉϥⲛⲁⲥⲁⲗⲡⲓⲍⲉ ϩⲛⲟⲩⲛⲟϭ ⲛⲥⲁⲗⲡⲓⲅⲝ
Zechariah 8 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)