Read Zechariah 1 side by side with translations · The Final Bible
12 ⲁϥⲟⲩⲱϣⲃ ⲛϭⲓⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲉϥϫⲱ ⲙⲙⲟⲥ ϫⲉⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ϣⲁⲧⲛⲁⲩ ⲛⲅⲛⲁⲛⲁ ⲁⲛ ⲛⲧϩⲓⲉⲣⲟⲩⲥⲁⲗⲏⲙ ⲙⲛⲙⲡⲟⲗⲓⲥ ⲛⲓⲟⲩⲇⲁ ⲛⲁⲓ ⲛⲧⲁⲕⲟⲃϣⲕ ⲉⲣⲟⲟⲩ ⲉⲓⲥ ϣϥⲉ ⲛⲣⲟⲙⲡⲉ
13 ⲁⲩⲱ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲁϥⲟⲩⲱϣⲃ ⲙⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ⲉϥϫⲱ ⲉⲣⲟϥ ⲛϩⲉⲛϣⲁϫⲉ ⲉⲛⲁⲛⲟⲩⲟⲩ ⲙⲛϩⲉⲛⲗⲟⲅⲟⲥ ⲛⲥⲟⲗⲥⲗ
14 ⲁⲩⲱ ⲡⲉϫⲁϥ ⲛⲁⲓ ⲛϭⲓⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ϫⲉⲱϣ ⲉⲃⲟⲗ ⲉⲕϫⲱ ⲙⲙⲟⲥ ϫⲉⲛⲁⲓ ⲛⲉⲧϥϫⲱ ⲙⲙⲟⲟⲩ ⲛϭⲓⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ϫⲉⲁⲓⲕⲱϩ ⲉⲧϩⲓⲉⲣⲟⲩⲥⲁⲗⲏⲙ ⲙⲛⲥⲓⲱⲛ ⲛⲟⲩⲛⲟϭ ⲛⲕⲱϩ
15 ⲁⲩⲱ ϯⲛⲟϭⲥ ϩⲛⲟⲩⲛⲟϭ ⲛⲟⲣⲅⲏ ⲉⲛϩⲉⲑⲛⲟⲥ ⲛⲧⲁⲩⲧⲱⲟⲩⲛ ϩⲓⲟⲩⲥⲟⲡ ⲉϫⲱⲧⲛ ⲉⲃⲟⲗ ϫⲉⲁⲛⲟⲕ ⲙⲉⲛ ⲁⲓⲛⲟⲩϭⲥ ϩⲛⲟⲩⲕⲟⲩⲓ ⲛⲧⲟⲟⲩ ⲇⲉ ⲁⲩⲧⲱⲟⲩⲛ ⲉϩⲉⲛⲡⲉⲧϩⲟⲟⲩ
16 ⲉⲧⲃⲉⲡⲁⲓ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉϯⲛⲁⲕⲧⲟⲓ ⲉϫⲛⲧϩⲓⲉⲣⲟⲩⲥⲁⲗⲏⲙ ϩⲛⲟⲩⲙⲛⲧϣⲁ ⲛϩⲧⲏϥ ⲁⲩⲱ ⲡⲁⲏⲓ ⲥⲉⲛⲁⲕⲟⲧϥ ⲛϩⲏⲧⲥ ⲛⲟⲩⲱϩⲙ ⲡⲉϫⲉⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲁⲩⲱ ⲥⲉⲛⲁⲥⲣⲟⲩϣⲓ ⲟⲛ ⲉⲃⲟⲗ ⲛⲟⲩⲱϩⲙ ⲉϫⲛⲧϩⲓⲉⲣⲟⲩⲥⲁⲗⲏⲙ
17 ⲁⲩⲱ ⲡⲉϫⲁϥ ⲛⲁⲓ ⲛϭⲓⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ϫⲉⲱϣ ⲉⲃⲟⲗ ⲉⲕϫⲱ ⲙⲙⲟⲥ ϫⲉⲉⲧⲓ ⲙⲡⲟⲗⲓⲥ ⲥⲉⲛⲁⲟⲩⲱⲱⲗⲉ ⲛϩⲉⲛⲁⲅⲁⲑⲟⲛ ⲁⲩⲱ ⲡϫⲟⲉⲓⲥ ⲣⲁⲛⲁ ⲟⲛ ⲛⲥⲓⲱⲛ ⲛϥⲙⲉⲣⲉⲧϩⲓⲉⲣⲟⲩⲥⲁⲗⲏⲙ
Zechariah 2 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)