Susanna 1 — Coptic (Sahidic)

1 ⲛⲉⲟⲩⲛⲣⲱⲙⲉ ⲇⲉ ⲉϥϣⲟⲟⲡ ϩⲛⲧⲃⲁⲃⲩⲗⲱⲛ ⲉⲡⲉϥⲣⲁⲛ ⲡⲉ ⲓⲱⲁⲕⲓⲙ

2 ⲁϥϫⲓ ⲛⲁϥ ⲛⲟⲩⲥϩⲓⲙⲉ ⲉⲡⲉⲥⲣⲁⲛ ⲡⲉ ⲥⲟⲩⲥⲁⲛⲛⲁ ⲧϣⲉⲉⲣⲉ ⲛⲭⲉⲗⲕⲓⲁⲥ ⲡⲉ ⲉⲃⲟⲗ ϩⲛⲛⲟⲩⲏⲏⲃ ⲉⲛⲉⲥⲱⲥ ⲉⲙⲁⲧⲉ ⲁⲩⲱ ⲉⲥⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ

3 ⲛⲉⲥⲉⲓⲟⲧⲉ ⲇⲉ ⲉⲛⲉϩⲉⲛⲇⲓⲕⲁⲓⲟⲥ ⲛⲉ ⲁⲩⲧⲥⲁⲃⲟ ⲉⲧⲉⲩϣⲉⲉⲣⲉ ⲕⲁⲧⲁⲡⲛⲟⲙⲟⲥ ⲙⲙⲱⲩⲥⲏⲥ

4 ⲓⲱⲁⲕⲓⲙ ⲇⲉ ⲛⲉⲩⲣⲙⲙⲁⲟ ⲉⲙⲁⲧⲉ ⲡⲉ ⲛⲉⲟⲩⲛⲧⲁϥ ⲙⲙⲁⲩ ⲛⲟⲩϣⲛⲏ ⲉⲥϩⲏⲛ ⲉϩⲟⲩⲛ ⲉⲡⲉϥⲏⲓ ⲉⲛⲉϣⲁⲩⲥⲱⲟⲩϩ ⲇⲉ ⲉⲣⲟϥ ⲛϭⲓⲛⲓⲟⲩⲇⲁⲓ ⲉⲃⲟⲗ ϫⲉⲛⲉϥⲧⲁⲓⲏⲩ ⲉϩⲟⲩⲉ ⲉⲣⲟⲟⲩ ⲧⲏⲣⲟⲩ

5 ⲁⲩⲛⲟⲩϩⲉ ⲇⲉ ⲉⲃⲟⲗ ϩⲙⲡⲗⲁⲟⲥ ⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ⲛⲣⲉϥϯϩⲁⲡ ϩⲛⲧⲉⲣⲟⲙⲡⲉ ⲉⲧⲙⲙⲁⲩ ⲉⲧⲃⲉⲛⲉⲛⲧⲁⲡϫⲟⲉⲓⲥ ϫⲟⲟⲩ ϫⲉⲁⲩⲁⲛⲟⲙⲓⲁ ⲉⲓ ⲉⲃⲟⲗ ϩⲛⲧⲃⲁⲃⲩⲗⲱⲛ ⲉⲃⲟⲗ ϩⲛⲛⲉⲡⲣⲉⲥⲃⲩⲧⲉⲣⲟⲥ ⲛⲣⲉϥϯϩⲁⲡ ⲛⲁⲓ ⲉⲧϫⲱ ⲙⲙⲟⲥ ϫⲉⲉⲛⲉⲣϩⲙⲙⲉ ⲙⲡⲗⲁⲟⲥ

6 ⲛⲁⲓ ⲇⲉ ⲛⲉⲩⲡⲣⲟⲥⲕⲁⲣⲧⲉⲣⲉⲓ ϩⲙⲡⲏⲓ ⲛⲓⲱⲁⲕⲉⲓⲙ ⲁⲩⲱ ⲛⲉⲩⲛⲏⲩ ⲉⲣⲁⲧⲟⲩ ⲉⲡⲙⲁ ⲉⲧⲙⲙⲁⲩ ⲛϭⲓⲟⲩⲟⲛ ⲛⲓⲙ ⲉⲧϫⲓϩⲁⲡ

7 ⲁⲩⲱ ϣⲁⲥϣⲱⲡⲉ ⲉⲣϣⲁⲛⲡⲗⲁⲟⲥ ⲃⲱⲕ ⲉⲃⲟⲗ ⲙⲡⲛⲁⲩ ⲙⲙⲉⲉⲣⲉ ϣⲁⲣⲉⲥⲟⲩⲥⲁⲛⲛⲁ ⲃⲱⲕ ⲉϩⲟⲩⲛ ⲛⲥⲙⲟⲟϣⲉ ϩⲛⲧⲉϣⲛⲏ ⲙⲡⲉⲥϩⲁⲓ

8 ⲛⲉⲩⲛⲁⲩ ⲇⲉ ⲉⲣⲟⲥ ⲛϭⲓⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ⲉⲥⲃⲏⲕ ⲉϩⲟⲩⲛ ⲙⲙⲏⲛⲉ ⲉⲥⲙⲟⲟϣⲉ ⲁⲩⲱ ⲁⲩϣⲱⲡⲉ ⲉⲩⲉⲡⲓⲑⲩⲙⲉⲓ ⲉⲣⲟⲥ

9 ⲁⲩⲕⲧⲟ ⲙⲡⲉⲩϩⲏⲧ ⲁⲩⲱ ⲁⲩⲣⲓⲕⲉ ⲛⲛⲉⲩⲃⲁⲗ ⲉⲧⲙϭⲱϣⲧ ⲉϩⲣⲁⲓ ⲉⲧⲡⲉ ⲟⲩⲇⲉ ⲉⲧⲙⲣⲡⲙⲉⲉⲩⲉ ⲛⲛϩⲁⲡ ⲙⲙⲉ

10 ⲛⲉⲩⲙⲟⲕϩ ⲇⲉ ⲉⲛⲉⲩϩⲏⲧ ⲙⲡⲉⲥⲛⲁⲩ ⲉⲧⲃⲏⲏⲧⲥ ⲁⲩⲱ ⲙⲡⲉⲩϫⲱ ⲉⲛⲉⲩⲉⲣⲏⲩ ⲙⲡⲉⲩⲙⲕⲁϩ ⲛϩⲏⲧ

11 ϫⲉⲛⲉⲩϣⲓⲡⲉ ⲉϫⲱ ⲛⲧⲉⲩⲉⲡⲓⲑⲩⲙⲓⲁ ϫⲉⲛⲉⲩⲟⲩⲱϣ ⲉϣⲱⲡⲉ ⲛⲙⲙⲁⲥ

12 ⲛⲉⲩⲉⲓⲣⲉ ... ⲙⲙⲏⲛⲉ ⲉⲣⲟⲥ

13 ⲡⲉϫⲁⲩ ⲛⲛⲉⲩⲉⲣⲏⲩ ϫⲉⲙⲁⲣⲛⲃⲱⲕ ⲉⲡⲉⲛⲏⲓ ϫⲉⲡⲛⲁⲩ ⲛⲟⲩⲱⲙ ⲡⲉ ⲛⲧⲉⲣⲟⲩⲉⲓ ⲉⲃⲟⲗ ⲁⲩⲡⲱⲱⲛⲉ ⲉⲃⲟⲗ ⲛⲛⲉⲩⲉⲣⲏⲩ

14 ...

15 ⲙⲛⲧⲉϩⲙϩⲁⲗ ⲥⲛⲧⲉ ⲙⲙⲁⲧⲉ ⲁⲩⲱ ⲛⲉⲥⲉⲡⲉⲓⲑⲩⲙⲉⲓ ⲉϫⲱⲕⲙ ϩⲣⲁⲓ ϩⲛⲧⲉϣⲛⲏ ϫⲉⲛⲉⲟⲩⲕⲁⲩⲙⲁ ⲡⲉ

16 ⲛⲉⲙⲛⲗⲁⲁⲩ ⲙⲙⲁⲩ ⲛⲥⲁⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ⲉⲩⲕⲏⲡ ⲁⲩⲱ ⲉⲩⲡⲁⲣⲁⲧⲏⲣⲉⲓ ⲉⲣⲟⲥ

17 ⲡⲉϫⲁⲥ ⲛⲛⲉⲥϩⲙϩⲁⲗ ϫⲉⲁⲛⲓⲛⲉ ⲛⲁⲓ ⲛⲟⲩⲛⲉϩ ⲙⲛⲟⲩⲁⲛϫⲓⲣ ⲛⲧⲉⲧⲛϣⲧⲁⲙ ⲛⲛⲣⲟ ⲛⲧⲉϣⲛⲏ ϫⲉⲕⲁⲥ ⲉⲓⲉϫⲱⲕⲙ

18 ⲁⲩⲉⲓⲣⲉ ⲇⲉ ⲕⲁⲧⲁⲧϩⲉ ⲛⲧⲁⲥϫⲟⲟⲥ ⲛⲁⲩ ⲁⲩϣⲧⲁⲙ ⲛⲛⲣⲟ ⲛⲧⲉϣⲛⲏ ⲁⲩⲉⲓ ⲉⲃⲟⲗ ϩⲛⲛⲣⲟ ⲁⲩⲱ ⲙⲡⲟⲩⲛⲁⲩ ⲉⲙⲡⲣⲉⲥⲃⲩⲧⲉⲣⲟⲥ ϫⲉⲛⲉⲩⲕⲏⲡ ⲡⲉ

19 ⲁⲥϣⲱⲡⲉ ⲇⲉ ϩⲙⲡⲧⲣⲉⲩⲉⲓ ⲉⲃⲟⲗ ⲛϭⲓⲛϣⲉⲉⲣⲉ ϣⲏⲙ ⲁⲩⲧϣⲟⲩⲛ ⲛϭⲓⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ⲁⲩⲡⲱⲧ ⲉϩⲣⲁⲓ ⲉϫⲱⲥ

20 ⲡⲉϫⲁⲩ ⲛⲁⲥ ϫⲉⲉⲓⲥϩⲏⲏⲧⲉ ⲉⲓⲥ ⲛⲣⲟ ⲛⲧⲉϣⲛⲏ ϣⲟⲧⲙ ⲁⲩⲱ ⲙⲛⲗⲁⲁⲩ ⲛⲁⲩ ⲉⲣⲟⲛ ⲧⲛϣⲟⲟⲡ ⲇⲉ ϩⲛⲧⲟⲩⲉⲡⲓⲑⲩⲙⲓⲁ ⲉⲧⲃⲉⲡⲁⲓ ϭⲉ ⲡⲉⲓⲑⲉ ⲛⲁⲛ ⲛⲧⲉϣⲱⲡⲉ ⲛⲙⲙⲁⲛ

21 ⲉϣⲱⲡⲉ ⲙⲙⲟⲛ ⲧⲛⲛⲁⲣⲙⲛⲧⲣⲉ ⲉⲣⲟϫⲉⲛⲉⲣⲉⲟⲩϩⲣϣⲓⲣⲉ ⲛⲙⲙⲉ ⲁⲩⲱ ⲉⲧⲃⲉⲡⲁⲓ ⲁϫⲟⲟⲩ ⲉⲃⲟⲗ ⲛⲛϩⲙϩⲁⲗ

22 ⲁⲥⲁϣⲁϩⲟⲙ ⲇⲉ ⲛϭⲓⲥⲟⲩⲥⲁⲛⲛⲁ ⲉⲥϫⲱ ⲙⲙⲟⲥ ϫⲉϯϩⲏϣ ⲁⲛⲟⲕ ...

23 ...

24 ...

25 ...

26 ...

27 ⲁⲩϣ ⲛϭⲓⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ...

28 ⲡⲉϫⲁⲩ ⲙⲡⲗⲁⲟⲥ

29 ϫⲉⲙⲁⲣⲉⲧⲛⲧⲛⲛ ⲛⲥⲁⲥⲟⲩⲥⲁⲛ ⲧϣⲉⲉⲣⲉ ⲛⲭⲉⲗⲕⲓⲁⲥ ⲛⲧⲁⲧⲉⲥϩⲓⲙⲉ ⲛⲓⲱⲁⲕⲓⲙ ⲛⲧⲟⲟⲩ ⲁⲩⲧⲛⲛⲟⲟⲩ ⲛⲥⲱⲥ

30 ⲁⲥⲉⲓ ⲛⲧⲟⲥ ⲙⲛⲛⲉⲥϩⲙ ⲙⲛⲛⲉⲥⲉⲓⲟⲧⲉ ⲙⲛⲛⲉⲥⲥⲩⲅⲅⲉⲛⲏⲥ ⲧⲏⲣⲟⲩ

31 ⲥⲟⲩⲥⲁⲛⲛⲁ ⲇⲉ ⲛⲉⲥϭⲏⲡ ⲉⲙⲁⲧⲉ ⲡⲉ ⲉⲛⲉⲥⲱⲥ ϩⲙⲡⲉⲥⲥⲁ

32 ⲙⲡⲁⲣⲁⲛⲟⲙⲟⲥ ⲇⲉ ⲁⲩⲟⲩⲉϩⲥⲁϩⲛⲉ ⲉϭⲱⲗⲡ ⲉⲃⲟⲗ ⲛⲧⲉⲥⲁⲡⲉ ⲛⲉⲥϩⲟⲃⲥ ⲅⲁⲣ ⲡⲉ ϫⲉⲕⲁⲥ ⲉⲩⲉⲥⲉⲓ ⲙⲡⲉⲥϩⲟ

33 ⲁⲩⲣⲓⲙⲉ ⲇⲉ ⲧⲏⲣⲟⲩ ⲛϭⲓⲛⲉⲥⲣⲱⲙⲉ ⲁⲩⲱ ⲟⲩⲟⲛ ⲛⲓⲙ ⲛⲧⲁⲩⲥ ⲙⲙⲟⲥ

34 ⲁⲩⲧⲱⲟⲩⲛ ⲇⲉ ⲛϩⲓ ⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ⲛⲧⲙⲏⲧⲉ ⲙⲡⲗⲁⲟⲥ ⲁⲩⲕⲱ ⲛⲛⲉⲩϭⲓϫ ⲉϩⲣⲁⲓ ⲉϫⲛⲧⲉⲥⲁⲡⲉ

35 ⲛⲧⲟⲥ ⲇⲉ ⲉⲥⲣⲓⲙⲉ ⲁⲥϭⲱ ⲉϩⲣⲁⲓ ⲉⲧⲡⲉ ϫⲉⲛⲉⲣⲉⲡ ⲛⲁϩⲧ ⲉⲡϫⲟⲉⲓⲥ

36 ⲡⲉϫⲁⲩ ⲇⲉ ⲛϭⲓⲡⲉⲡⲣⲉⲥⲃⲩⲧⲉⲣⲟⲥ ⲥⲛⲁⲩ ϫⲉⲁⲛⲙⲟⲟϣⲉ ϩⲣⲁⲓ ϩⲛⲧⲉϣⲛⲏ ⲙⲁⲩⲁⲁⲛ ⲁⲧⲁⲓ ⲉⲓ ⲉϩⲟⲩⲛ ⲙⲛϩⲙϩⲁⲗ ⲥⲛⲧⲉ ⲁⲩⲱ ⲁⲥⲛⲟⲩϫⲉ ⲉⲃⲟⲗ ⲛⲧϩⲙϩⲁⲗ ⲥⲛⲧⲉ ⲁⲥϣⲧⲁⲙ ⲛⲉⲛⲣⲟ ⲛⲧⲉϣⲛⲏ

37 ⲁϥⲉⲓ ϣⲁⲣⲟⲥ ⲛϭⲓⲟⲩϣⲓⲣⲉ ⲡⲁⲓ ⲉⲛⲉϥⲁⲩⲱ ⲁϥⲛⲕⲟⲧⲕ ⲛⲙⲙⲁⲥ

38 ⲁⲛⲟⲛ ⲇⲉ ⲉⲛϩⲛ ⲧⲉⲕⲗϫⲉ ϫⲱⲟⲩ

39 ⲁⲩⲱ ⲛⲧⲉⲛⲁⲩ ⲉⲣⲟⲉⲩϣⲟⲟⲡ ⲙⲛⲛⲉⲩⲉⲣⲏⲩ ⲡⲏ ⲙⲉⲛ ⲙⲡⲉⲛϭⲙϭⲟⲙ ⲉⲁⲙⲁϩⲧⲉ ⲙⲙⲟϥ

40 ...

41 ...

42 ...

43 ...

44 ...

45 ...

46 ...

47 ...

48 ...

49 ...

50 ...

52 ...

53 ...

54 ...

55 ...

56 ⲥⲡⲉⲣⲙⲁ ⲛⲭⲁⲛⲁⲁⲛ ⲙⲡⲁⲧⲓⲟⲩⲇⲁ ⲡⲥⲁ ⲁϥⲣϩⲁⲗ ⲙⲙⲟⲕ ⲧⲉⲡⲓⲑⲩⲙⲓⲁ ⲁⲥⲡⲱϩⲥ ⲙⲡⲉⲕϩⲏⲧ

57 ⲛⲉⲧⲉⲧⲛⲉⲓⲣⲉ ⲡⲉ ⲛⲧⲉⲓϩⲉ ⲛⲛϣⲏⲣⲉ ⲙⲡⲓⲥⲣⲁⲏⲗ ⲛⲉⲧⲙⲙⲁⲩ ⲇⲉ ⲁⲩⲣϩⲟⲧⲉ ⲉϣⲁϫⲉ ⲛⲙⲙⲏⲧⲛ ⲁⲗⲗⲁ ⲧϣⲉⲉⲣⲉ ⲛⲓⲟⲩⲇⲁ ⲙⲡⲉⲥϥⲓ ϩⲁⲧⲉⲧⲛⲁⲛⲟⲙⲓⲁ

58 ⲧⲉⲛⲟⲩ ϭⲉ ⲁϫⲓⲥ ⲉⲣⲟⲓ ϫⲉⲛⲧⲁⲕⲛⲁⲩ ⲉⲣⲟⲟⲩ ϩⲁⲁϣ ⲙⲙⲓⲛⲉ ⲛϣⲏⲛ ⲉⲩϣⲁϫⲉ ⲙⲛⲛⲉⲩⲉⲣⲏⲩ ⲛⲧⲟϥ ⲇⲉ ⲡⲉϫⲁϥ ϫⲉ...

59 ⲡⲉϫⲁϥ ⲇⲉ ⲛⲁϥ ⲛϭⲓⲇⲁⲛⲓⲏⲗ ϫⲉⲁⲩⲱ ⲛⲧⲟⲕ ϩⲱ ϩⲛⲟⲩⲥⲟⲟⲩⲧⲛ ⲁⲕϫⲓϭⲟⲗ ⲉϩⲣⲁⲓ ⲉϫⲱⲕ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲉϥⲁϩⲉⲣⲁⲧϥ ⲉϥⲉⲡⲱϩ ⲙⲙⲟⲕ ⲉⲣⲉⲧⲉϥⲥⲏϥⲉ ⲛⲧⲟⲟⲧϥ ⲉϥⲉⲟⲩⲁⲥⲧⲕ ⲉⲧⲉⲕⲙⲏⲧⲉ ϫⲉⲕⲁⲥ ⲉϥⲉϥⲉⲧⲧⲏⲩⲧⲛ ⲉⲃⲟⲗ

60 ⲁⲥϫⲓϣⲕⲁⲕ ⲉⲃⲟⲗ ⲛϭⲓⲧⲥⲩⲛⲁⲅⲱⲅⲏ ⲧⲏⲣⲥ ϩⲛⲟⲩⲛⲟϭ ⲛⲥⲙⲏ ⲁⲩⲥⲙⲟⲩ ⲉⲡⲛⲟⲩⲧⲉ ⲡⲁⲓ ⲉⲧⲛⲟⲩϩⲙ ⲛⲛⲉⲧⲛⲁϩⲧⲉ ⲉⲣⲟϥ

61 ⲁⲩⲱ ⲁⲩ... ⲉϩⲣⲁⲓ ⲉϫⲛⲡⲉⲡⲣⲉⲥⲃⲩⲧⲉ ⲥⲛⲁⲩ ϫⲉⲇⲁⲛⲓⲏⲗ

62 ⲁⲩⲉⲓⲣⲉ ⲕⲁⲧⲁⲡⲛⲟⲙⲟⲥ ⲙⲙⲱⲩⲥⲏⲥ ⲛⲧϩⲉ ⲛⲡⲟⲛⲉⲣⲉⲩⲉ ⲉⲁⲁⲥ ⲉⲡⲉⲧϩⲓⲧⲟⲩⲱⲟⲩ ⲁⲩⲙⲟⲟⲩⲧ ⲙⲙⲟⲟⲩ ⲁϥⲟⲩϫⲁⲓ ⲛϭⲓⲟⲩⲥⲛⲟϥ ⲛⲁⲧⲛⲟⲃⲉ ϩⲙⲡⲉϩⲟⲟⲩ ⲉⲧⲙⲙⲁⲩ

63 ⲭⲉⲗⲕⲓⲁⲥ ⲇⲉ ⲙⲛⲧⲉϥⲥϩⲓⲙⲉ ⲁⲩⲥⲙⲟⲩ ⲉⲡⲛⲟⲩⲧⲉ ⲉⲧⲃⲉⲧⲉⲩϣⲉⲉⲣⲉ ⲥⲟⲩⲥⲁⲛⲛⲁ ⲛⲧⲟⲟⲩ ⲙⲛⲓⲱⲁⲕⲓⲙ ⲡⲉⲥϩⲁⲓ ⲙⲛⲛⲉⲥⲥⲩⲅⲅⲉⲛⲏⲥ ⲧⲏⲣⲟⲩ ϫⲉⲙⲡⲟⲩϩⲉ ⲉϩⲱⲃ ⲉϥϩⲟⲟⲩ ⲉϩⲟⲩⲛ ⲉⲣⲟⲥ

64 ⲇⲁⲛⲓⲏⲗ ⲇⲉ ⲁϥϣⲱⲡⲉ ⲛⲟⲩⲛⲟϭ ⲙⲡⲉⲙⲧⲟ ⲉⲃⲟⲗ ⲙⲡⲗⲁⲟⲥ ϩⲙⲡⲉϩⲟⲟⲩ ⲉⲧⲙⲙⲁⲩ ⲙⲛⲛⲥⲱⲥ