Read Psalms 80 side by side with translations · The Final Bible
1 ⲉⲡϫⲱⲕ ⲉⲃⲟⲗ ϩⲁⲛⲉϩⲣⲱⲧ ⲡⲉⲯⲁⲗⲙⲟⲥ ⲛⲁⲥⲁⲫ ⲙⲡϯⲟⲩ ⲙⲡⲥⲁⲃⲃⲁⲧⲟⲛ
2 ⲧⲉⲗⲏⲗ ⲙⲡⲛⲟⲩⲧⲉ ⲡⲉⲛⲃⲟⲏⲑⲟⲥ ϯⲗⲟⲩⲗⲁⲓ ⲙⲡⲛⲟⲩⲧⲉ ⲛⲓⲁⲕⲱⲃ
3 ϫⲓ ⲛⲟⲩⲯⲁⲗⲙⲟⲥ ⲛⲧⲉⲧⲛϯ ⲛⲟⲩⲧⲩⲙⲡⲁⲛⲟⲛ ⲟⲩⲯⲁⲗⲧⲏⲣⲓⲟⲛ ⲉϥⲛⲟⲧⲙ ⲙⲛⲟⲩⲕⲓⲑⲁⲣⲁ
4 ⲥⲁⲗⲡⲓⲍⲉ ⲛϩⲉⲛⲥⲁⲗⲡⲓⲅⲝ ϩⲛⲛⲥⲟⲩⲟⲩⲁ ⲙⲡⲉϩⲟⲟⲩ ⲉⲧⲟⲩⲟⲛϩ ⲉⲃⲟⲗ ⲙⲡⲉⲛϣⲁ
5 ϫⲉⲟⲩⲡⲣⲟⲥⲧⲁⲅⲙⲁ ⲙⲡⲓⲥⲣⲁⲏⲗ ⲡⲉ ⲁⲩⲱ ⲟⲩϩⲁⲡ ⲡⲉ ⲙⲡⲛⲟⲩⲧⲉ ⲛⲓⲁⲕⲱⲃ
6 ⲁϥⲕⲁⲁϥ ⲙⲙⲛⲧⲣⲉ ⲛⲓⲱⲥⲏⲫ ϩⲙⲡⲧⲣⲉϥⲉⲓ ⲉⲃⲟⲗ ϩⲙⲡⲕⲁϩ ⲛⲕⲏⲙⲉ ⲁϥⲥⲱⲧⲙ ⲉⲩⲁⲥⲡⲉ ⲉⲛϥⲥⲟⲟⲩⲛ ⲙⲙⲟⲥ ⲁⲛ
7 ⲁϥⲕⲧⲟ ⲛⲧⲉϥϫⲓⲥⲉ ⲉⲃⲟⲗ ϩⲛⲟⲩⲉⲧⲡⲱ ⲛⲉϥϭⲓϫ ⲁⲩⲣϩⲙϩⲁⲗ ϩⲛⲟⲩⲕⲟⲧ
8 ⲁⲕⲱϣ ⲉϩⲣⲁⲓ ⲉⲣⲟⲓ ϩⲛⲟⲩⲑⲗⲓⲯⲓⲥ ⲁⲓⲛⲁϩⲙⲉⲕ ⲁⲓⲥⲱⲧⲙ ⲉⲣⲟⲕ ϩⲙⲡⲡⲉⲧϩⲏⲡ ⲛⲟⲩϩⲁⲧⲏⲩ ⲁⲓⲇⲟⲕⲓⲙⲁⲍⲉ ⲙⲙⲟⲕ ϩⲓϫⲙⲡⲙⲟⲟⲩ ⲛⲧⲁⲛⲧⲓⲗⲟⲅⲓⲁ ⲇⲓⲁⲯⲁⲗⲙⲁ
9 ⲥⲱⲧⲙ ⲡⲁⲗⲁⲟⲥ ⲧⲁϣⲁϫⲉ ⲛⲙⲙⲁⲕ ⲡⲓⲥⲣⲁⲏⲗ ⲧⲁⲣⲙⲛⲧⲣⲉ ⲛⲁⲕ ⲉϣⲱⲡⲉ ⲉⲕϣⲁⲛⲥⲱⲧⲙ ⲉⲣⲟⲓ
10 ⲙⲙⲛⲛⲟⲩⲧⲉ ⲛⲃⲣⲣⲉ ⲛⲁϣⲱⲡⲉ ⲛϩⲏⲧⲕ ⲟⲩⲇⲉ ⲛⲛⲉⲕⲟⲩⲱϣⲧ ⲛⲛⲟⲩⲧⲉ ⲛϣⲙⲙⲟ
11 ⲁⲛⲟⲕ ⲅⲁⲣ ⲡⲉ ⲡϫⲟⲉⲓⲥ ⲡⲉⲕⲛⲟⲩⲧⲉ ⲡⲉⲛⲧⲁϥⲛⲧⲕ ⲉϩⲣⲁⲓ ϩⲙⲡⲕⲁϩ ⲛⲕⲏⲙⲉ ⲟⲩⲱⲛ ⲛⲧⲉⲕⲧⲁⲡⲣⲟ ⲧⲁⲙⲁϩⲥ
12 ⲙⲡⲉⲡⲁⲗⲁⲟⲥ ⲥⲱⲧⲙ ⲉⲧⲁⲥⲙⲏ ⲡⲓⲥⲣⲁⲏⲗ ⲙⲡⲉϥϯϩⲧⲏϥ ⲉⲣⲟⲓ
13 ⲁⲓϫⲟⲟⲩⲥⲉ ⲕⲁⲧⲁⲛⲉⲡⲓⲑⲩⲙⲓⲁ ⲛⲛⲉⲩϩⲏⲧ ⲥⲉⲛⲁⲙⲟⲟϣⲉ ϩⲛⲛⲉⲩϩⲃⲏⲩⲉ
14 ⲉⲛⲉⲛⲧⲁⲡⲁⲗⲁⲟⲥ ⲥⲱⲧⲙ ⲛⲥⲱⲓ ⲡⲓⲥⲣⲁⲏⲗ ⲉⲛⲉⲛⲧⲁϥⲃⲱⲕ ϩⲓⲛⲁϩⲓⲟⲟⲩⲉ
15 ⲛⲉⲓⲛⲁⲑⲃⲃⲓⲟ ⲛⲛⲉⲩϫⲁϫⲉ ⲡⲉ ⲛⲟⲩⲉϣ ⲛⲗⲁⲁⲩ ⲁⲩⲱ ⲛⲉⲓⲛⲁⲉⲓⲛⲉ ⲛⲛⲁϭⲓϫ ⲉϫⲛⲛⲉⲧⲑⲗⲓⲃⲉ ⲙⲙⲟⲟⲩ
16 ⲁⲛϫⲓϫⲉⲉⲩⲉ ⲙⲡϫⲟⲉⲓⲥ ϫⲓϭⲟⲗ ⲉⲣⲟϥ ⲁⲩⲱ ⲡⲉⲩⲟⲩⲟⲉⲓϣ ⲛⲁϣⲱⲡⲉ ϣⲁⲉⲛⲉϩ
17 ⲁϥⲧⲙⲙⲟⲟⲩ ⲉⲃⲟⲗ ϩⲙⲡⲱⲧ ⲙⲡⲉⲥⲟⲩⲟ ⲁϥⲧⲥⲓⲟⲟⲩ ⲛⲉⲃⲓⲱ ⲉⲃⲟⲗ ϩⲛⲟⲩⲡⲉⲧⲣⲁ
Psalms 79 · Psalms 81 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)