Read Psalms 6 side by side with translations · The Final Bible
1 ⲉⲡϫⲱⲕ ⲉⲃⲟⲗ ϩⲛⲛⲉⲥⲙⲟⲩ ϩⲁⲡⲙⲉϩϣⲙⲟⲩⲛ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ
2 ⲡϫⲟⲉⲓⲥ ⲙⲡⲣϫⲡⲓⲟⲓ ϩⲙⲡⲉⲕϭⲱⲛⲧ ⲟⲩⲇⲉ ⲙⲡⲣϯⲥⲃⲱ ⲛⲁⲓ ϩⲛⲧⲉⲕⲟⲣⲅⲏ
3 ⲛⲁⲛⲁⲓ ⲡϫⲟⲉⲓⲥ ϫⲉⲁⲛⲅ ⲟⲩⲁⲥⲑⲉⲛⲏⲥ ⲙⲁⲧⲁⲗϭⲟⲓ ⲡϫⲟⲉⲓⲥ ϫⲉⲁⲛⲁⲕⲉⲉⲥ ϣⲧⲟⲣⲧⲣ
4 ⲁⲩⲱ ⲁⲧⲁⲯⲩⲭⲏ ϣⲧⲟⲣⲧⲣ ⲉⲙⲁϣⲟ ⲛⲧⲟⲕ ⲇⲉ ⲡϫⲟⲉⲓⲥ ϣⲁⲛⲧⲉⲟⲩ ϣⲱⲡⲉ
5 ⲕⲟⲧⲕ ⲡϫⲟⲉⲓⲥ ⲙⲁⲧⲟⲩϫⲉⲧⲁⲯⲩⲭⲏ ⲙⲁⲧⲁⲛϩⲟⲓ ⲡϫⲟⲉⲓⲥ ⲉⲧⲃⲉⲡⲉⲕⲛⲁ
6 ϫⲉⲙⲛⲡⲉⲧⲉⲓⲣⲉ ⲙⲡⲉⲕⲙⲉⲉⲩⲉ ϩⲛⲛⲉⲧⲙⲟⲟⲩⲧ ⲛⲓⲙ ⲇⲉ ⲡⲉⲧⲛⲁⲟⲩⲱⲛϩ ⲛⲁⲕ ⲉⲃⲟⲗ ϩⲛⲁⲙⲛⲧⲉ
7 ⲁⲓϩⲓⲥⲉ ϩⲙⲡⲁⲁϣⲁϩⲟⲙ ϯⲛⲁϫⲱⲕⲙ ⲙⲡⲁϭⲗⲟϭ ⲕⲁⲧⲁⲟⲩϣⲏ ⲟⲩϣⲏ ϯⲛⲁϩⲱⲣⲡ ⲙⲡⲁⲡⲣⲏϣ ϩⲛⲛⲁⲣⲙⲉⲓⲟⲟⲩⲉ
8 ⲁⲡⲁⲃⲁⲗ ϣⲧⲟⲣⲧⲣ ⲉⲃⲟⲗ ϩⲙⲡⲣⲓⲙⲉ ⲁⲓⲱⲥⲕ ϩⲛⲛⲁϫⲓϫⲉⲉⲩⲉ ⲧⲏⲣⲟⲩ
9 ⲥⲁϩⲉⲧⲏⲩⲧⲛ ⲉⲃⲟⲗ ⲙⲙⲟⲓ ⲟⲩⲟⲛ ⲛⲓⲙ ⲉⲧⲣϩⲱⲃ ⲉⲧⲁⲛⲟⲙⲓⲁ ϫⲉⲁⲡϫⲟⲉⲓⲥ ⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲣⲓⲙⲉ
10 ⲁⲡϫⲟⲉⲓⲥ ⲥⲱⲧⲙ ⲉⲡⲁⲥⲟⲡⲥ ⲁⲡϫⲟⲉⲓⲥ ϣⲉⲡⲡⲁϣⲗⲏⲗ ⲉⲣⲟϥ
11 ⲉⲩⲉϫⲓϣⲓⲡⲉ ⲛⲥⲉϣⲧⲟⲣⲧⲣ ⲉⲙⲁⲧⲉ ⲛϭⲓⲛⲁϫⲁϫⲉ ⲧⲏⲣⲟⲩ ⲙⲁⲣⲟⲩⲕⲟⲧⲟⲩ ⲉⲡⲁϩⲟⲩ ⲛⲥⲉϫⲓϣⲓⲡⲉ ⲉⲙⲁⲧⲉ ϩⲛⲟⲩϭⲉⲡⲏ
Psalms 5 · Psalms 7 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)