Psalms 56 — Aramaic (Peshitta)

2 ܪܚܡ ܥܠܝ ܐܠܗܐ ܡܛܠ ܕܕܫܢܝ ܒܪܢܫܐ ܘܝܘܡܐ ܟܠܗ ܩܪܒܬܢܐ ܐܠܨܢܝ

3 ܕܫܘܢܝ ܒ̈ܥܠܕܒܒܝ ܟܠܗ ܝܘܡܐ ܡܛܠ ܕܣܘܓܐܐ ܕܩܪ̈ܒܬܢܐ ܐܬܬܪܝܡ ܥܠܝ

4 ܒܐܝܡܡܐ ܠܐ ܐܕܚܠ ܡܛܠ ܕܥܠܝܟ ܗܘ ܬܟܝܠ ܐܢܐ

5 ܒܐܠܗܐ ܐܫܬܒܚ ܒܐܠܗܐ ܣܒܪܬ ܠܐ ܐܕܚܠ ܡܢܐ ܥܒܕ ܠܝ ܒܪܢܫܐ

6 ܟܠܗ ܝܘܡܐ ܡܬܡܠܟܝܢ ܗܘܘ ܥܠܝ ܘܡܬܚܫܒܝܢ ܗܘܘ ܥܠܝ ܒܝܫܬܐ

7 ܢܛܫܘܢ ܘܢܥܡܪܘܢ ܘܗܢܘܢ ܥܩ̈ܒܝ ܢܛܪܘܢ ܐܝܟ ܕܣܟܝܘ ܠܢܦܫܝ

8 ܘܐܡܪܘ ܕܠܝܬ ܠܗ ܡܦܨܝܢܐ ܒܪܘܓܙܐ ܕܥܡ̈ܡܐ ܕܘܢ ܐܢܘܢ ܐܠܗܐ

9 ܬܘܕܝܬܝ ܚܘܝܬܟ ܣܝܡ ܕܡ̈ܥܝ ܩܕܡܝܟ ܘܒܣܦܪܟ

10 ܗܝܕܝܢ ܢܗܦܟܘܢ ܒ̈ܥܠܕܒܒܝ ܠܒܣܬܪܗܘܢ ܘܐܕܥ ܕܐܠܗܐ ܐܝܬ ܠܝ

11 ܠܡܠܬܗ ܕܐܠܗܐ ܐܫܒܚ

12 ܒܐܠܗܐ ܬܟܝܠ ܐܢܐ ܠܐ ܐܕܚܠ ܡܢܐ ܥܒܕ ܠܝ ܒܪܢܫܐ

13 ܠܟ ܐܠܗܐ ܐܫܠܡ ܢܕܪ̈ܝ ܘܒܬܘܕܝܬܐ ܐܕܒܚ ܠܟ

14 ܡܛܠ ܕܦܨܝܬ ܢܦܫܝ ܡܢ ܡܘܬܐ ܘܪ̈ܓܠܝ ܡܢ ܫܘܪ̈ܥܬܐ ܕܐܫܦܪ ܩܕܡܝܟ ܐܠܗܐ ܒܐܪܥܐ ܕܚ̈ܝܐ