Read Psalms 35 side by side with translations · The Final Bible
1 ⲉⲡϫⲱⲕ ⲉⲃⲟⲗ ⲛⲇⲁⲩⲉⲓⲇ ⲡϩⲙϩⲁⲗ ⲙⲡϫⲟⲉⲓⲥ
2 ⲡⲡⲁⲣⲁⲛⲟⲙⲟⲥ ϫⲱ ⲙⲙⲟⲥ ϩⲙⲡⲉϥϩⲏⲧ ϫⲉϯⲛⲁⲣⲛⲟⲃⲉ ⲛⲧϩⲟⲧⲉ ⲙⲡⲛⲟⲩⲧⲉ ⲙⲡⲉⲙⲧⲟ ⲛⲛⲉϥⲃⲁⲗ ⲉⲃⲟⲗ ⲁⲛ
3 ϫⲉⲁϥⲣⲕⲣⲟϥ ⲙⲡⲉϥⲙⲧⲟ ⲉⲃⲟⲗ ⲉϩⲉ ⲉⲧⲉϥⲁⲛⲟⲙⲓⲁ ⲁⲩⲱ ⲛϥⲙⲟⲥⲧⲉ
4 ⲛϣⲁϫⲉ ⲛⲣⲱϥ ⲟⲩⲁⲛⲟⲙⲓⲁ ⲧⲉ ⲙⲛⲟⲩⲕⲣⲟϥ ⲙⲡϥⲟⲩⲱϣ ⲉⲥⲟⲩⲛⲡⲡⲉⲧⲛⲁⲛⲟⲩϥ ⲉⲁⲁϥ
5 ⲛⲉϥⲙⲉⲉⲩⲉ ⲉⲩⲁⲛⲟⲙⲓⲁ ϩⲓⲡⲉϥϭⲗⲟϭ ⲁϥⲁϩⲉⲣⲁⲧϥ ϩⲓϩⲓⲏ ⲛⲓⲙ ⲉⲧϩⲟⲟⲩ ⲧⲕⲁⲕⲓⲁ ⲇⲉ ⲙⲡϥⲙⲉⲥⲧⲱⲥ
6 ⲡϫⲟⲉⲓⲥ ⲉⲣⲉⲡⲉⲕⲛⲁ ϩⲛⲧⲡⲉ ⲁⲩⲱ ⲧⲉⲕⲙⲉ ⲡⲏϩ ϣⲁⲛⲉⲕⲗⲟⲟⲗⲉ
7 ⲉⲣⲉⲧⲉⲕⲇⲓⲕⲁⲓⲟⲥⲩⲛⲏ ⲟ ⲛⲧϩⲉ ⲛⲛⲧⲟⲟⲩ ⲙⲡⲛⲟⲩⲧⲉ ⲉⲣⲉⲛⲉⲕϩⲁⲡ ⲟ ⲛⲧϩⲉ ⲙⲡⲛⲟⲩⲛ ⲉⲧⲛⲁϣⲱϥ ⲛⲣⲱⲙⲉ ⲙⲛⲛⲧⲃⲛⲟⲟⲩⲉ ⲕⲛⲁⲧⲟⲩϫⲟⲟⲩ ⲡϫⲟⲉⲓⲥ
8 ⲛⲧϩⲉ ⲉⲛⲧⲁⲕⲧⲁϣⲉⲡⲉⲕⲛⲁ ⲡⲛⲟⲩⲧⲉ ⲉⲣⲉⲛϣⲏⲣⲉ ⲛⲛⲣⲱⲙⲉ ⲛⲁϩⲉⲗⲡⲓⲍⲉ ϩⲁⲧϩⲁⲓⲃⲉⲥ ⲛⲛⲉⲕⲧⲛϩ
9 ⲥⲉⲛⲁⲥⲉⲓ ⲉⲃⲟⲗ ϩⲙⲡⲥⲉⲓ ⲙⲡⲉⲕⲏⲓ ⲛⲅⲧⲥⲟⲟⲩ ⲙⲡⲉⲭⲉⲓⲙⲁⲣⲣⲟⲥ ⲛⲧⲉⲕⲧⲣⲩⲫⲏ
10 ϫⲉⲉⲣⲉⲧⲡⲏⲅⲏ ⲙⲡⲱⲛϩ ϩⲁⲧⲏⲕ ϩⲣⲁⲓ ϩⲙⲡⲉⲕⲟⲩⲟⲉⲓⲛ ⲧⲛⲛⲁⲛⲁⲩ ⲉⲩⲟⲩⲟⲉⲓⲛ
11 ⲡⲱⲣϣⲡⲉⲕⲛⲁ ⲉⲃⲟⲗ ⲛⲛⲉⲧⲥⲟⲟⲩⲛ ⲙⲙⲟⲕ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ ⲛⲛⲉⲧⲥⲟⲩⲧⲱⲛ ϩⲛⲡⲉⲩϩⲏⲧ
12 ⲙⲡⲣⲧⲣⲉⲟⲩⲟⲩⲉⲣⲏⲧⲉ ⲛϫⲁⲥⲓϩⲏⲧ ⲉⲓ ⲛⲁⲓ ⲁⲩⲱ ⲙⲡⲣⲧⲣⲉⲧϭⲓϫ ⲛⲣⲉϥⲣⲛⲟⲃⲉ ⲕⲓⲙ ⲉⲣⲟⲓ
13 ϫⲉⲛⲧⲁⲩϩⲉ ⲙⲙⲁⲩ ⲛϭⲓⲛⲉⲧⲣϩⲱⲃ ⲉⲧⲁⲛⲟⲙⲓⲁ ⲁⲩⲧⲁⲕⲟ ⲛⲥⲉⲛⲁϣϭⲙϭⲟⲙ ⲁⲛ ⲉⲁϩⲉⲣⲁⲧⲟⲩ
Psalms 34 · Psalms 36 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)