Psalms 24 — Aramaic (Peshitta)

1 ܕܡܪܝܐ ܗܝ ܐܪܥܐ ܒܡܠܐܗ̇ ܬܒܝܠ ܘܟܠܗܘܢ ܥܡܘܪ̈ܝܗ̇

2 ܡܛܠ ܕܗܘ ܒܝܡܐ ܣܡ ܫܬܐ̈ܣܝܗ̇ ܘܒܢܗܪ̈ܘܬܐ ܐܬܩܢܗ̇

3 ܡܢܘ ܢܣܩ ܠܛܘܪܗ ܕܡܪܝܐ ܘܡܢܘ ܢܩܘܡ ܒܛܘܪܗ ܩܕܝܫܐ

4 ܐܝܢܐ ܕܕܟܝ̈ܢ ܐ̈ܝܕܘܗܝ ܘܓܒܐ ܒܠܒܗ ܘܠܐ ܝܡܐ ܒܢܦܫܗ ܒܕܓܠܘܬܐ ܘܠܐ ܝܡܐ ܒܢܟܠܐ

5 ܗܢܐ ܢܩܒܠ ܒܘܪܟܬܐ ܡܢ ܡܪܝܐ ܘܙܕܝܩܘܬܐ ܡܢ ܐܠܗܐ ܦܪܘܩܢ

6 ܗܢܘ ܕܪܐ ܕܒܥܐ ܘܡܣܒܪ ܠܦܪܨܘܦܐ ܕܐ̈ܦܝܟ ܐܠܗܗ ܕܝܥܩܘܒ

7 ܐܪܝܡܘ ܬܪ̈ܥܐ ܪ̈ܝܫܝܟܘܢ ܐܬܬܪܝܡܘ ܬܪ̈ܥܐ ܕܡܢ ܥܠܡ ܢܥܘܠ ܡܠܟܐ ܕܐܝܩܪ̈ܐ

8 ܡܢܘ ܗܢܐ ܡܠܟܐ ܕܐܝܩܪ̈ܐ ܡܪܝܐ ܥܫܝܢܐ ܘܓܢܒܪܐ ܡܪܝܐ ܓܢܒܪܐ ܘܩܪܒܬܢܐ

9 ܐܪܝܡܘ ܬܪ̈ܥܐ ܪ̈ܝܫܝܟܘܢ ܐܬܬܪܝܡܘ ܬܪ̈ܥܐ ܕܡܢ ܥܠܡ ܕܢܥܘܠ ܡܠܟܐ ܕܐܝܩܪ̈ܐ

10 ܡܢܘ ܗܢܐ ܡܠܟܐ ܕܐܝܩܪ̈ܐ ܡܪܝܐ ܚܝܠܬܢܐ ܗܘܝܘ ܡܠܟܐ ܡܝܩܪܐ ܠܥܠܡ