Psalms 16 — Aramaic (Peshitta)

1 ܢܛܪܝܢܝ ܐܠܗܐ ܡܛܠ ܕܥܠܝܟ ܐܬܬܟܠܬ

2 ܘܐܡܪܬ ܠܡܪܝܐ ܕܡܪܝ ܐܢܬ ܘܛܒܬܝ ܡܢ ܠܘܬܟ ܗܝ

3 ܐܦ ܠܩܕܝ̈ܫܐ ܕܒܐܪܥܐ ܘܡܫܒ̈ܚܐ ܕܟܠܗ ܨܒܝܢܝ ܒܗܘܢ

4 ܢܣܓܘܢ ܟܐ̈ܒܝܗܘܢ ܐܚܪ̈ܝܐ ܒܥܓܠ ܕܠܐ ܐܢܩܐ ܢܘܩܝ̈ܗܘܢ ܡܢ ܕܡܐ ܘܠܐ ܐܬܕܟܪ ܫ̈ܡܗܝܗܘܢ ܒܣ̈ܦܘܬܝ

5 ܡܪܝܐ ܡܢܬܐ ܕܝܪܬܘܬܝ ܘܕܟܣܝ ܐܢܬ ܡܦܢܐ ܠܝ ܝܪܬܘܬܝ

6 ܚܒ̈ܠܐ ܢܦܠܘ ܠܝ ܒܛܪ̈ܩܐ ܐܦ ܝܪܬܘܬܝ ܫܦܪܬ ܠܝ

7 ܐܒܪܟ ܠܡܪܝܐ ܕܡܠܟܢܝ ܐܦ ܒ̈ܠܝܠܘܬܐ ܪ̈ܕܝܢܝ ܟܘ̈ܠܝܬܝ

8 ܣܡܬ ܠܡܪܝܐ ܠܘܩܒܠܝ ܒܟܠ ܙܒܢ ܘܗܘܐ ܡܢ ܝܡܝܢܝ ܕܠܐ ܐܙܘܥ

9 ܡܛܠ ܗܢܐ ܚܕܝ ܠܒܝ ܘܕܨ ܐܝܩܪܝ ܐܦ ܒܣܪܝ ܢܫܪܐ ܒܫܠܝܐ

10 ܡܛܠ ܕܠܐ ܫܒܩܬ ܠܢܦܫܝ ܒܫܝܘܠ ܘܠܐ ܝܗܒܬ ܠܚܣܝܟ ܠܡܚܙܐ ܚܒܠܐ

11 ܬܚܘܝܢܝ ܐܘܪܚܟ ܕܚ̈ܝܐ ܘܐܣܒܥ ܡܢ ܚܕܘܬܗ ܕܦܪܨܘܦܟ ܘܡܢ ܒܣܝܡܘܬܐ ܕܙܟܘܬܐ ܕܝܡܝܢܟ