Psalms 128 — Coptic (Sahidic)

1 ⲧⲱⲇⲏ ⲛⲛⲧⲱⲣⲧⲣ ⲁⲩϯ ⲛⲙⲙⲁⲓ ⲛϩⲁϩ ⲛⲥⲟⲡ ϫⲓⲛⲧⲁⲙⲛⲧⲕⲟⲩⲓ

2 ⲙⲁⲣⲉⲡⲓⲥⲣⲁⲏⲗ ϫⲟⲟⲥ ϫⲉⲁⲩϯ ⲛⲙⲙⲁⲓ ⲛϩⲁϩ ⲛⲥⲟⲡ ϩⲛⲧⲁⲙⲛⲧⲕⲟⲩⲓ ⲕⲁⲓ ⲅⲁⲣ ⲙⲡⲟⲩϣϭⲙϭⲟⲙ ⲉⲣⲟⲓ

3 ⲛⲉⲣⲉⲛⲣⲉϥⲣⲛⲟⲃⲉ ⲙⲉⲉⲩⲉ ⲉⲣⲟⲓ ϩⲓⲡⲁϩⲟⲩ ⲙⲙⲟⲓ ⲁⲩⲧⲣⲉⲧⲉϩⲓⲏ ⲛⲧⲉⲩⲁⲛⲟⲙⲓⲁ ⲟⲩⲉ

4 ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲁϥϣⲱⲱⲧ ⲛⲙⲙⲁⲕϩ ⲛⲛⲣⲉϥⲣⲛⲟⲃⲉ

5 ⲙⲁⲣⲉⲟⲩⲟⲛ ⲛⲓⲙ ⲉⲧⲙⲟⲥⲧⲉ ⲛⲥⲓⲱⲛ ϫⲓϣⲓⲡⲉ ⲛⲥⲉⲕⲟⲧⲟⲩ ⲉⲡⲁϩⲟⲩ

6 ⲙⲁⲣⲟⲩⲣⲧϩⲉ ⲛⲟⲩⲭⲟⲣⲧⲟⲥ ⲛϫⲉⲛⲉⲡⲱⲣ ⲡⲁⲓ ⲉⲛⲧⲁϥϣⲟⲟⲩⲉ ⲉⲙⲡⲁⲧⲟⲩⲧⲟⲕⲙⲉϥ

7 ⲉⲙⲡⲉϥⲙⲉϩⲧϭⲓϫ ⲙⲡⲉⲧⲱϩⲥ ⲙⲙⲟϥ ⲉⲙⲡⲉⲡⲉⲧⲥⲱⲟⲩϩ ⲛⲛⲉϥⲕⲛⲁⲁⲩ ⲙⲉϩⲡⲉϥⲁⲗⲟⲙ

8 ⲉⲙⲡⲉⲛⲉⲧⲡⲁⲣⲁⲅⲉ ϫⲟⲟⲥ ϫⲉⲡⲉⲥⲙⲟⲩ ⲙⲡϫⲟⲉⲓⲥ ⲉϫⲱⲧⲛ ⲁⲛⲥⲙⲟⲩ ⲉⲣⲱⲧⲛ ϩⲙⲡⲣⲁⲛ ⲙⲡϫⲟⲉⲓⲥ