Read Numbers 34 side by side with translations · The Final Bible
1 ⲁⲩⲱ ⲁⲡϫⲟⲉⲓⲥ ϣⲁϫⲉ ⲛⲛⲁϩⲣⲙⲙⲱⲩⲥⲏⲥ ⲉϥϫⲱ ⲙⲙⲟⲥ ϫⲉ
2 ϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲛⲅϫⲟⲟⲥ ⲛⲁⲩ ϫⲉⲛⲧⲱⲧⲛ ⲧⲉⲧⲛⲁⲃⲱⲕ ⲉϩⲟⲩⲛ ⲉⲡⲕⲁϩ ⲛⲭⲁⲛⲁⲁⲛ ⲡⲁⲓ ⲛⲁϣⲱⲡⲉ ⲛⲏⲧⲛ ⲉⲩⲕⲗⲏⲣⲟⲛⲟⲙⲓⲁ ⲡⲕⲁϩ ⲛⲭⲁⲛⲁⲁⲛ ⲙⲛⲛⲉϥⲧⲟϣ
3 ⲁⲩⲱ ⲥⲛⲁϣⲱⲡⲉ ⲛⲏⲧⲛ ⲛϭⲓⲧⲕⲗϫⲉ ⲙⲡⲥⲁ ⲙⲡⲉⲙⲛⲧ ϫⲓⲛⲛⲧⲉⲣⲏⲙⲟⲥ ⲛⲥⲓⲛ ϣⲁⲧⲉⲧⲛϩⲓⲧⲟⲩⲛ ⲉⲇⲱⲙ ⲁⲩⲱ ⲥⲉⲛⲁϣⲱⲡⲉ ⲛⲏⲧⲛ ⲛϭⲓⲛⲧⲟϣ ⲙⲡⲉⲙⲛⲧ ϫⲓⲛⲙⲡⲙⲉⲣⲟⲥ ⲛⲧⲑⲁⲗⲁⲥⲥⲁ ⲙⲙⲗϩ ϫⲓⲛⲙⲙⲁ ⲛϣⲁ
4 ⲁⲩⲱ ⲥⲉⲛⲁⲕⲱⲧⲉ ⲉⲣⲱⲧⲛ ⲛϭⲓⲛⲧⲟϣ ϫⲓⲛⲡⲉⲙⲛⲧ ⲛⲟⲩϩⲓⲏ ⲛⲉⲓⲉϩⲣⲁⲓ ⲉⲁⲕⲣⲁⲃⲓⲛ ⲁⲩⲱ ϥⲛⲁⲡⲁⲣⲁⲅⲉ ⲛϭⲓⲥⲉⲛⲛⲁⲕ ⲁⲩⲱ ⲥⲛⲁϣⲱⲡⲉ ⲛϭⲓⲧⲉϥϩⲓⲏ ϩⲓⲡⲉⲙⲛⲧ ⲛⲕⲁⲇⲏⲥ ⲃⲁⲣⲛⲏ ⲁⲩⲱ ϥⲛⲁⲃⲱⲕ ⲉⲧⲉⲣⲥⲱ ⲛⲁⲣⲁⲇ ⲛϥⲡⲁⲣⲁⲅⲉ ⲛⲛⲁⲥⲉⲙⲙⲱⲛⲁ
5 ⲁⲩⲱ ϥⲛⲁⲕⲱⲧⲉ ⲉⲛⲧⲟϣ ϫⲓⲛⲁⲥⲉⲙⲙⲱⲛⲁ ⲡⲉⲭⲉⲓⲙⲁⲣⲣⲟⲥ ⲛⲕⲏⲙⲉ ⲛⲧⲉⲑⲁⲗⲁⲥⲥⲁ ϣⲱⲡⲉ ⲛϩⲓⲏ ⲛⲁϥ
6 ⲁⲩⲱ ⲛⲧⲟϣ ⲛⲧⲑⲁⲗⲁⲥⲥⲁ ⲛⲁϣⲱⲡⲉ ⲛⲏⲧⲛ ⲧⲉⲑⲁⲗⲁⲥⲥⲁ ⲛⲟϭ ⲁⲩⲱ ⲡⲧⲟϣ ⲡⲉ ⲡⲁⲓ ⲉⲧⲛⲁϣⲱⲡⲉ ⲛⲏⲧⲛ ⲛⲧⲟϣ ⲛⲧⲉⲑⲁⲗⲁⲥⲥⲁ
7 ⲁⲩⲱ ⲡⲁⲓ ⲉⲧⲛⲁϣⲱⲡⲉ ⲛⲧⲟϣ ⲛⲏⲧⲛ ⲉⲡⲥⲁ ⲙⲡⲉⲙϩⲓⲧ ϫⲓⲛⲑⲁⲗⲁⲥⲥⲁ ⲛⲟϭ ⲉⲧⲉⲧⲛⲉϣⲓ ⲛⲏⲧⲛ ϩⲱⲧⲧⲏⲩⲧⲛ ϩⲁⲣⲁⲧϥ ⲙⲡⲧⲟⲟⲩ
8 ⲁⲩⲱ ϫⲓⲛⲙⲡⲧⲟⲟⲩ ⲉⲡⲧⲟⲟⲩ ⲉⲧⲉⲧⲛⲉϣⲓ ⲛⲏⲧⲛ ⲉⲃⲱⲕ ⲉϩⲟⲩⲛ ⲉⲏⲙⲁⲑ ⲁⲩⲱ ⲥⲛⲁϣⲱⲡⲉ ⲛϭⲓⲧⲉϥϩⲓⲏ ⲉⲛⲧⲟϣ ⲛⲥⲁⲇⲁⲣⲁⲕ
9 ⲁⲩⲱ ⲛϥⲃⲱⲕ ⲉϩⲟⲩⲛ ⲉⲛⲧⲟϣ ⲛⲛⲉⲫⲣⲱⲛⲁ ⲁⲩⲱ ⲥⲛⲁϣⲱⲡⲉ ⲛϭⲓⲧⲉϥϩⲓⲏ ⲉⲁⲥⲉⲣⲛⲁⲉⲓⲛ ⲡⲁⲓ ⲛⲁϣⲱⲡⲉ ⲛⲏⲧⲛ ⲛⲧⲟϣ ϫⲓⲛⲡⲉⲙϩⲓⲧ
10 ⲁⲩⲱ ⲉⲧⲉⲧⲛⲉϣⲓ ⲛⲏⲧⲛ ⲙⲁⲩⲁⲁⲧⲧⲏⲩⲧⲛ ⲛⲛⲧⲟϣ ⲛⲙⲙⲁⲛϣⲁ ϫⲓⲛⲁⲥⲉⲣⲛⲁⲉⲓⲛ ⲥⲉⲡⲫⲁⲙⲁⲣ
11 ⲁⲩⲱ ⲥⲉⲛⲁⲉⲓ ⲉⲡⲉⲥⲏⲧ ⲛϭⲓⲛⲧⲟϣ ⲛⲥⲉⲡⲫⲁⲙⲁⲣ ⲃⲏⲗⲁ ϫⲓⲛⲙⲙⲁ ⲛϣⲁ ⲉϩⲣⲁⲓ ⲉϫⲛⲛϩⲟⲛⲃⲉ ⲁⲩⲱ ⲛⲥⲉⲉⲓ ⲉⲡⲉⲥⲏⲧ ⲛϭⲓⲛⲧⲟϣ ⲛⲃⲏⲗⲁ ⲉϫⲙⲡⲥⲁⲣⲏⲥ ⲛⲧⲑⲁⲗⲁⲥⲥⲁ ⲛⲭⲉⲛⲛⲁⲣⲁ ϫⲓⲛⲙⲙⲁ ⲛϣⲁ
12 ⲁⲩⲱ ⲛⲥⲉⲉⲓ ⲉⲡⲉⲥⲏⲧ ⲛϭⲓⲛⲧⲟϣ ⲉϩⲣⲁⲓ ⲉϫⲙⲡⲓⲟⲣⲇⲁⲛⲏⲥ ⲁⲩⲱ ⲛⲥϣⲱⲡⲉ ⲛϭⲓⲧⲉϩⲓⲏ ⲛⲧⲉⲑⲁⲗⲁⲥⲥⲁ ⲙⲙⲗϩ ⲡⲉⲓⲕⲁϩ ⲛⲁϣⲱⲡⲉ ⲛⲏⲧⲛ ⲙⲛⲛⲉϥⲧⲟϣ ⲉⲧⲕⲱⲧⲉ
13 ⲁⲩⲱ ⲁⲙⲱⲩⲥⲏⲥ ϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲉϥϫⲱ ⲙⲙⲟⲥ ϫⲉⲡⲁⲓ ⲡⲉ ⲡⲕⲁϩ ⲉⲧⲉⲧⲛⲁⲕⲗⲏⲣⲟⲛⲟⲙⲉⲓ ⲙⲙⲟϥ ϩⲛⲟⲩⲕⲗⲏⲣⲟⲥ ⲕⲁⲧⲁⲧϩⲉ ⲛⲧⲁⲡϫⲟⲉⲓⲥ ⲟⲩⲉϩⲥⲁϩⲛⲉ ⲙⲙⲟϥ ⲛⲧⲉⲯⲓⲧⲉ ⲙⲫⲩⲗⲏ ⲙⲛⲧⲡⲁϣⲉ ⲛⲧⲉⲡϩⲩⲗⲏ ⲙⲙⲁⲛⲁⲥⲥⲏ
14 ⲁⲩⲱ ⲁⲥϫⲓ ⲛϭⲓⲧⲉⲫⲩⲗⲏ ⲛⲛϣⲏⲣⲉ ⲛⲅⲁⲇ ⲕⲁⲧⲁⲛⲏⲓ ⲛⲛⲉⲩⲡⲁⲧⲣⲓⲁ ⲁⲩⲱ ⲧⲡⲁϣⲉ ⲛⲧⲉⲡϩⲩⲗⲏ ⲙⲙⲁⲛⲁⲥⲥⲏ ⲁⲩϫⲓⲛⲉⲩⲕⲗⲏⲣⲟⲥ
15 ⲡϩⲩⲗⲏ ⲛⲧⲉⲩϭⲟⲥ ⲁⲩϫⲓ ⲛⲉⲩⲕⲗⲏⲣⲟⲥ ϩⲓⲡⲉⲕⲣⲟ ⲙⲡⲓⲟⲣⲇⲁⲛⲏⲥ ⲙⲡⲉⲙⲧⲟ ⲉⲃⲟⲗ ⲛϩⲓⲉⲣⲓⲭⲱ ⲙⲡⲥⲁ ⲙⲡⲣⲏⲥ ⲛⲛⲙⲙⲁ ⲛϣⲁ
16 ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛⲡⲱⲩⲥⲏⲥ ⲉϥϫⲱ ⲙⲙⲟⲥ
17 ϫⲉⲡⲁⲓ ⲡⲉ ⲡⲣⲁⲛ ⲛⲛⲣⲱⲙⲉ ⲉⲧⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ⲉⲗⲉⲁⲍⲁⲣ ⲡⲟⲩⲏⲏⲃ ⲙⲛⲓⲏⲥⲟⲩ ⲡϣⲏⲣⲉ ⲛⲛⲁⲩⲏ
18 ⲁⲩϣ ⲧⲉⲧⲛⲉϫⲓ ⲛⲟⲩⲁⲣⲭⲱⲛ ⲕⲁⲧⲁⲡϩⲩⲗⲏ ⲉⲧⲣⲉⲧⲉⲧⲛⲕⲗⲏⲣⲟⲛⲟⲙⲉⲓ ⲙⲡⲕⲁϩ
19 ⲁⲩⲱ ⲛⲁⲓ ⲛⲉ ⲛⲣⲁⲛ ⲛⲛⲣⲱⲙⲉ ⲉⲃⲟⲗ ϩⲛⲧⲉⲫⲩⲗⲏ ⲛⲓⲟⲩⲇⲁ ⲭⲁⲗⲉⲃ ⲡϣⲏⲣⲉ ⲛⲓⲉⲫⲟⲛⲏ
20 ⲉⲃⲟⲗ ϩⲛⲧⲉⲫⲩⲗⲏ ⲛⲥⲩⲙⲉⲱⲛ ⲥⲁⲗⲁⲙⲓⲏⲗ ⲡϣⲏⲣⲉ ⲛⲉⲙⲓⲟⲩⲇ
21 ⲉⲃⲟⲗ ϩⲛⲧⲉⲫⲩⲗⲏ ⲛⲃⲉⲛⲓⲁⲙⲓⲛ ⲉⲗⲇⲁⲇ ⲡϣⲏⲣⲉ ⲛⲭⲉⲗⲱⲛ
22 ⲉⲃⲟⲗ ϩⲛⲧⲉⲫⲩⲗⲏ ⲛⲇⲁⲛ ⲡⲁⲣⲭⲱⲛ ⲃⲁⲭⲓⲣ ⲡϣⲏⲣⲉ ⲛⲉⲅⲗⲉⲓ
23 ⲉⲃⲟⲗ ϩⲛⲛϣⲏⲣⲉ ⲛⲓⲱⲥⲏⲫ ⲡⲁⲣⲭⲱⲛ ⲉⲧⲉⲫⲩⲗⲏ ⲙⲙⲁⲛⲁⲥⲥⲏ ⲁⲛⲓⲥⲣⲁⲏⲗ ⲡϣⲏⲣⲉ ⲛⲥⲟⲩⲫⲓ
24 ⲡⲁⲣⲭⲱⲛ ⲛⲛϣⲏⲣⲉ ⲛⲉⲫⲣⲁⲓⲙ ⲥⲁⲙⲟⲩⲏⲗ ⲡϣⲏⲣⲉ ⲛⲥⲁⲃⲁⲑ
25 ⲡⲁⲣⲭⲱⲛ ⲛⲧⲉⲡϩⲩⲗⲏ ⲛⲍⲁⲃⲟⲩⲗⲱⲛ ⲉⲗⲓⲥⲁⲫⲁⲛ ⲡϣⲏⲣⲉ ⲙⲫⲁⲣⲛⲁⲕ
26 ⲡⲁⲣⲭⲱⲛ ⲛⲧⲉⲡϩⲩⲗⲏ ⲛⲛϣⲏⲣⲉ ⲛⲓⲉⲥⲥⲁⲭⲁⲣ ⲫⲁⲗⲇⲓⲏⲗ ⲡϣⲏⲣⲉ ⲛⲉⲥⲣⲓ
27 ⲡⲁⲣⲭⲱⲛ ⲛⲧⲉⲡϩⲩⲗⲏ ⲛⲁⲥⲥⲏⲣ ⲁⲭⲓⲱⲣ ⲡϣⲏⲣⲉ ⲛⲉⲗⲩⲙⲉⲓ
28 ⲡⲁⲣⲭⲱⲛ ⲛⲧⲉⲡϩⲩⲗⲏ ⲛⲛϣⲏⲣⲉ ⲛⲉⲫⲑⲁⲗⲉⲓⲙ ⲫⲁⲇⲁⲏⲗ ⲡϣⲏⲣⲉ ⲛⲃⲉⲙⲓⲟⲩⲇ
29 ⲛⲁⲓ ⲛⲉⲛⲧⲁⲡϫⲟⲉⲓⲥ ϫⲟⲟⲩ ⲉⲧⲃⲏⲏⲧⲟⲩ ⲉⲧⲣⲉⲩⲡⲱϣ ⲡⲕⲁϩ ⲛⲭⲁⲛⲁⲁⲛ ⲛⲁϩⲣⲛ ⲛϣⲏⲣⲉ ⲙⲡⲓⲥⲣⲁⲏⲗ
Numbers 33 · Numbers 35 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)