Read Judith 16 side by side with translations · The Final Bible
1 ⲡⲉϫⲁⲥ ⲛϭⲓⲓⲟⲩⲇⲉⲓⲑ ϫⲉⲁⲙⲏⲓⲧⲛ ⲉⲃⲟⲗ ϩⲏⲧϥ ⲙⲡⲁⲛⲟⲩⲧⲉ ϩⲛϩⲉⲛⲧⲩⲙⲡⲁⲛⲟⲛ ϫⲱ ⲉⲡϫⲟⲉⲓⲥ ⲡⲁⲛⲟⲩⲧⲉ ϩⲛϩⲉⲛⲕⲩⲙⲃⲁⲗⲟⲛ ϣⲱⲛⲃ ⲛⲁϥ ⲛⲟⲩⲯⲁⲗⲙⲟⲥ ⲛⲧⲉⲧⲛϫⲓⲥⲉ ⲛⲟⲩⲥⲙⲟⲩ ⲛⲧⲉⲧⲛⲉⲡⲓⲕⲁⲗⲓ ⲙⲡⲉϥⲣⲁⲛ
2 ϫⲉⲡⲛⲟⲩⲧⲉ ⲉⲧⲟⲩⲱϣϥ ⲛⲙⲡⲟⲗⲉⲙⲟⲥ ⲡⲉ ⲡϫⲟⲉⲓⲥ ϫⲉⲁϥⲧⲛⲛⲟⲟⲩ ⲛⲛⲉϥⲡⲁⲣⲉⲙⲃⲟⲗⲏ ⲛⲧⲧⲙⲏⲧⲉ ⲙⲡⲗⲁⲟⲥ ⲉⲛⲁϩⲙⲛⲧ ⲉⲃⲟⲗ ϩⲛⲧϭⲓϫ ⲛⲉⲧⲡⲏⲧ ⲛⲥⲱⲓ
3 ⲁϥⲉⲓ ⲛϭⲓⲁⲥⲥⲟⲩⲣ ⲉⲃⲟⲗ ϩⲛⲛⲧⲟⲩϩⲓⲏ ⲙⲡⲉⲙϩⲓⲧ ⲁϥⲉⲓ ϩⲛⲛϣⲟ ⲛⲧⲉϥϭⲟⲙ ⲛⲁⲓ ⲉⲛⲧⲁⲧⲉⲩⲁϣⲏ ϩⲱⲥ ⲛⲛⲉⲭⲉⲓⲙⲁⲣⲣⲟⲥ ⲁⲩⲱ ⲁⲛⲉⲩϩⲧⲱⲱⲣ ϩⲱⲃⲥ ⲛⲛⲃⲟⲩⲛⲟⲥ
4 ⲁϥϫⲟⲟⲥ ⲉⲣⲱⲕ ϩⲛⲛⲁⲧⲟϣ ⲁⲩⲱ ⲉⲙⲟⲩⲟⲩⲧ ⲛⲛⲁϩⲣϣⲓⲣⲉ ϩⲛⲟⲩⲥⲏϥⲉ ⲁⲩⲱ ⲛⲉⲧϫⲓⲉⲕⲓⲃⲉ ⲛⲧⲟⲟⲧⲉⲕⲁⲁⲩ ⲉⲩⲕⲁϩ ⲁⲩⲱ ⲛⲁϣⲉⲉⲣⲉ ⲕⲟⲩⲓ ⲉⲧⲁⲁⲩ ⲉⲩϣⲱⲗ ⲁⲩⲱ ⲉϣⲱⲗ ⲛⲛⲁⲡⲁⲣⲑⲉⲛⲟⲥ
5 ⲡϫⲟⲉⲓⲥ ⲡⲡⲁⲛⲧⲟⲕⲣⲁⲇⲱⲣ ⲁϥⲁⲑⲉⲧⲓ ⲙⲙⲟⲟⲩ ϩⲛⲧϭⲓϫ ⲛⲟⲩⲥϩⲓⲙⲉ
6 ⲛⲧⲁⲡⲉⲩⲇⲩⲛⲁⲧⲟⲥ ⲅⲁⲣ ϩⲉ ⲁⲛ ϩⲛⲛϩⲣϣⲓⲣⲉ ⲟⲩⲇⲉ ⲛⲛϣⲏⲣⲉ ⲁⲛ ⲛⲛⲉⲛⲧⲓⲇⲁⲛⲟⲥ ⲛⲉⲛⲧⲁⲩⲣⲁϩⲧϥ
17 ... ⲉⲧⲧⲱⲟⲩⲛ ⲉϩⲣⲁⲓ ⲉϫⲙⲡⲁⲅⲉⲛⲟⲥ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲇⲱⲣ ⲛⲁϫⲓⲕⲃⲁ ⲙⲙⲟⲟⲩ ϩⲙⲡⲉϩⲟⲟⲩ ⲙⲡϩⲁⲡ ⲉϯ ⲛⲟⲩⲕⲱϩⲧ ⲙⲛⲟⲩϥⲛⲧ ⲉϩⲣⲁⲓ ⲉϫⲛⲛⲉⲩⲥⲁⲣⲝ ⲁⲩⲱ ⲥⲉⲛⲁⲣⲓⲙⲉ ϩⲛⲟⲩⲉⲥⲑⲏⲥⲓⲥ ϣⲁⲉⲛⲉϩ
18 ⲛⲧⲉⲣⲟⲩⲉⲓ ⲇⲉ ⲉⲧϩⲓⲉⲣⲟⲩⲥⲁⲗⲏⲙ ⲁⲩⲟⲩⲱϣⲧ ⲙⲡⲛⲟⲩⲧⲉ ⲁⲩⲱ ⲛⲧⲉⲣⲉⲡⲗⲁⲟⲥ ⲧⲃⲃⲟ ⲁⲩⲧⲁⲗⲟ ⲉϩⲣⲁⲓ ⲛⲛⲉⲩϭⲗⲓⲗ ⲙⲛⲛⲉⲩⲉⲣⲏⲧ ⲙⲛⲛⲉϣⲁⲩⲧⲁⲁⲩ
19 ⲁⲓⲟⲩⲇⲉⲓⲑ ⲇⲉ ϯ ⲛⲛⲉⲥⲕⲉⲩⲏ ⲧⲏⲣⲟⲩ ⲛⲟⲗⲟⲫⲉⲣⲛⲏⲥ ⲡⲉⲛⲧⲁⲡⲗⲁⲟⲥ ⲧⲁⲁⲩ ⲛⲁⲥ ⲁⲩⲱ ⲡⲉϥⲕⲱⲛⲟⲡⲓⲟⲛ ⲉⲛⲧⲁⲥϫⲓⲧϥ ⲉⲃⲟⲗ ϩⲙⲡⲉϥⲕⲟⲓⲇⲱⲛ ⲛⲁⲛⲁⲑⲏⲙⲁ ⲙⲡϫⲟⲉⲓⲥ
20 ⲁⲩⲱ ⲛⲉⲣⲉⲡⲗⲁⲟⲥ ⲡⲉ ϩⲛⲧϩⲓⲉⲣⲟⲩⲥⲁⲗⲏⲙ ⲉϥⲟⲩⲛⲟϥ ⲙⲡⲉⲙⲧⲟ ⲉⲃⲟⲗ ⲛⲙⲡⲉⲧⲟⲩⲁⲁⲃ ⲛϣⲟⲙⲛⲧ ⲛⲉⲃⲟⲧ ⲁⲩⲱ ⲁⲓⲟⲩⲇⲉⲓⲑ ϭⲱ ⲙⲙⲁⲩ
21 ⲙⲛⲛⲥⲁⲛⲉⲓϩⲟⲟⲩ ⲇⲉ ⲁⲡⲟⲩⲁ ⲡⲟⲩⲁ ⲃⲱⲕ ⲉϩⲣⲁⲓ ⲉⲧⲉϥⲕⲗⲏⲣⲟⲛⲟⲙⲓⲁ ⲁⲩⲱ ⲁⲓⲟⲩⲇⲉⲓⲑ ⲃⲱⲕ ⲉϩⲣⲁⲓ ⲉⲧⲉϥⲕⲗⲏⲣⲟⲛⲟⲙⲓⲁ ⲁⲩⲱ ⲁⲓⲟⲩⲇⲉⲓⲑ ⲃⲱⲕ ⲉϩⲣⲁⲓ ⲉⲃⲁⲓⲧⲩⲗⲟⲩⲁ ⲁⲥϭⲱ ⲉϩⲣⲁⲓ ⲉϫⲙⲡⲉⲥⲛⲕⲁ ⲁⲥϣⲱⲡⲉ ⲇⲉ ⲉⲥϩⲁⲉⲟⲟⲩ ϩⲣⲁⲓ ϩⲙⲡⲕⲁϩ ⲧⲏⲣϥ
22 ⲁⲩⲱ ⲁϩⲁϩ ⲉⲡⲓⲑⲩⲙⲉⲓ ⲉⲣⲟⲥ ⲙⲡⲉϩⲟⲟⲩⲧ ⲇⲉ ⲥⲟⲩⲱⲛⲥ ⲛⲛⲉϩⲟⲟⲩ ⲧⲏⲣⲟⲩ ⲙⲡⲉⲥⲱⲛϩ ϫⲓⲛⲙⲡⲉϩⲟⲟⲩ ⲉⲛⲧⲁϥⲙⲟⲩ ⲛϭⲓⲙⲁⲛⲁⲥⲥⲏ ⲡⲉⲥϩⲁⲓ ⲁⲩⲟⲩⲁϩϥ ⲛⲛⲁϩⲣⲙⲡⲉϥⲗⲁⲟⲥ
23 ⲁⲩⲱ ⲛⲉⲥⲁⲓⲁⲓ ⲡⲉ ⲉⲩⲙⲛⲧⲛⲟϭ ⲉⲙⲁⲧⲉ ⲁⲥⲣϩⲗⲗⲱ ϩⲙⲡⲏⲓ ⲙⲡⲉⲥϩⲁⲓ ⲉⲁⲥⲣϣⲉϯ ⲛⲣⲟⲙⲡⲉ ⲁⲥⲕⲱ ⲇⲉ ⲉⲃⲟⲗ ⲛⲧⲉⲥϩⲙϩⲁⲗ ⲛⲣⲉⲙϩⲏ ⲁⲩⲱ ⲁⲥⲙⲟⲩ ϩⲛⲃⲁⲓⲧⲩⲗⲟⲩⲁ ⲁⲩⲧⲟⲙⲥⲥ ϩⲙⲡⲉⲥⲡⲏⲗⲁⲓⲟⲛ ⲙⲡⲉⲥϩⲁⲓ ⲙⲁⲛⲁⲥⲥⲏ
24 ⲁⲩⲱ ⲁϥⲣϩⲏⲃⲉ ⲉⲣⲟⲥ ⲛϭⲓⲡⲏⲓ ⲙⲡⲓⲥⲣⲁⲏⲗ ⲛⲥⲁϣϥ ⲛϩⲟⲟⲩ ⲁⲩⲱ ⲉⲙⲡⲁⲧⲧⲥⲙⲟⲩ ⲁⲥⲡⲱϣ ⲛⲛⲉⲥⲛⲕⲁ ⲉϫⲛⲛⲉⲧϩⲏⲛ ⲉϩⲟⲩⲛ ⲧⲏⲣⲟⲩ ⲙⲙⲁⲛⲁⲥⲥⲏ ⲡⲉⲥϩⲁⲓ ⲁⲩⲱ ⲉϫⲛⲛⲉⲧϩⲏⲛ ⲉϩⲟⲩⲛ ⲧⲏⲣⲟⲩ ⲉⲡⲉⲥⲅⲉⲛⲟⲥ
25 ⲛⲉⲛⲛⲡⲉⲧⲧϩⲣϣⲟ ⲇⲉ ⲡⲉ ⲛⲛϣⲏⲣⲉ ⲙⲡⲓⲥⲣⲁⲏⲗ ϩⲛⲛⲉϩⲟⲟⲩ ⲧⲏⲣⲟⲩ ⲛⲓⲟⲩⲇⲉⲓⲑ ⲁⲩⲱ ⲙⲛⲛⲥⲁⲧⲣⲉⲥⲙⲟⲩ ⲛϩⲉⲛϩⲟⲟⲩ ⲉⲛⲁϣⲱⲟⲩ
Judith 15 · Greek (Septuagint / SBLGNT) · Aramaic (Peshitta) · Latin (Vulgate)