Joshua 20 — Coptic (Sahidic)

1 ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛⲓⲏⲥⲟⲩ ⲉϥϫⲱ ⲙⲙⲟⲥ

2 ϫⲉϣⲁϫⲉ ⲙⲛⲛϣⲏⲣⲉ ⲙⲡⲓⲥⲣⲁⲏⲗ ⲉϥϫⲱ ⲙⲙⲟⲥ ϫⲉϯⲙⲡⲟⲗⲓⲥ ⲛⲉ ⲙⲙⲁ ⲙⲡⲱⲧ ⲉⲣⲟⲟⲩ ⲛⲁⲓ ⲉⲛⲧⲁⲓϫⲟⲟⲥ ⲉⲧⲃⲏⲏⲧⲟⲩ ⲉⲃⲟⲗ ϩⲓⲧⲟⲟⲧϥ ⲙⲙⲱⲩⲥⲏⲥ

3 ⲟⲩⲙⲁ ⲙⲡⲱⲧ ⲉⲣⲟϥ ⲙⲡⲣⲉϥϩⲱⲧⲃ ⲡⲉⲛⲧⲁϥⲣⲱϩⲧ ⲛⲟⲩⲯⲩⲭⲏ ⲉϩⲛⲁϥ ⲁⲛ ⲁⲩⲱ ⲛⲉⲓⲡⲟⲗⲓⲥ ⲉⲩⲉϣⲱⲡⲉ ⲛⲏⲧⲛ ⲙⲙⲁ ⲙⲡⲱⲧ ⲉⲣⲟⲟⲩ

5 ⲛϥⲧⲙⲙⲟⲩ ⲛϭⲓⲡⲉⲧⲛⲁϩⲱⲧⲃ ϩⲁⲧϭⲓϫ ⲙⲡⲉⲧϫⲓ ⲉϩⲟⲩⲛ ⲉⲡⲉⲥⲛⲟϥ

6 ϣⲁⲛⲧⲉϥⲁϩⲉⲣⲁⲧϥ ϩⲓⲧϩⲏ ⲛⲧⲥⲩⲛⲁⲅⲱⲅⲏ ⲉϯϩⲁⲡ ⲉⲣⲟϥ

7 ⲁⲩⲱ ⲁϥⲡⲱⲣϫ ⲉⲃⲟⲗ ⲛⲕⲁⲧⲏⲥ ϩⲛⲧⲅⲁⲗⲓⲗⲁⲓⲁ ⲡⲧⲟⲟⲩ ⲛⲉⲫⲑⲁⲗⲉⲓⲙ ⲁⲩⲱ ⲧⲡⲟⲗⲓⲥ ⲁⲣⲃⲟⲕ ⲉⲧⲉⲧⲁⲓ ⲧⲉ ⲭⲉⲃⲣⲱⲛ ϩⲙⲡⲧⲟⲟⲩ ⲛⲓⲟⲩⲇⲁ

8 ⲁⲩⲱ ϩⲙⲡⲉⲕⲣⲟ ⲙⲡⲓⲟⲣⲇⲁⲛⲏⲥ ⲁϥϯ ⲛⲧⲡⲟⲗⲓⲥ ⲃⲟⲥⲟⲣ ϩⲛⲧⲉⲣⲏⲙⲟⲥ ϩⲛⲧⲥⲱϣⲉ ⲉⲃⲟⲗ ϩⲛⲧⲉⲫⲩⲗⲏ ⲛϩⲣⲟⲩⲃⲏⲛ ⲁⲩⲱ ⲧⲡⲟⲗⲓⲥ ⲣⲁⲙⲙⲱⲑ ⲛⲧⲉⲅⲁⲗⲁⲁⲧ ⲉⲃⲟⲗ ϩⲛⲧⲉⲫⲩⲗⲏ ⲛⲅⲁⲇ ⲁⲩⲱ ⲧⲡⲟⲗⲓⲥ ⲅⲁⲩⲣⲱⲛ ϩⲛⲧⲃⲁⲥⲁⲛ ⲉⲃⲟⲗ ϩⲛⲧⲉⲫⲩⲗⲏ ⲙⲙⲁⲛⲁⲥⲥⲏ

9 ⲛⲁⲓ ⲛⲉ ⲙⲡⲟⲗⲓⲥ ⲛⲧⲁⲩϯⲣⲉⲛⲟⲩ ⲉⲣⲟⲟⲩ ⲛϭⲓⲛϣⲏⲣⲉ ⲙⲡⲓⲥⲣⲁⲏⲗ ⲁⲩⲱ ⲡⲉⲡⲣⲟⲥⲩⲗⲏⲧⲟⲥ ⲡⲉⲧϣⲟⲟⲡ ϩⲣⲁⲓ ⲛϩⲏⲧⲟⲩ ⲉⲧⲣⲉⲩⲡⲱⲧ ⲉϩⲣⲁⲓ ⲉⲣⲟⲟⲩ ⲛϭⲓⲟⲩⲟⲛ ⲛⲓⲙ ⲉⲧⲛⲁⲣⲱϩⲧ ⲛⲟⲩⲯⲩⲭⲏ ⲉϩⲛⲁϥ ⲁⲛ ϫⲉⲕⲁⲥ ⲛⲛⲉϥⲙⲟⲩ ϩⲁⲧϭⲓϫ ⲙⲡⲉⲧϫⲓ ⲉϩⲟⲩⲛ ⲉⲡⲉⲥⲛⲟϥ ϣⲁⲛⲧⲉϥⲁϩⲉⲣⲁⲧϥ ⲉⲧⲥⲩⲛⲁⲅⲱⲅⲏ ⲉⲧⲛⲁϯϩⲁⲡ ⲉⲣⲟϥ