Read Job 37 side by side with translations · The Final Bible
5 ⲁⲩⲱ ⲙⲡⲉⲡⲉⲕϩⲏⲧ ⲡⲱⲗϭ ⲉⲃⲟⲗ ⲙⲡⲉⲕⲥⲱⲙⲁ ⲁϥⲧⲁⲙⲓⲉϩⲉⲛⲛⲟϭ ⲅⲁⲣ ⲛⲧⲛⲥⲟⲟⲩⲛ ⲁⲛ
6 ⲡⲉⲧϩⲱⲛ ⲉⲧⲣⲉⲡⲉⲭⲓⲱⲛ ϣⲱⲡⲉ ϩⲓϫⲙⲡⲕⲁϩ
7 ϫⲉⲉⲣⲉⲣⲱⲙⲉ ⲛⲓⲙ ⲉⲓⲙⲉ ⲉⲧⲉϥⲙⲛⲧϭⲱⲃ
8 ⲁⲛⲉⲑⲩⲣⲓⲟⲛ ⲇⲉ ⲃⲱⲕ ⲉϩⲟⲩⲛ ϩⲁⲟⲩϩⲁⲓⲃⲉⲥ ⲁⲩⲕⲁⲣⲱⲟⲩ ⲇⲉ ⲉϫⲙⲡⲉⲩⲙⲁⲛⲛⲕⲟⲧⲕ
9 ⲉⲣⲉⲛϩⲓⲥⲉ ⲛⲏⲩ ⲉⲃⲟⲗ ϩⲙⲡⲉⲩⲧⲁⲙⲉⲓⲟⲛ ⲉⲣⲉⲡⲉϫⲁϥ ⲇⲉ ⲛⲏⲩ ⲉⲃⲟⲗ ⲟⲩⲇⲉ ⲛⲧⲟⲟⲩ
10 ϥⲣϩⲙⲙⲉ ⲇⲉ ⲙⲡⲙⲟⲟⲩ ⲉⲡⲙⲁ ⲉⲧⲉϥⲟⲩⲁϣϥ
12 ⲛⲁⲓ ⲭⲏⲕ ⲉⲃⲟⲗ ⲛⲧⲟⲟⲧϥ ϩⲓϫⲙⲡⲕⲁϩ
14 ⲓⲱⲃ ⲥⲱⲧⲙ ⲉⲛⲁⲓ ⲁϩⲉⲣⲁⲧⲕ ϫⲓⲥⲃⲱ ⲉⲧϭⲟⲙ ⲙⲡϫⲟⲉⲓⲥ
15 ⲧⲛⲥⲟⲟⲩⲛ ϫⲉⲁⲡϫⲟⲉⲓⲥ ⲕⲁ ⲛⲉϥϩⲃⲏⲩⲉ ⲁϥⲧⲁⲙⲓⲉⲡⲟⲩⲟⲉⲓⲛ ⲉⲃⲟⲗ ϩⲙⲡⲕⲁⲕⲉ
16 ϥⲥⲟⲟⲩⲛ ⲇⲉ ⲛⲧⲙⲓⲛⲉ ⲛⲛⲉⲕⲗⲟⲟⲗⲉ ϩⲉⲛϣⲡⲏⲣⲉ ⲛⲉ ⲛⲉϩⲧⲟⲡ ⲛⲙⲡⲟⲛⲏⲣⲟⲥ
17 ⲧⲉⲕⲥⲧⲟⲗⲏ ϩⲏⲙ ⲥϭⲉⲉⲧ ϩⲓϫⲙⲡⲕⲁϩ
19 ⲉⲧⲃⲉⲟⲩ ⲇⲉ ⲙⲁⲧⲁⲙⲟⲓ ϫⲉⲓⲉϫⲉ ⲟⲩ ⲛⲁϥ ⲧⲁⲣⲛⲗⲟ ⲉⲛⲟ ⲛϩⲁϩ ⲛϣⲁϫⲉ
20 ⲙⲏ ⲟⲩϫⲱⲱⲙⲉ ⲏ ⲟⲩⲅⲣⲁⲙⲙⲁⲧⲉⲩⲥ ⲡⲉⲧⲁϩⲉⲣⲣⲁⲧϥ ⲉⲣⲟⲓ ϫⲉⲉⲓⲉⲁϩⲉⲣⲁⲧ ⲧⲁⲧⲣⲉⲟⲩⲣⲱⲙⲉ ⲕⲁⲣⲱϥ
21 ⲙⲏ ⲟⲩⲟⲛ ⲛⲓⲙ ⲛⲁⲛⲁⲩ ⲁⲛ ⲉⲡⲟⲩⲟⲉⲓⲛ ⲛⲧϩⲉ ⲙⲡⲉⲧϩⲓϫⲛ ⲛⲉⲕⲗⲟⲟⲗⲉ ⲉⲃⲟⲗ ϩⲓⲧⲟⲟⲧϥ
22 ⲛⲉⲕⲗⲟⲟⲗⲉ ⲙⲡⲉⲙϩⲓⲧ ⲉⲧⲧⲣⲉϣⲣⲱϣ ⲉϫⲛⲛⲁⲓ ⲇⲉ ⲧⲏⲣⲟⲩ ⲟⲩⲛⲟϭ ⲧⲉ ⲧⲧⲓⲙⲏ ⲙⲛⲡⲉⲟⲟⲩ ⲙⲡⲡⲁⲛⲧⲟⲕⲣⲁⲧⲱⲣ
23 ⲁⲩⲱ ⲛⲧⲛⲛⲁϭⲛ ⲕⲉⲟⲩⲁ ⲁⲛ ⲉϥⲉⲓⲛⲉ ⲛⲧⲉϥϭⲟⲙ ⲡⲉⲧⲕⲣⲓⲛⲉ ϩⲛⲟⲩⲙⲉ ⲛⲅⲙⲉⲉⲩⲉ ⲁⲛ ϫⲉⲉϥⲥⲱⲧⲙ ⲉⲡⲧⲏⲣϥ
24 ⲡⲉⲧⲉⲣⲉⲛⲣⲱⲙⲉ ⲣϩⲟⲧⲉ ϩⲏⲧϥ ⲥⲉⲛⲁⲣϩⲟⲧⲉ ⲇⲉ ϩⲏⲧϥ ⲛϭⲓⲛⲕⲉⲥⲟⲫⲟⲥ ϩⲙⲡⲉⲩϩⲏⲧ
Job 36 · Job 38 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)