Read Jeremiah 3 side by side with translations · The Final Bible
1 ... ⲙⲏ ⲥⲛⲁⲕⲟⲧⲥ ⲉⲣⲟϥ ⲛⲕⲉⲥⲟⲡ ⲙⲏ ϩⲛⲟⲩϫⲱϩⲙ ⲛⲥⲉⲛⲁϫⲱϩⲙ ⲁⲛ ⲛϭⲓⲧⲉⲥϩⲓⲙⲉ ⲉⲧⲙⲙⲁⲩ ⲛⲧⲟ ϩⲱⲱⲧⲉ ⲧⲕⲁⲧⲟⲓⲕⲓⲁ ⲙⲡⲓⲥⲣⲁⲏⲗ ⲁⲣⲉⲡⲟⲣⲛⲉⲩⲉ ϩⲛϩⲉⲛϣⲟⲟⲥ ⲉⲛⲁϣⲱⲟⲩ ⲁⲩⲱ ⲁⲣⲕⲟⲧⲥ ⲉⲣⲟⲓ ⲡⲉϫⲉⲡϫⲟⲉⲓⲥ
2 ϥⲓ ⲛⲛⲟⲩⲃⲁⲗ ⲉϩⲣⲁⲓ ⲉⲡⲥⲟⲟⲩⲧⲛ ⲛⲧⲉⲛⲁⲩ ϫⲉⲉⲧⲉⲙⲡⲉϫⲱϩⲙ ϩⲛⲁϣ ⲙⲙⲁ ⲁⲣϩⲙⲟⲟⲥ ⲛⲁⲩ ϩⲛⲛⲟⲩϩⲓⲟⲟⲩⲉ ⲛⲧϩⲉ ⲛⲟⲩⲁⲃⲟⲕⲉ ⲉⲥϭⲉⲉⲧ ⲙⲁⲩⲁⲁⲥ ⲁⲩⲱ ⲁⲣϫⲱϩⲙ ⲙⲡⲕⲁϩ ϩⲛⲛⲟⲩⲡⲟⲣⲛⲉⲓⲁ ⲙⲛⲛⲟⲩⲕⲁⲕⲓⲁ
3 ⲁⲣϫⲓ ⲛⲉ ⲛⲟⲩⲙⲏⲏϣⲉ ⲛⲥⲱϣ ⲉⲩϫⲣⲟⲡ ⲛⲉ ⲟⲩϩⲟ ⲙⲡⲟⲣⲛⲏ ⲁϥϣⲱⲡⲉ ⲛⲉ ⲁⲣϫⲓϣⲓⲡⲉ ⲛⲛⲁϩⲣⲛⲟⲩⲟⲛ ⲛⲓⲙ
4 ⲙⲡⲉⲙⲟⲩⲧⲉ ⲉϩⲣⲁⲓ ⲉⲣⲟⲓ ϩⲱⲥ ⲣⲙⲛⲏⲉⲓ ⲏ ϩⲱⲥ ⲉⲓⲱⲧ ⲏ ⲁⲣⲭⲏⲅⲟⲥ ⲛⲧⲉⲙⲛⲧⲡⲁⲣⲑⲉⲛⲟⲥ
5 ⲉⲃⲟⲗ ϣⲁⲉⲛⲉϩ ⲏ ⲡⲁⲓ ⲛⲁϣⲱⲡⲉ ⲛⲉ ⲉⲩϫⲣⲟ ⲉⲓⲥ ϩⲏⲏⲧⲉ ⲁⲣϣⲁϫⲉ ⲁⲩⲱ ⲁⲣⲉⲓⲣⲉ ⲛⲛⲉⲓⲡⲉⲧϩⲟⲟⲩ ⲧⲏⲣⲟⲩ ⲁⲩⲱ ⲁⲣϭⲙϭⲟⲙ
6 ⲡⲉϫⲉⲡϫⲟⲉⲓⲥ ⲛⲁⲓ ϩⲛⲛⲉϩⲟⲟⲩ ⲛⲓⲱⲥⲓⲁⲥ ⲡⲣⲣⲟ ⲉϥϫⲱ ⲙⲙⲟⲥ ϫⲉⲛⲧⲁⲕⲛⲁⲩ ⲉⲛⲉⲛⲧⲁϥⲁⲁⲩ ⲛⲁⲓ ⲡⲙⲁ ⲛϣⲱⲡⲉ ⲙⲡⲓⲥⲣⲁⲏⲗ ⲁⲩⲃⲱⲕ ⲉϫⲛⲧⲟⲟⲩ ⲛⲓⲙ ⲉⲧϫⲟⲥⲉ ⲁⲩⲱ ϩⲁⲙⲁ ⲛϣⲏⲛ ⲛⲓⲙ ⲉⲧⲉⲛⲁϣⲱⲟⲩ ⲁⲩⲱ ⲁϥⲡⲟⲣⲛⲉⲩⲉ ⲙⲡⲙⲁ ⲉⲧⲙⲙⲁⲩ
7 ⲁⲩⲱ ⲡⲉϫⲁⲓ ⲙⲛⲛⲥⲁⲡⲧⲣⲉⲥ ϩⲛⲛⲁⲓ ⲧⲏⲣⲟⲩ ⲁⲩⲱ ⲙⲡⲉϥⲕⲧⲟϥ ⲁⲩⲱ ⲁⲥⲛⲁⲩ ⲉⲧⲉⲥⲙⲛⲧⲁⲧⲥⲱⲧⲙ ⲛϭⲓⲧⲕⲁⲧⲟⲓⲕⲓⲁ ⲛⲓⲟⲩⲇⲁ
10 ϩⲛⲛⲁⲓ ⲧⲏⲣⲟⲩ ⲙⲡⲥⲕⲟⲧⲥ ⲉⲣⲟⲓ ϩⲙⲡⲉⲥϩⲏⲧ ⲧⲏⲣϥ ⲛϭⲓⲧⲁⲧϩⲏⲧ ⲛⲧⲉⲓⲟⲩⲇⲁ ⲁⲗⲗⲁ ⲉϩⲣⲁⲓ ⲉϫⲛⲟⲩⲙⲛⲧⲛⲟⲩϫ
14 ⲁⲩⲱ ϯⲛⲁϫⲓⲧⲏⲩⲧⲛ ⲟⲩⲁ ⲉⲃⲟⲗ ϩⲛⲟⲩⲡⲟⲗⲓⲥ ⲁⲩⲱ ⲥⲛⲁⲩ ⲉⲃⲟⲗ ϩⲛⲟⲩⲡⲁⲧⲣⲓⲁ ⲧⲁϫⲓⲧⲏⲩⲧⲛ ⲉϩⲟⲩⲛ ⲉⲥⲓⲱⲛ
15 ⲧⲁϯ ⲛⲏⲧⲛ ⲛϩⲉⲛϣⲟⲟⲥ ⲕⲁⲧⲁⲡⲁϩⲏⲧ ϩⲛϣⲟⲟⲥ ⲉⲩⲛⲁⲙⲟⲟⲛⲉ ⲙⲙⲱⲧⲛ ϩⲛⲟⲩⲥⲃⲱ
16 ⲁⲩⲱ ⲥⲛⲁϣⲱⲡⲉ ⲉⲣϣⲁⲛⲧⲉⲧⲛⲁϣⲁⲓ ⲛⲧⲉⲧⲛⲛⲁⲁⲓⲁⲓ ϩⲓϫⲙⲡⲕⲁϩ ⲛⲛⲉϩⲟⲟⲩ ⲉⲧⲙⲙⲁⲩ ⲡⲉϫⲉⲡϫⲟⲉⲓⲥ ⲛⲛⲉⲩϫⲟⲟⲥ ϭⲉ ϫⲉⲧϭⲓⲃⲟⲩⲧⲟⲥ ⲛⲧⲇⲓⲁⲑⲏⲕⲏ ⲙⲡⲉⲧⲟⲩⲁⲁⲃ ⲙⲡⲓⲥⲣⲁⲏⲗ ⲛⲥⲉⲛⲁⲃⲱⲕ ⲁⲛ ⲉϫⲙⲡⲉⲩϩⲏⲧ ⲟⲩⲇⲉ ⲛⲥⲉⲛⲁⲧⲁⲩⲉⲣⲓⲛϥ ⲁⲛ ⲟⲩⲇⲉ ⲛⲛⲉⲩϭⲙⲡⲉϥϣⲓⲛⲉ ⲁⲩⲱ ⲛⲥⲉⲛⲁⲁⲁϥ ϭⲉ ⲁⲛ
17 ϩⲛⲛⲉϩⲟⲟⲩ ⲉⲧⲙⲙⲁⲩ ⲁⲩⲱ ϩⲣⲁⲓ ϩⲛⲛⲉϩⲟⲟⲩ ⲉⲧⲙⲙⲁⲩ ⲥⲉⲛⲁⲙⲟⲩⲧⲉ ⲉⲧϩⲓⲉⲣⲟⲩⲥⲁⲗⲏⲙ ϫⲉⲡⲉⲑⲣⲟⲛⲟⲥ ⲙⲡϫⲟⲉⲓⲥ ⲁⲩⲱ ⲥⲉⲛⲁⲥⲱⲟⲩϩ ⲛϭⲓⲛϩⲉⲑⲛⲟⲥ ⲧⲏⲣⲟⲩ ⲉϩⲟⲩⲛ ⲉⲣⲟⲥ ϩⲙⲡⲣⲁⲛ ⲙⲡϫⲟⲉⲓⲥ ⲛⲥⲉⲧⲙⲙⲟⲟϣⲉ ϫⲓⲛⲧⲉⲛⲟⲩ ϩⲓⲡⲁϩⲟⲩ ⲛⲛⲟⲩⲱϣ ⲛⲧⲉⲡⲉⲩϩⲏⲧ ⲉⲧϩⲟⲟⲩ
18 ϩⲛⲛⲉϩⲟⲟⲩ ⲉⲧⲙⲙⲁⲩ ⲉⲩⲉⲉⲓ ϩⲓⲟⲩⲥⲟⲡ ⲛϭⲓⲡⲏⲓ ⲛⲓⲟⲩⲇⲁ ⲙⲛⲡⲏⲓ ⲙⲡⲓⲥⲣⲁⲏⲗ ⲁⲩⲱ ⲉⲩⲉⲉⲓ ⲉⲩⲙⲁ ⲛⲟⲩⲱⲧ ⲉⲃⲟⲗ ϩⲙⲡⲕⲁϩ ⲙⲡⲉⲙϩⲓⲧ ⲁⲩⲱ ⲉⲃⲟⲗ ϩⲛⲛⲉⲭⲱⲣⲁ ⲧⲏⲣⲟⲩ ⲉϩⲟⲩⲛ ⲉⲡⲕⲁϩ ⲡⲁⲓ ⲛⲧⲁⲓⲧⲣⲉ ⲛⲉⲧⲛⲉⲓⲟⲧⲉ ⲕⲗⲏⲣⲟⲛⲟⲙⲉⲓ ⲙⲙⲟϥ
19 ⲁⲛⲟⲕ ϩⲱ ⲡⲉϫⲁⲓ ϫⲉⲉⲣⲉⲡⲁⲓ ϣⲱⲡⲉ ⲡϫⲟⲉⲓⲥ ϫⲉϯⲛⲁⲧⲟϣⲕ ⲉϩⲉⲛϣⲏⲣⲉ ⲁⲩⲱ ϯⲛⲁϯ ⲛⲁⲕ ⲛⲟⲩⲕⲁϩ ⲉϥⲥⲟⲧⲡ ⲉⲩⲕⲗⲩⲣⲟⲛⲟⲙⲓⲁ ⲛⲧⲉⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ ⲁⲩⲱ ⲁⲓϫⲟⲟⲥ ϫⲉⲧⲉⲧⲛⲁⲙⲟⲩⲧⲉ ⲉⲣⲟⲓ ϫⲉⲡⲁⲉⲓⲱⲧ ⲁⲩⲱ ⲛⲅⲧⲙⲕⲟⲧⲕ ⲉⲃⲟⲗ ⲙⲙⲟⲓ
20 ⲡⲗⲏⲛ ⲛⲧϩⲉ ⲛⲟⲩⲥϩⲓⲙⲉ ⲉⲁⲥⲁⲑⲉⲧⲉⲓ ⲙⲡⲉⲥϩⲁⲓ ⲧⲁⲓ ⲧⲉ ⲧϩⲉ ⲛⲧⲁϥⲁⲑⲉⲧⲉⲓ ⲙⲙⲟⲓ ⲛϭⲓⲡⲏⲓ ⲙⲡⲓⲥⲣⲁⲏⲗ ⲡⲉϫⲉⲡϫⲟⲉⲓⲥ
21 ⲟⲩⲥⲙⲏ ⲁⲩⲥⲟⲧⲙⲉⲥ ⲉⲃⲟⲗ ϩⲛϩⲉⲛⲥⲡⲟⲧⲟⲩ ⲟⲩⲣⲓⲙⲉ ⲙⲛⲟⲩⲧⲱⲃϩ ⲛⲧⲉⲛϣⲏⲣⲉ ⲙⲡⲓⲥⲣⲁⲏⲗ ϫⲉⲁⲩϫⲓⲛϭⲟⲛⲥ
22 ⲕⲧⲉⲧⲏⲩⲧⲛ ϣⲁⲁⲣⲟⲓ ⲛϣⲏⲣⲉ ⲉⲛⲧⲁⲩⲟⲩⲉ ⲉⲃⲟⲗ ⲁⲩⲱ ⲁⲛⲟⲕ ϯⲛⲁⲧⲁⲗϭⲉ ⲛⲉⲧⲛⲟⲩⲱϣϥ
Jeremiah 2 · Jeremiah 4 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)