Read Jeremiah 17 side by side with translations · The Final Bible
5 ϥⲥϩⲟⲩⲟⲣⲧ ⲛϭⲓⲡⲣⲱⲙⲉ ⲉⲧⲉⲣⲉⲧⲉϥϩⲉⲗⲡⲓⲥ ϣⲟⲟⲡ ϩⲓⲣⲱⲙⲉ ⲁⲩⲱ ⲉϥⲧⲁϫⲣⲟ ⲛⲧⲥⲁⲣⲝ ⲙⲡⲉϥϭⲃⲟⲓ ⲉϫⲱϥ ⲛϥⲧⲣⲉ ⲡⲉϥϩⲏⲧ ⲣⲓⲕⲉ ⲉⲃⲟⲗ ⲙⲡϫⲟⲉⲓⲥ
6 ⲡⲁⲓ ⲉϥⲉϣⲱⲡⲉ ⲛⲧϩⲉ ⲛⲟⲩⲉⲉⲓⲱ ⲛϩⲟⲟⲩⲧ ϩⲓⲡϫⲁⲓⲉ ϥⲛⲁⲛⲁⲩ ⲁⲛ ⲉϩⲉⲛⲁⲅⲁⲑⲟⲛ ⲉⲩϣⲁⲛⲉⲓ ⲁⲗⲗⲁ ϥⲛⲁϣⲱⲡⲉ ϩⲛϩⲉⲛⲙⲁ ⲉⲩϣⲟⲩϣⲟⲩⲱⲟⲩ ϩⲣⲁⲓ ϩⲙⲡϫⲁⲓⲉ ⲉⲟⲩⲕⲁϩ ⲉϥⲙⲟⲗϩ ⲉⲙⲉⲩϣⲱⲡⲉ ⲛϩⲏⲧϥ
7 ϥⲥⲙⲁⲙⲁⲁⲧ ⲇⲉ ⲛⲧⲟϥ ⲛϭⲓⲡⲣⲱⲙⲉ ⲉⲛⲧⲁϥⲕⲁ ϩⲧⲏϥ ⲉⲡϫⲟⲉⲓⲥ ⲁⲩⲱ ⲡϫⲟⲉⲓⲥ ⲛⲁϣⲱⲡⲉ ⲛⲁϥ ⲛϩⲉⲗⲡⲓⲥ
8 ϥⲛⲁⲣⲧϩⲉ ⲛⲟⲩϣⲏⲛ ⲉϥⲣⲟⲟⲩⲧ ϩⲓϫⲛⲟⲩⲙⲟⲟⲩ ⲁⲩⲱ ϥⲛⲁⲛⲟⲩϫⲉ ⲛⲛⲉϥⲛⲟⲩⲛⲉ ϩⲓϫⲛⲟⲩⲁⲧⲃⲉⲥ ⲛϥⲛⲁⲣϩⲟⲧⲉ ⲇⲉ ⲁⲛ ⲉϥϣⲁⲛⲉⲓ ⲉϫⲱϥ ⲛϭⲓⲟⲩϣⲁⲣⲃⲁ ⲥⲉⲛⲁϣⲱⲡⲉ ϩⲓϫⲱϥ ⲛϭⲓϩⲉⲛϣⲁⲩ ⲉⲩⲟϣ ⲛϭⲱⲃⲉ ⲛϥⲛⲁⲣϩⲟⲧⲉ ⲇⲉ ⲁⲛ ⲉⲣϣⲁⲛⲧⲙ ⲡϩⲟⲩⲙⲡⲉ ⲉⲓ ⲛⲟⲩⲣⲟⲙⲡⲉ ⲁⲩⲱ ⲛⲛⲉϥⲱϫⲛ ⲉϥⲧⲁⲩⲉ ⲕⲁⲣⲡⲟⲥ ⲉⲃⲟⲗ
9 ⲟⲩϣⲡⲏⲣⲉ ⲡⲉ ⲡⲉϥϩⲏⲧ ⲡⲁⲣⲁⲟⲩⲟⲛ ⲛⲓⲙ ⲁⲩⲱ ⲟⲩⲣⲱⲙⲉ ⲡⲉ ⲛⲓⲙ ϭⲉ ⲡⲉⲧⲛⲁⲥⲟⲩⲱⲛϥ
10 ⲁⲛⲟⲕ ⲡⲉ ⲡϫⲟⲉⲓⲥ ⲉⲧϩⲟⲧϩⲧ ⲛⲛϩⲏⲧ ⲁⲩⲱ ⲉⲧⲇⲟⲕⲓⲙⲁⲍⲉ ⲛⲛⲉϭⲗⲟⲟⲧⲉ ⲉⲧⲣⲁϯ ⲙⲡⲟⲩⲁ ⲡⲟⲩⲁ ⲕⲁⲧⲁⲛⲉϥϩⲓⲟⲟⲩⲉ ⲁⲩⲱ ⲕⲁⲧⲁⲛⲉϥϩⲓⲟⲟⲩⲉ ⲁⲩⲱ ⲕⲁⲧⲁⲡⲕⲁⲣⲡⲟⲥ ⲛⲛⲉϥϩⲃⲏⲩⲉ
11 ⲡⲡⲉⲣⲇⲓⲝ ⲟⲩϩⲁⲗⲏⲧ ⲡⲉ ⲁϥϯ ⲛⲧⲉϥⲥⲙⲏ ⲁϥⲥⲱⲟⲩϩ ⲉϩⲟⲩⲛ ⲛⲛⲉⲧⲉ ⲙⲡⲉϥϫⲡⲟⲟⲩ
19 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲃⲱⲕ ⲛⲅⲁϩⲉⲣⲁⲧⲕ ϩⲛⲙⲡⲩⲗⲏ ⲛⲛϣⲏⲣⲉ ⲙⲡⲉⲕⲗⲁⲟⲥ ⲛⲁⲓ ⲉϣⲁⲩⲃⲱⲕ ⲉϩⲟⲩⲛ ⲛϩⲏⲧⲟⲩ ⲛϭⲓⲛⲣⲣⲱⲟⲩ ⲛⲓⲟⲩⲇⲁ ⲉϣⲁⲩⲉⲓ ⲟⲛ ⲉⲃⲟⲗ ⲛϩⲏⲧⲟⲩ ⲛⲅⲁϩⲉⲣⲁⲧⲕ ⲟⲛ ϩⲛⲛⲕⲉⲡⲩⲗⲏ ⲧⲏⲣⲟⲩ ⲛⲧϩⲓⲉⲣⲟⲩⲥⲁⲗⲏⲙ
20 ⲁⲩⲱ ⲉⲕⲉϫⲟⲟⲥ ⲛⲁⲩ ϫⲉⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲛⲣⲣⲱⲟⲩ ⲛⲓⲟⲩⲇⲁ ⲙⲛⲧⲓⲟⲩⲇⲁⲓⲁ ⲧⲏⲣⲥ ⲙⲛⲧϩⲓⲉⲣⲟⲩⲥⲁⲗⲏⲙ ⲧⲏⲣⲥ ⲛⲉⲧⲛⲏⲩ ⲉϩⲟⲩⲛ ϩⲛⲛⲉⲓⲡⲩⲗⲏ
21 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉϩⲁⲣⲉϩ ⲉⲛⲉⲧⲛⲯⲩⲭⲏ ⲁⲩⲱ ⲙⲡⲣϥⲓ ⲉⲧⲡⲱ ϩⲛⲛⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲛⲧⲉⲧⲛⲧⲙⲣⲡⲃⲟⲗ ⲛⲙⲡⲏⲗⲏ ⲛⲧϩⲓⲉⲣⲟⲩⲥⲁⲗⲏⲙ
22 ⲁⲩⲱ ⲛⲧⲉⲧⲛⲧⲙⲛ ⲉⲧⲡⲱ ⲉⲃⲟⲗ ϩⲛⲛⲉⲧⲛⲏⲓ ϩⲙⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲁⲩⲱ ⲛⲛⲉⲧⲛⲣⲗⲁⲁⲩ ⲛϩⲱⲃ ⲛⲧⲉⲧⲛⲧⲃⲃⲟ ⲙⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲕⲁⲧⲁⲧϩⲉ ⲛⲧⲁⲓϩⲱⲛ ⲉⲧⲟⲟⲧⲟⲩ ⲛⲛⲉⲧⲛⲉⲓⲟⲧⲉ ⲁⲩⲱ ⲙⲡⲟⲩⲥⲱⲧⲙ ⲟⲩⲇⲉ ⲙⲡⲟⲩⲣⲓⲕⲉ ⲛⲛⲉⲩⲙⲁⲁϫⲉ
23 ⲁⲩⲧⲣⲉⲡⲉⲩⲙⲁⲕϩ ⲛϣⲟⲧ ⲛϩⲟⲩⲉ ⲡⲁⲛⲉⲩⲉⲓⲟⲧⲉ ⲉⲧⲙⲡⲧⲣⲉⲩⲥⲱⲧⲙ ⲛⲥⲱⲓ ⲁⲩⲱ ⲉⲧⲙⲡⲧⲣⲉⲩϫⲓ ⲛⲧⲥⲃⲱ
24 ⲁⲩⲱ ⲉⲥⲛⲁϣⲱⲡⲉ ⲉⲧⲉⲧⲛϣⲁⲛⲥⲱⲧⲙ ⲛⲥⲱⲓ ⲡⲉϫⲉⲡϫⲟⲉⲓⲥ ⲉⲧⲙⲡⲧⲣⲉⲧⲉⲧⲛⲉⲓⲛⲉ ⲉϩⲟⲩⲛ ⲛϩⲉⲛⲉⲧⲡⲱ ϩⲓⲧⲛⲙⲡⲩⲗⲏ ⲛⲧⲉⲓⲡⲟⲗⲓⲥ ϩⲙⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲉⲧⲙⲡⲧⲣⲉⲧⲉⲧⲛⲣⲗⲁⲁⲩ ⲛϩⲱⲃ ⲁⲩⲱ ⲛⲧⲉⲧⲛⲧⲃⲃⲟ ⲙⲡⲉϩⲟⲟⲩ ⲛⲛⲥⲁⲃⲃⲁⲧⲟⲛ
25 ⲉⲩⲉⲉⲓ ⲉϩⲟⲩⲛ ϩⲓⲧⲛⲙⲡⲩⲗⲏ ⲛⲧⲉⲓⲡⲟⲗⲓⲥ ⲛϭⲓⲛⲣⲣⲱⲟⲩ ⲙⲛⲛⲁⲣⲭⲱⲛ ⲉⲩϩⲙⲟⲟⲥ ϩⲓϫⲙⲡⲉⲑⲣⲟⲛⲟⲥ ⲛⲇⲁⲩⲉⲓⲇ ...
Jeremiah 16 · Jeremiah 18 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)