Read Hosea 4 side by side with translations · The Final Bible
1 ⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲛϣⲏⲣⲉ ⲙⲡⲓⲥⲣⲁⲏⲗ ⲉⲃⲟⲗ ϫⲉⲡϩⲁⲡ ⲙⲡϫⲟⲉⲓⲥ ⲉϥϣⲟⲟⲡ ⲉϫⲛⲛⲉⲧⲟⲩⲏϩ ϩⲓϫⲙⲡⲕⲁϩ ϫⲉⲙⲛⲙⲉ ϩⲓϫⲙⲡⲕⲁϩ ⲟⲩⲇⲉ ⲛⲁⲟⲩⲇⲉ ⲥⲟⲟⲩⲛ ⲛⲛⲟⲩⲧⲉ
2 ⲁⲡⲥⲁϩⲟⲩ ⲡⲱⲣϣ ⲉⲃⲟⲗ ϩⲓϫⲙⲡⲕⲁϩ ⲁⲩⲱ ⲡϭⲟⲗ ⲙⲛⲡϩⲱⲧⲃ ⲙⲛⲡϫⲓⲟⲩⲉ ⲙⲛⲧⲙⲛⲧⲛⲟⲉⲓⲕ ⲁⲩⲱ ⲥⲉⲛⲁⲡⲉϩⲧⲥⲛⲟϥ ⲉⲃⲟⲗ ⲉϫⲛⲥⲛⲟϥ
3 ⲉⲧⲃⲉⲡⲁⲓ ⲡⲕⲁϩ ⲛⲁⲣϩⲏⲃⲉ ⲁⲩⲱ ⲥⲉⲛⲁⲥⲃⲟⲕ ⲛϭⲓⲛⲉⲧⲟⲩⲏϩ ⲧⲏⲣⲟⲩ ϩⲓϫⲙⲡⲕⲁϩ ⲙⲛⲛⲉⲑⲏⲣⲓⲟⲛ ⲛⲧⲥⲱϣⲉ ⲙⲛⲛϩⲁⲗⲁⲧⲉ ⲛⲧⲡⲉ ⲙⲛⲛⲧⲃⲧ ⲛⲧⲑⲁⲗⲁⲥⲥⲁ ⲥⲉⲛⲁⲱϫⲛ
4 ϫⲉⲕⲁⲥ ⲛⲛⲉⲗⲁⲁⲩ ϫⲓϩⲁⲡ ⲟⲩⲇⲉ ⲛⲛⲉⲩϫⲡⲓⲉⲗⲁⲁⲩ ⲁⲩⲱ ⲡⲁⲗⲁⲟⲥ ⲛⲁⲣⲧϩⲉ ⲙⲡⲟⲩⲏⲏⲃ ⲉⲧⲟⲩⲱϩⲙ ϩⲁⲣⲟϥ
5 ϥⲛⲁⲣϭⲱⲃ ϩⲙⲡⲉϩⲟⲟⲩ ⲁⲩⲱ ⲡⲕⲉⲡⲣⲟⲫⲏⲧⲏⲥ ⲛⲁⲣϭⲱⲃ ⲛⲙⲙⲁϥ ⲧⲉⲕⲙⲁⲁⲩ ⲛⲧⲁⲓⲧⲛⲧⲱⲛⲥ ⲉⲧⲉⲩϣⲏ
6 ⲁⲡⲁⲗⲁⲟⲥ ⲣⲧϩⲉ ⲙⲡⲉⲧⲉⲙⲛⲧϥⲥⲟⲟⲩⲛ ⲙⲙⲁⲩ ϫⲉⲛⲧⲟⲕ ⲁⲕⲛⲟⲩϫⲉ ⲉⲃⲟⲗ ⲙⲙⲟⲕ ⲙⲡⲥⲟⲟⲩⲛ ⲁⲛⲟⲕ ϩⲱ ϯⲛⲁⲛⲟϫⲕ ⲉⲃⲟⲗ ⲉⲧⲙϣⲙϣⲉ ⲛⲁⲓ ⲁⲩⲱ ⲁⲕⲣⲡⲱⲃϣ ⲙⲡⲛⲟⲙⲟⲥ ⲙⲡⲉⲕⲛⲟⲩⲧⲉ ⲁⲛⲟⲕ ϩⲱ ϯⲛⲁⲣⲡⲱⲃϣ ⲛⲛⲉⲕϣⲏⲣⲉ
7 ⲕⲁⲧⲁⲧⲉⲩⲁ ⲧⲁⲓ ⲧⲉ ⲧϩⲉ ⲛⲧⲁⲩⲣⲛⲟⲃⲉ ⲉⲣⲟⲓ ϯⲛⲁⲕⲱ ⲙⲡⲉⲩⲉⲟⲟⲩ ⲉⲩⲥⲱϣ
8 ⲥⲉⲛⲁⲟⲩⲱⲙ ⲛⲛⲛⲟⲃⲉ ⲙⲡⲁⲗⲁⲟⲥ ⲁⲩⲱ ⲥⲉⲛⲁϫⲓ ⲛⲛⲉⲩⲯⲩⲭⲏ ϩⲛⲛⲉⲩϫⲓⲛϭⲟⲛⲥ
9 ⲁⲩⲱ ⲡⲟⲩⲏⲏⲃ ⲛⲁⲣⲧϩⲉ ⲙⲡⲗⲁⲟⲥ ⲁⲩⲱ ϯⲛⲁϫⲓⲕⲃⲁ ⲛⲛⲉϥⲁⲛⲟⲙⲓⲁ ⲉϩⲣⲁⲓ ⲉϫⲱϥ ⲁⲩⲱ ⲛⲉϥⲙⲉⲉⲩⲉ ⲛϩⲏⲧ ϯⲛⲁⲧⲟⲟⲃⲟⲩ ⲛⲁϥ
10 ⲥⲉⲛⲁⲟⲩⲱⲙ ⲁⲩⲱ ⲛⲥⲉⲛⲁⲥⲉⲓ ⲁⲛ ⲁⲩⲡⲟⲣⲛⲉⲩⲉ ⲁⲩⲱ ⲛⲥⲉⲛⲁⲥⲟⲟⲩⲧⲛ ⲁⲛ ⲉⲃⲟⲗ ϫⲉⲁⲩⲕⲁⲡⲉϫⲟⲉⲓ ⲛⲥⲱⲟⲩ ⲉⲧⲣⲉⲩϩⲁⲣⲉϩ
11 ⲉⲧⲡⲟⲣⲛⲉⲓⲁ ⲁ ⲡϩⲏⲧ ⲙⲡⲗⲁⲟⲥ ⲁ ⲉⲣⲟϥ ⲛⲟⲩⲏⲣ ⲙⲛⲟⲩϯϩⲉ
12 ⲁϥϣⲓⲛⲉ ⲙ ⲁⲩⲱ ⲁϥϫⲓⲟⲩⲱ ⲛⲁϥ ϩⲛⲛⲉⲩϭⲉⲣⲟⲟⲃ ϫⲉⲁⲩⲡⲗⲁⲛⲁ ϩⲛⲟⲩⲡⲛⲉⲩⲙⲁ ⲙⲡⲟⲣⲛⲉⲓⲁ ⲁⲩⲱ ⲁⲩⲡⲟⲣ ⲁⲩⲕⲁⲡⲛⲟⲩⲧⲉ ⲛⲥⲱⲟⲩ
13 ⲁⲩⲧⲁⲗⲉⲑⲩⲥⲓⲁ ⲉϩⲣⲁⲓ ϩⲓϫⲛⲛⲕⲟⲟϩ ⲛⲛⲧⲟⲟⲩ ⲁⲩⲱ ⲁⲩϯϣⲟⲩϩⲏⲛⲉ ⲉϩⲣⲁⲓ ϩⲓϫⲛⲛⲃⲟⲩⲛⲟⲥ ϩⲁⲟⲩⲥⲉⲓ ⲙⲛⲟⲩⲗⲉⲩⲕⲏ ⲙⲛⲟⲩϣⲏⲛ ⲉϥⲣϩⲁⲓⲃⲉⲥ ϫⲉⲛⲁⲛⲟⲩⲧⲉϥϩⲁⲓⲃⲉⲥ ⲉⲧⲃⲉⲡⲁⲓ ⲥⲉⲛⲁⲡⲟⲣⲛⲉⲩⲉ ⲛϭⲓⲛⲉⲧⲛϣⲉⲉⲣⲉ ⲁⲩⲱ ⲛⲉⲧⲛϣⲉⲗⲉⲉⲧ ⲥⲉⲛⲁⲣⲙⲛⲧⲛⲟⲉⲓⲕ
14 ⲁⲩⲱ ϯⲛⲁϭⲙⲡϣⲓⲛⲉ ⲁⲛ ⲛⲛⲉⲧⲛϣⲉⲉⲣⲉ ⲉⲩϣⲁⲛⲡⲟⲣⲛⲉⲩⲉ ⲁⲩⲱ ⲛⲉⲧⲛϣⲉⲗⲉⲉⲧ ⲉⲩϣⲁⲛⲣⲙⲛⲧⲛⲟⲉⲓⲕ ϫⲉⲛⲧⲟⲟⲩ ⲁⲩⲧⲱϩ ⲙⲛⲙⲡⲟⲣⲛⲟⲥ ⲁⲩⲱ ⲁⲩϯϩⲏⲛⲉ ⲉϩⲣⲁⲓ ⲛⲛⲉⲧⲥⲟⲟϥ ⲁⲩⲱ ⲡⲗⲁⲟⲥ ⲉⲧⲉⲟⲩⲛⲥⲟⲟⲩⲛ ⲛϩⲏⲧϥ ⲁϥϭⲗⲟⲙⲗⲙ ⲉⲩⲡⲟⲣⲛⲏ
15 ⲛⲧⲟⲕ ⲇⲉ ⲡⲓⲥⲣⲁⲏⲗ ⲙⲡⲣⲁⲧⲥⲟⲟⲩⲛ ⲁⲩⲱ ⲓⲟⲩⲇⲁ ⲙⲡⲣⲃⲱⲕ ⲉϩⲟⲩⲛ ⲉⲅⲁⲗⲅⲁⲗⲁ ⲟⲩⲇⲉ ⲙⲡⲣⲃⲱⲕ ⲉϩⲣⲁⲓ ⲉⲡⲏⲓ ⲙⲡϫⲓⲛϭⲟⲛⲥ ⲁⲩⲱ ⲙⲡⲣⲱⲣⲕ ⲙⲡϫⲟⲉⲓⲥ ⲉⲧⲟⲛϩ
16 ϫⲉ ⲛⲧϩⲉ ⲛⲟⲩⲃⲁϩⲥⲉ ⲉ ⲧⲁⲓ ⲧⲉ ⲧ ⲉⲛⲧⲁⲡⲓⲥⲣⲁⲏⲗ ⲛⲟⲩϣⲡ ⲧⲉⲛⲟⲩ ϥⲛⲁⲙⲟⲟⲛⲉ ⲙⲙⲟⲟⲩ ⲛϭⲓⲡϫⲟⲉⲓⲥ ⲛⲧϩⲉ ⲛⲟⲩϩⲓⲉⲓⲃ ϩⲛⲟⲩⲙⲁ ⲉϥⲟⲩⲟϣⲥ ⲉⲃⲟⲗ
17 ⲉⲫⲣⲁⲓⲙ ⲁϥⲱⲡ ⲉⲛⲉⲓⲁϥⲕⲱ ⲛⲁϥ ⲉϩⲣⲁⲓ ⲛϩⲉⲛⲥⲕⲁⲛⲇⲁⲗ
18 ⲁϥϩ ⲉⲛⲉⲭⲁⲛⲁⲛⲁⲓⲟⲥ ϩⲛⲟⲩⲡⲟⲣⲛⲉⲓⲁ ⲁⲩⲡⲟⲣ ⲉⲧⲃⲏⲏⲧⲁⲩⲙⲉⲣⲉⲡⲥⲱϣ ⲉⲃⲟ ϩⲙⲡⲉϥϣⲟⲩϣⲟⲩ
19 ⲟⲩⲛⲟⲩϩⲁⲧⲏⲩ ⲛⲁⲱϣ ⲉⲃⲟⲗ ϩⲛⲛⲉϥⲧⲛϩ ⲁⲩⲱ ⲥⲉⲛⲁϫⲓϣⲓⲡⲉ ⲉⲃⲟⲗ ϩⲛⲛⲉⲩⲑⲩⲥⲓⲁ
Hosea 3 · Hosea 5 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)