Hosea 10 — Coptic (Sahidic)

1 ...

2 ⲁⲩⲡⲱϣ ⲛⲛⲉⲩϩⲏⲧ ⲧⲉⲛⲟⲩ ⲥⲉⲛⲁⲧⲁⲕⲟ ⲛⲧⲟϥ ϥⲛⲁϣⲣϣⲣⲛⲉⲩⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲛⲉⲩⲥⲧⲏⲗⲏ ⲥⲉⲛⲁⲑⲃⲃⲓⲟ

3 ⲉⲃⲟⲗ ϫⲉⲧⲉⲛⲟⲩ ⲥⲉⲛⲁϫⲟⲟⲥ ϫⲉⲙⲛⲣⲣⲟ ϣⲟⲟⲡ ⲛⲁⲛ ⲉⲃⲟⲗ ϫⲉⲙⲡⲉⲛⲉⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲣⲣⲟ ⲇⲉ ⲟⲩ ⲡⲉⲧⲛⲁⲁϥ ⲛⲁⲛ

4 ⲉⲓⲙⲏⲧⲓ ⲛϥϫⲱ ⲛϩⲉⲛϣⲁϫⲉ ⲛⲗⲟⲓϭⲉ ⲛϭⲟⲗ ϥⲛⲁⲥⲙⲓⲛⲉ ⲛⲟⲩⲇⲓⲁⲑⲏⲕⲉ ⲁⲩⲱ ⲛⲧϩⲉ ⲛⲟⲩⲛⲧⲏϭ ⲉϥϩⲛⲟⲩⲥⲱϣⲉ ⲉⲥⲕⲏ ⲉⲡϣⲱⲛ ⲧⲁⲓ ⲧⲉ ⲧϩⲉ ⲉⲧⲉϥⲛⲁϯⲟⲩⲱ ⲛϭⲓⲡϩⲁⲡ

5 ⲉϫⲙⲡⲙⲁⲥⲉ ⲙⲡⲏⲓ ⲛⲱⲛ ⲥⲉⲛⲁⲣⲣⲙⲛϭⲟⲓⲗⲉ ⲛϭⲓⲛⲉⲧⲟⲩⲏϩ ϩⲛⲧⲥⲁⲙⲁⲣⲓⲁ ϫⲉⲁⲡⲉϥⲗⲁⲟⲥ ⲣϩⲏⲃⲉ ⲉϩⲣⲁⲓ ⲉϫⲱϥ ⲁⲩⲱ ⲕⲁⲧⲁⲧϩⲉ ⲛⲧⲁⲩϯⲛⲟⲩϭⲥ ⲛⲁϥ ⲥⲉⲛⲁⲣⲁϣⲉ ⲉϩⲣⲁⲓ ⲉϫⲙⲡⲉϥⲉⲟⲟⲩ ϫⲉⲁⲩⲡⲟⲟⲛϥ ⲉⲃⲟⲗ ⲙⲙⲟϥ

6 ⲁⲩⲱ ⲛⲧⲟϥ ⲛⲧⲉⲣⲟⲩⲥⲟⲛϩϥ ⲁⲩϫⲓⲧϥ ⲉⲛⲁⲥⲥⲏⲣⲓⲟⲥ ⲛⲧⲁⲉⲓⲟ ⲙⲡⲣⲣⲟ ⲓⲁⲣⲓⲙ ⲉⲫⲣⲁⲓⲙ ⲛⲁϫⲓⲧϥ ϩⲛⲟⲩⲧⲁⲉⲓⲟ ⲡⲓⲥⲣⲁⲏⲗ ⲛⲁϫⲓ ϣⲓⲡⲉ ϩⲙⲡⲉϥϣⲟϫⲛⲉ

7 ⲁⲧⲥⲁⲙⲁⲣⲓⲁ ⲛⲟⲩϫⲉ ⲉⲃⲟⲗ ⲙⲡⲉⲥⲣⲣⲟ ⲛⲧϩⲉ ⲛⲟⲩϭⲗⲙ ⲉϥϩⲓϩⲣⲁϥ ⲙⲡⲙⲟⲟⲩ

8 ⲁⲩⲱ ⲥⲉⲛⲁϥⲓ ⲙⲙⲁⲩ ⲛⲛϣⲏⲩⲉ ⲙⲡϫⲓⲛϭⲟⲛⲥ ⲛⲉⲛⲛⲟⲃⲉ ⲙⲡⲓⲥⲣⲁⲏⲗ ⲟⲩⲛϩⲉⲛϣⲟⲛⲧⲉ ⲙⲛϩⲉⲛⲁⲣⲟⲟⲩⲉ ⲛⲏⲩ ⲉϩⲣⲁⲓ ⲉϫⲛⲛⲉⲩⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲥⲉⲛⲁϫⲟⲟⲥ ⲛⲛⲧⲟⲩⲓⲏ ϫⲉϩⲟⲃⲥⲛ ⲁⲩⲱ ⲛⲃⲟⲩⲛⲟⲥ ϫⲉϩⲉ ⲉϩⲣⲁⲓ ⲉϫⲱⲛ

9 ϫⲓⲛⲧⲁⲛⲃⲟⲩⲛⲟⲥ ⲁϩⲉⲣⲁⲧⲟⲩ ϩⲙⲡⲙⲁ ⲉⲧⲙⲙⲁⲩ ⲁⲡⲓⲥⲣⲁⲏⲗ ⲣⲛⲟⲃⲉ ⲛϥⲛⲁⲧⲁϩⲟⲟⲩ ⲁⲛ ϩⲙⲡⲃⲟⲩⲛⲟⲥ ⲟⲩⲛⲟⲩⲡⲟⲗⲉⲙⲟⲥ ϩⲓϫⲛⲛϣⲏⲣⲉ ⲙⲡϫⲓⲛϭⲟⲛⲥ

10 ϩⲙⲡⲧⲣⲉⲩϫⲓⲛϭⲟⲛⲥ ⲁⲩⲱ ϯⲛⲁϯⲥⲃⲱ ⲛⲁⲩ ⲟⲩⲛϩⲉⲛⲗⲁⲟⲥ ⲛⲁⲥⲱⲟⲩϩ ⲉϩⲟⲩⲛ ⲉⲣⲟⲟⲩ ϩⲙⲡⲧⲣⲉⲩϯⲥⲃⲱ ⲛⲁⲩ ϩⲙⲡⲉⲩϫⲓⲛϭⲟⲛⲥ ⲥⲛⲁⲩ

11 ...

12 ...

13 ...

14 ...