Habakkuk 1 — Coptic (Sahidic)

1 ⲡⲗⲏⲙⲁ ⲛϥⲛ ⲉⲣⲟϥ ⲛϭ ⲁⲙⲃⲕⲟⲩⲙ ⲡⲉⲡⲣⲫⲏⲧⲏⲥ

2 ϣⲁⲧⲛⲁⲩ ⲡϫⲟⲉⲓⲥ ⲉⲓⲛⲁϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲛⲅⲧⲙⲥⲱⲧⲙ ⲉⲣⲟⲓ ⲁⲩⲱ ⲉⲓⲛⲁⲱϣ ⲉϩⲣⲁⲓ ⲉⲣⲟⲕ ⲉⲓϫⲏⲩ ⲛϭⲟⲛⲥ ⲛⲅⲧⲙⲛⲁϩⲙⲛⲧ

3 ⲉⲧⲃⲉⲟⲩ ⲁⲕⲧⲥⲁⲃⲟⲓ ⲉϩⲉⲛϩⲓⲥⲉ ⲙⲛϩⲉⲛⲙⲟⲕϩⲥ ⲉⲧⲣⲁϭⲱϣⲧ ⲉϫⲛⲟⲩⲧⲁⲗⲁⲓⲡⲱⲣⲓⲁ ⲙⲛⲟⲩⲁⲥⲉⲃⲉⲓⲁ ⲁⲩⲕⲣⲓⲥⲓⲥ ϣⲱⲡⲉ ⲙⲡⲁⲙⲧⲟ ⲉⲃⲟⲗ ⲁⲩⲱ ⲡⲉⲕⲣⲓⲧⲏⲥ ϥϫⲓ

4 ⲉⲧⲃⲉⲡⲁⲓ ⲁⲩⲛϫⲡⲛⲟⲙⲟⲥ ⲉⲃⲟⲗ ⲁⲩⲱ ⲙⲡⲟⲩϯϩⲁⲡ ⲉϥⲥⲟⲩⲧⲱⲛ ⲉⲃⲟⲗ ϫⲉⲡⲁⲥⲉⲃⲏⲥ ϥϫⲓⲛϭⲟⲛⲥ ⲙⲡⲇⲓⲕⲁⲓⲟⲥ ⲉⲧⲃⲉⲡⲁⲓ ⲡϩⲁⲡ ⲛⲁⲉⲓ ⲉⲃⲟⲗ ⲉϥϭⲟⲟⲙⲉ

5 ⲁⲛⲁⲩ ⲛⲉⲧⲕⲁⲧⲁⲫⲣⲟⲛⲉⲓ ⲛⲧⲉⲧⲛϯϩⲧⲏⲧⲛ ⲛⲧⲉⲧⲛⲛⲁⲩ ⲉϩⲉⲛϣⲡⲏⲣⲉ ⲛⲧⲉⲧⲛⲧⲁⲕⲟ ϫⲉⲟⲩϩⲱⲃ ⲁⲛⲟⲕ ϯⲛⲁⲉⲓⲣⲉ ⲙⲙⲟϥ ϩⲛⲛⲉⲧⲛϩⲟⲟⲩ ⲡⲁⲓ ⲛⲧⲉⲧⲛⲁⲡⲓⲥⲧⲉⲩⲉ ⲁⲛ ⲉⲣⲟϥ ⲉⲣϣⲁⲛⲟⲩⲁ ⲧⲁⲟⲩⲟϥ ⲉⲣⲱⲧⲛ

6 ϫⲉⲉⲓⲥⲧⲉ ⲁⲛⲟⲕ ϯⲛⲁⲧⲟⲩⲛⲟⲥ ⲉϫⲱⲧⲛ ⲛⲛⲉⲭⲁⲗⲇⲁⲓⲟⲥ ⲛⲣⲉϥⲙⲓϣⲉ ⲡϩⲉⲑⲛⲟⲥ ⲉⲧⲥⲁϣⲉ ⲁⲩⲱ ⲉⲧⲁⲥⲱⲟⲩ ⲡⲉⲧⲙⲟⲟϣⲉ ⲉϫⲛⲛⲧⲟϣ ⲙⲡⲕⲁϩ ⲉⲕⲗⲏⲣⲟⲛⲟⲙⲉⲓ ⲛϩⲉⲛⲙⲁ ⲛϣⲱⲡⲉ ⲛⲛⲟⲩϥ ⲁⲛ ⲛⲉ

7 ⲟⲩϩⲟⲧⲉ ⲡⲉ ⲉϥⲟ ⲛⲥⲟⲉⲓⲧ ⲉⲣⲉⲡⲉϥϩⲁⲡ ⲛⲁϣⲱⲡⲉ ⲉⲃⲟⲗ ⲛϩⲏⲧϥ ⲁⲩⲱ ⲡⲉϥⲗⲏⲙⲙⲁ ⲛⲁⲉⲓ ⲉⲃⲟⲗ ⲙⲙⲟϥ

8 ⲛⲉϥϩⲧⲱⲱⲣ ⲥⲉⲛⲁϯ ⲙⲡⲉⲩⲟⲩⲟⲓ ⲉⲩⲁⲥⲱⲟⲩ ⲛϩⲟⲩⲉ ⲉϩⲉⲛⲡⲁⲣⲇⲁⲗⲓⲥ ⲁⲩⲱ ⲛⲉϥϩⲓⲡⲡⲉⲩⲥ ⲥⲉⲁⲥⲱⲟⲩ ⲛϩⲟⲩⲉ ⲉϩⲉⲛⲟⲩⲱⲛϣ ⲛⲧⲉⲧⲁⲣⲁⲃⲓⲁ ⲥⲉⲛⲁϫⲟⲛⲧⲟⲩ ϩⲛⲛⲉⲩϩⲧⲱⲱⲣ ⲛϭⲓⲛⲉⲩϩⲓⲡⲡⲏⲩⲥ ⲁⲩⲱ ⲥⲉⲛⲁϯ ⲙⲡⲉⲩⲟⲩⲟⲓ ⲉⲡⲟⲩⲉ ⲛⲥⲉϩⲱⲗ ⲛⲧϩⲉ ⲛⲟⲩⲁⲓⲧⲟⲥ ⲉϥⲥⲃⲧⲱⲧ ⲉⲟⲩⲱⲙ

9 ⲟⲩⲛⲟⲩⲥⲩⲛⲧⲉⲗⲉⲓⲁ ⲛⲁⲉⲓ ⲉϫⲛⲛⲁⲥⲉⲃⲏⲥ ⲉⲩϯⲟⲩⲃⲏⲩ ⲙⲡⲉⲩⲙⲧⲟ ⲉⲃⲟⲗ ⲁⲩⲱ ϥⲛⲁⲥⲱⲟⲩϩ ⲉϩⲟⲩⲛ ⲛⲟⲩⲁⲓⲭⲙⲁⲗⲱⲥⲓⲁ ⲛⲧϩⲉ ⲙⲡϣⲱ

10 ⲁⲩⲱ ⲛⲧⲟϥ ϥⲛⲁⲧⲣⲩⲫⲁ ϩⲛϩⲉⲛⲣⲣⲱⲟⲩ ⲛϥϫⲓ ⲛϩⲣⲁϥ ϩⲛϩⲉⲛⲧⲩⲣⲁⲛⲛⲟⲥ ⲁⲩⲱ ϥⲛⲁⲥⲱⲃⲉ ⲛⲥⲁⲙⲁ ⲛⲓⲙ ⲉⲧⲟⲣϫ ⲛϥⲛϫⲧⲏⲛⲉ ⲉⲣⲟⲟⲩ ⲛϥϭⲱ ϩⲓⲣⲱⲟⲩ

11 ⲧⲟⲧⲉ ⲡⲉϥⲡⲛⲉⲩⲙⲁ ⲛⲁⲕⲧⲟϥ ⲛϥⲙⲟⲟϣⲉ ⲛϥⲕⲱ ⲉⲃⲟⲗ

12 ...

13 ⲡⲃⲁⲗ ⲧⲃⲃⲏⲩ ⲉⲧⲙⲛⲁⲩ ⲉϩⲉⲛⲡⲟⲛⲏⲣⲟⲛ ⲁⲩⲱ ⲉϭⲱϣⲧ ⲉϫⲛⲟⲩϩⲓⲥⲉ ⲙⲛⲟⲩⲙⲕⲁϩ ⲛϩⲏⲧ ⲉⲧⲃⲉⲟⲩ ⲉⲕϭⲱϣⲧ ⲉϫⲛⲛⲉⲧⲕⲁⲧⲁⲫⲣⲟⲛⲉⲓ ⲉⲕⲛⲁⲕⲁⲣⲱⲕ ϩⲙⲡⲧⲣⲉⲡⲁⲥⲉⲃⲏⲥ ⲟⲩⲱⲙⲕ ⲙⲡⲇⲓⲕⲁⲓⲟⲥ

14 ⲁⲩⲱ ϥⲛⲁⲉⲓⲣⲉ ⲛⲛⲣⲱⲙⲉ ...

15 ...

16 ...