Read Genesis 5 side by side with translations · The Final Bible
1 ⲡⲁⲓ ⲡⲉ ⲡϫⲱⲱⲙⲉ ⲙⲡⲧⲁⲙⲓⲟ ⲙⲡⲣⲱⲙⲉ ϩⲙⲡⲉϩⲟⲟⲩ ⲛⲧⲁⲡⲛⲟⲩⲧⲉ ⲧⲁⲙⲓⲟ ⲛⲁⲇⲁⲙ ⲕⲁⲧⲁⲧϩⲓⲕⲱⲛ ⲙⲡⲛⲟⲩⲧⲉ ⲁϥⲡⲗⲁⲥⲥⲉ ⲙⲙⲟϥ
2 ⲟⲩϩⲟⲟⲩⲧ ⲙⲛⲟⲩⲥϩⲓⲙⲉ ⲁϥⲧⲁⲙⲓⲟⲟⲩ ⲁϥⲥⲙⲟⲩ ⲉⲣⲟⲟⲩ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉⲁⲇⲁⲙ ⲙⲡⲉϩⲟⲟⲩ ⲛⲧⲁϥⲧⲁⲙⲓⲟⲟⲩ
3 ⲁⲁⲇⲁⲙ ⲇⲉ ⲱⲛϩ ⲛϣⲏⲧⲙⲁⲁⲃ ⲛⲣⲟⲙⲡⲉ ⲁϥϫⲡⲟ ⲕⲁⲧⲁⲡⲉϥⲉⲓⲛⲉ ⲙⲛⲧⲉϥϩⲓⲕⲱⲛ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉⲥⲏⲧ
4 ⲁⲩϣⲱⲡⲉ ⲇⲉ ⲛϭⲓⲛⲉϩⲟⲟⲩ ⲛⲁⲇⲁⲙ ⲛⲧⲁϥⲱⲛϩ ⲙⲙⲁⲩ ⲙⲛⲛⲥⲁⲧⲣⲉϥϫⲡⲟ ⲛⲥⲏⲑ ⲥⲁϣϥⲉ ⲛϣⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
5 ⲁⲩϣⲱⲡⲉ ⲇⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲁⲇⲁⲙ ⲛⲧⲁϥⲱⲛϩ ⲙⲙⲟⲟⲩ ⲯⲓⲥ ⲛϣⲉⲙⲁⲁⲃⲉ ⲛⲣⲟⲙⲡⲉ ⲁϥⲙⲟⲩ
6 ⲁⲥⲏⲑ ⲇⲉ ⲱⲛϩ ⲛϣⲏⲧϯ ⲛⲣⲟⲙⲡⲉ ⲁϥϫⲡⲟ ⲛⲉⲛⲱⲥ
7 ⲁϥⲱⲛϩ ⲇⲉ ⲛϭⲓⲥⲏⲑ ⲙⲛⲛⲥⲁⲉⲧⲣⲉϥϫⲡⲟ ⲛⲉⲛⲱⲥ ⲛⲥⲁϣⲃⲉ ⲛϣⲉⲥⲁϣⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
8 ⲁⲩϣⲱⲡⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲥⲏⲑ ⲛⲧⲁϥⲱⲛϩ ⲙⲙⲁⲩ ⲯⲓⲥⲉ ⲛϣⲉ ⲙⲛⲧⲥⲛⲟⲟⲩⲥⲉ ⲛⲣⲟⲙⲡⲉ ⲁϥⲙⲟⲩ
9 ⲁϥⲱⲛϩ ⲛϭⲓⲉⲛⲱⲥ ⲛϣⲉ ⲡⲥⲧⲁⲓⲟⲩ ⲛⲣⲟⲙⲡⲉ ⲁϥϫⲡⲟ ⲛⲕⲁⲓⲛⲁⲛ
10 ⲁϥⲱⲛϩ ⲛϭⲓⲉⲛⲱⲥ ⲙⲛⲛⲥⲁⲉⲧⲣⲉϥϫⲡⲟ ⲛⲕⲁⲓⲛⲁⲛ ⲛⲥⲁϣϥⲉ ⲛϣⲉ ⲙⲛⲧⲏ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
11 ⲁⲩϣⲱⲡⲉ ⲇⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲉⲛⲱⲥ ⲯⲓⲥⲉ ⲛϣⲉϯ ⲣⲟⲙⲡⲉ ⲁϥⲙⲟⲩ
12 ⲁϥⲱⲛϩ ⲛϭⲓⲕⲁⲓⲛⲁⲛ ⲛϣⲉϣⲃⲉ ⲛⲣⲟⲙⲡⲉ ⲁϥϫⲡⲟ ⲙⲙⲁⲗⲉⲗⲉⲏⲗ
13 ⲁϥⲱⲛϩ ⲛϭⲓⲕⲁⲓⲛⲁⲛ ⲙⲛⲛⲥⲁⲉⲧⲣⲉϥϫⲡⲟ ⲙⲙⲁⲗⲉⲗⲉⲏⲗ ⲛⲥⲁϣϥ ⲛϣⲉϩⲙⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
14 ⲁⲩϣⲱⲡⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲕⲁⲓⲛⲁⲛ ⲯⲓⲥ ⲛϣⲉⲙⲏⲧⲉ ⲛⲣⲟⲙⲡⲉ ⲁϥⲙⲟⲩ
15 ⲁϥⲱⲛϩ ⲛϭⲓⲙⲁⲗⲉⲗⲉⲏⲗ ⲛϣⲉ ⲥⲏⲧⲏ ⲛⲣⲟⲙⲡⲉ ⲁϥϫⲡⲟ ⲛⲓⲁⲣⲉⲑ
16 ⲁϥⲱⲛϩ ⲛϭⲓⲙⲁⲗⲉⲗⲉⲏⲗ ⲙⲛⲛⲥⲁⲉⲧⲣⲉϥϫⲡⲟ ⲛⲓⲁⲣⲉⲑ ⲛⲥⲁϣϥ ⲛϣⲉ ⲙⲁⲁⲃⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
17 ⲁⲩϣⲱⲡⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲙⲙⲁⲗⲉⲗⲉⲏⲗ ⲛⲧⲁϥⲱⲛϩ ⲙⲙⲟⲟⲩ ϣⲙⲟⲩⲛⲉ ⲛϣⲉ ⲡⲥⲧⲁⲓⲟⲩⲧⲏ ⲛⲣⲟⲙⲡⲉ ⲁϥⲙⲟⲩ
18 ⲁϥⲱⲛϩ ⲛϭⲓⲓⲁⲣⲉⲇ ⲛϣⲉ ⲥⲉⲥⲛⲟⲟⲩⲥⲉ ⲛⲣⲟⲙⲡⲉ ⲁϥϫⲡⲟ ⲛⲉⲛⲱⲭ
19 ⲁϥⲱⲛϩ ⲛϭⲓⲓⲁⲣⲉⲇ ⲙⲛⲛⲥⲁⲉⲧⲣⲉϥϫⲡⲟ ⲛⲉⲛⲱⲭ ⲛϣⲙⲟⲩⲛ ⲛϣⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
20 ⲁⲩϣⲱⲡⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲓⲁⲣⲉⲇ ⲯⲓⲥ ⲛϣⲉ ⲥⲉⲥⲛⲟⲟⲩⲥⲉ ⲛⲣⲟⲙⲡⲉ ⲁϥⲙⲟⲩ
21 ⲁϥⲱⲛϩ ⲛϭⲓⲉⲛⲱⲭ ⲛϣⲉ ⲥⲉⲧⲏ ⲛⲣⲟⲙⲡⲉ ⲁϥϫⲡⲟ ⲙⲙⲁⲑⲟⲩⲥⲁⲗⲁ
22 ⲁⲉⲛⲱⲭ ⲇⲉ ⲉⲣⲁⲛⲁϥ ⲙⲡⲛⲟⲩⲧⲉ ⲁϥⲱⲛϩ ⲇⲉ ⲛϭⲓⲉⲛⲱⲭ ⲙⲛⲛⲥⲁⲉⲧⲣⲉϥϫⲡⲟ ⲙⲙⲁⲑⲟⲩⲥⲁⲗⲁ ⲛϣⲏⲧ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
23 ⲁⲩϣⲱⲡⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲛⲉⲛⲱⲭ ϣⲙⲛⲧϣⲏ ⲥⲉⲧⲏ ⲛⲣⲟⲙⲡⲉ
24 ⲁⲉⲛⲱⲭ ⲇⲉ ⲉⲣⲁⲛⲁϥ ⲙⲡⲛⲟⲩⲧⲉ ⲁⲩⲱ ⲙⲡⲟⲩϩⲉ ⲉⲣⲟϥ ϫⲉⲁⲡⲛⲟⲩⲧⲉ ⲡⲟⲟⲛⲉϥ ⲉⲃⲟⲗ
25 ⲁϥⲱⲛϩ ⲛϭⲓⲙⲁⲑⲟⲩⲥⲁⲗⲁ ⲛϣⲉ ⲥⲉⲧⲏ ⲛⲣⲟⲙⲡⲉ ⲁϥϫⲡⲟ ⲛⲗⲁⲙⲉⲭ
26 ⲁϥⲱⲛϩ ⲛϭⲓⲙⲁⲑⲟⲩⲥⲁⲗⲁ ⲙⲛⲛⲥⲁⲉⲧⲣⲉϥϫⲡⲟ ⲛⲗⲁⲙⲉⲭ ⲛϣⲙⲟⲩⲛⲉ ⲛϣⲉⲥⲛⲧⲉ ⲛⲣⲟⲙⲡⲉ ⲁϥϫⲡⲟ ⲛϩⲉⲛϣⲏⲣⲉ ⲙⲛϩⲉⲛϣⲉⲉⲣⲉ
27 ⲁⲩϣⲱⲡⲉ ⲇⲉ ⲛϭⲓⲛⲉϩⲟⲟⲩ ⲧⲏⲣⲟⲩ ⲙⲙⲁⲑⲟⲩⲥⲁⲗⲁ ⲛⲧⲁϥⲱⲛϩ ⲙⲙⲁⲩ ⲯⲓⲥⲉ ⲛϣⲉ ⲥⲉⲯⲓⲥⲉ ⲛⲣⲟⲙⲡⲉ ⲁϥⲙⲟⲩ
28 ⲁϥⲱⲛϩ ⲛϭⲓⲗⲁⲙⲉⲭ ⲛϣⲉ ϩⲙⲉ ϣⲙⲏⲛⲉ ⲛⲣⲟⲙⲡⲉ ⲁϥϫⲡⲟ ⲛⲟⲩϣⲏⲣⲉ
29 ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉⲛⲱϩⲉ ⲉϥϫⲱ ⲙⲙⲟⲥ ϫⲉⲡⲁⲓ ⲛⲁϯ ⲙⲧⲟⲛ ⲛⲁⲛ ⲉⲃⲟⲗ ϩⲛⲛⲉⲛϩⲃⲏⲩⲉ
30 ...
31 ...
Genesis 4 · Genesis 6 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)