Genesis 27 — Coptic (Sahidic)

1 ⲁϥⲙⲟⲩⲧⲉ ⲉⲏⲥⲁⲩ ⲡⲉϥⲛⲟϭ ⲛϣⲏⲣⲉ ⲡⲉϫⲁϥ ϫⲉⲡⲁϣⲏⲣⲉ ⲡⲉϫⲁϥ ⲛⲁϥ ϫⲉⲉⲓⲥϩⲏⲏⲧⲉ ⲁⲛⲟⲕ

2 ⲡⲉ ⲛⲁϥ ⲛϭⲓⲓⲥⲁⲁⲕ ϫⲉⲉⲓⲥϩⲏⲏⲧⲉ ⲁⲛⲟⲕ ⲁⲓⲣϩⲗ ⲁⲩⲱ ⲛϯⲥⲟⲟⲩⲛ ⲁⲛ ⲙⲡⲉϩⲟⲟⲩ ⲙⲡⲁⲙⲟⲩ

3 ⲧⲉⲛⲟⲩ ϭⲉ ϫⲓ ⲙⲡⲉⲕϩⲛⲁ ⲡⲉⲕⲉⲛⲕⲁ ⲛϯⲥⲟ ⲙⲛⲧⲉⲕⲡⲓⲧⲉ ⲛⲅⲉⲃⲟⲗ ⲉⲧⲥⲱϣⲉ ⲛⲅϭⲱⲣϭ ⲛⲟⲩϭⲟⲣϭⲥ

4 ⲛⲅⲧⲁⲙⲓⲟ ⲛⲁⲓ ⲛⲛⲕⲁ ⲕⲁⲧⲁⲧϩⲉ ⲉϯ ⲛⲅⲉⲓⲛⲉ ⲛⲁⲓ ⲧⲁⲟⲩⲱⲙ ⲛⲧⲉⲧⲁⲯⲩ ⲥⲙⲟⲩ ⲉⲣⲟⲕ ...

21 ϫⲉϩⲱⲛ ⲉϩⲟⲩⲛ ⲛⲧⲁⲉⲣⲟⲕ ⲡⲁϣ ϫⲉⲉⲛⲉⲛⲧⲟⲕ ⲡⲉ ⲡⲁϣⲏⲣⲉ ⲏⲥⲁⲩ ϫⲛ ⲙⲙⲟⲛ

22 ⲁⲓⲁⲕⲱⲃ ⲇⲉ ϩⲱⲛ ⲉ ⲉⲓⲥⲁⲁⲕ ⲡⲉϥⲓ ⲁϥϭⲙϭⲟⲙ ⲉⲣⲟϥ ⲡⲉϫⲁϥ ϫⲉⲧⲉⲥⲙⲏ ⲙⲉⲛ ⲧⲉⲥⲙⲏ ⲛⲓⲁⲕⲱⲃ ⲧⲉ ⲛϭⲓϫ ⲇⲉ ⲛϭⲓϫ ⲛⲏⲥⲁⲩ ⲛ

23 ⲁⲩⲱ ⲙⲡϥⲥⲟⲩⲱⲛϥ ⲛⲉⲣⲉⲛⲉϥϭⲓϫ ⲅⲁⲣ ⲛⲧϩⲉ ⲛ ⲛⲏⲥⲁⲩ ⲡⲉϥⲥⲟⲛ ⲉⲧⲣⲏⲧ ⲛⲃⲱ ⲁⲩⲱ ⲁϥⲥⲙⲟⲩ ⲉⲣⲟϥ

24 ⲡⲉϫⲁϥ ⲛⲁϥ ϫⲉⲛⲛⲉⲛⲧⲟⲕ ⲡⲉ ⲡⲁϣⲏⲣⲉ ⲏⲥⲁⲩ ⲛⲧⲟϥ ⲇⲉ ⲡⲉϫⲁϥ ϫⲉⲁⲛⲟⲕ ⲡⲉ

25 ⲡⲉϫⲁϥ ⲛⲁϥ ϫⲉϩⲱⲛ ⲉϩⲟⲩⲛ ⲉⲣⲟⲓ ⲧⲁⲟⲩⲱⲙ ⲉⲃⲟⲗ ϩⲙⲡⲛⲧⲁⲕϭⲟⲡϥ ⲡⲁϣⲏⲣⲉ ϫⲉ ⲉⲣⲉⲧⲁⲯⲭ ⲥⲙⲟⲩ ⲉⲣⲟⲕ ⲁϥⲇⲉ ⲉϩⲟⲩⲛ ⲉⲣⲟϥ ...

27 ⲡⲉⲥⲧⲟⲓ ⲛⲛⲉϥϩⲟⲉ ⲁϥⲥⲙⲟⲩ ⲉⲣⲟϥ ⲡⲉϫⲁϥ ⲛⲁϥ ϫⲉⲉⲓⲥϩⲏⲏⲧⲉ ⲡⲉⲥⲧⲟⲓ ⲙⲡⲁϣⲏⲣⲉ ⲉϥⲟ ⲛⲧϩⲉ ⲙⲡⲉⲥⲧⲟⲓ ⲛⲧⲥⲱϣⲉ ⲉⲧϫⲏⲕ ⲉⲃⲟⲗ ⲧⲁⲓ ⲛⲧⲁⲡϫⲟⲉⲓⲥ ⲥⲙⲟⲩ ⲉⲣⲟⲥ

28 ⲉⲣⲉⲡⲛⲟⲩⲧⲉ ϯ ⲛⲁⲕ ⲉⲃⲟⲗ ϩⲛϯⲱⲧⲉ ⲛⲧⲡⲉ ⲁⲩⲱ ⲉⲃⲟⲗ ϩⲙⲡⲱⲱⲧ ⲙⲡⲕⲁϩ ⲛⲟⲩⲁϣⲏ ⲛⲥⲟⲩⲟ ϩⲓⲏ

29 ⲛⲥⲉⲣϩⲙϩⲁⲗ ⲛⲁⲕ ⲛϭⲓⲛϩⲉⲑⲛⲟⲥ ⲁⲩⲱ ⲛ ⲛⲁⲕ ⲛϭⲓⲛⲁⲣⲭⲱⲛ ⲁⲩⲱ ⲉⲕⲉⲣϫⲟⲉⲓⲥ ⲉⲡⲉⲕⲥⲟⲛ ⲛⲥⲉⲟⲩⲱϣⲧ ⲛⲁⲕ ⲛϭⲓⲛϣⲏⲣⲉ ⲙⲡⲉⲕⲉ ϥⲥϩⲟⲩⲟⲣⲧ ⲛϭⲓⲡⲉⲧⲛⲁⲥⲁϩⲟⲩ ⲙⲙⲟⲕ ⲁⲩⲱ ϥⲥⲙⲁⲙⲁⲁⲧ ⲛϭⲓⲡⲉⲧⲛⲁⲥⲙⲟⲩ ⲉⲣⲟⲕ

30 ⲁⲥϣⲱⲡⲉ ⲇⲉ ⲛⲧⲉⲣⲉϥⲟⲩⲱ ⲛϭⲓⲓⲥⲁⲁⲕ ⲉϥⲥⲙⲟⲩ ⲉⲓⲁⲕⲱⲃ ⲡⲉϥϣⲏⲣⲉ ⲁⲩⲱ ⲁⲡⲉ ⲛⲧⲉⲛⲛⲧⲣⲉⲱⲃ ⲉⲓ ⲉⲃⲟⲗ ⲡⲉϥⲧ ⲁⲩⲱ ⲏⲥⲁⲩ ⲡⲉϥⲛ ⲁϥⲉⲓ ...

31 ⲡⲉϫⲁϥ ⲙⲓⲱⲧ ϫⲉⲙⲁⲣⲉⲡⲁⲉⲓⲱⲧ ⲧⲱⲟⲩⲛ ⲛϥⲟⲩⲱⲙ ⲉⲃⲟⲗ ϩⲙⲡϭⲱⲣϭ ⲙⲡⲉϥϣⲏⲣⲉ ϫⲉⲉⲣⲉⲧⲉⲕⲯⲩⲭⲏ ⲥⲙⲟⲩ ⲉⲣⲟⲓ

32 ⲡⲉϫⲁϥ ⲛⲁϥ ⲛϭⲓⲓⲥⲁⲁⲕ ⲡⲉϥⲉⲓⲱⲧ ϫⲉⲛⲧⲕ ⲛⲓⲙ ⲛⲧⲟⲕ ⲛⲧⲟϥ ⲇⲉ ⲡⲉϫⲁϥ ⲛⲁϥ ϫⲉⲁⲛⲟⲕ ⲡⲉ ⲡⲉⲕ ⲡⲉⲕϣⲟⲣⲡ ⲏⲥⲁⲩ

33 ⲓⲥⲁⲁⲕ ⲁϥⲡⲱϣⲥ ϩⲛⲟⲩⲛⲟϭ ⲙⲡⲱϣⲥ ⲉⲙⲁⲧⲉ ⲁⲩⲱ ⲡⲉϫⲁϥ ϫⲉⲛⲓⲙ ⲟⲩⲛ ⲁϥϭⲱⲣϭ ⲛⲟⲩϭⲟⲣϭⲥ ⲁϥⲛⲧⲥ ⲛⲁⲓ ⲉϩⲟⲩⲛ ⲁⲓⲟⲩⲱⲙ ⲉⲃⲟⲗ ⲛϩⲏⲧⲟⲩ ⲙⲡⲁⲧⲕⲉⲓ ⲁⲓⲥⲙⲟⲩ ⲉⲣⲟϥ ⲁⲩⲱ ⲉϥⲉϣⲱⲡⲉ ⲉϥⲥⲙⲁⲙⲁⲁⲧ

34 ⲁⲥϣⲱⲡⲉ ⲇⲉ ⲛⲧⲉⲣⲉⲏⲥⲁⲩ ⲥⲱⲧⲙ ⲉⲛϣⲁϫⲉ ⲛⲓⲥⲁⲁⲕ ⲡⲉϥⲉⲓⲱⲧ ⲁϥϥⲓ ⲉⲃⲟⲗ ϩⲛⲟⲩⲛⲟϭ ⲛⲥⲙⲏ ⲉⲥⲥⲁϣⲉ ⲉⲙⲁⲧⲉ ⲡⲉϫⲁϥ ϫⲉⲥⲙⲟⲩ ϩⲱⲱⲧ ⲟⲛ ⲉⲣⲟⲓ ⲡⲁⲉⲓⲱⲧ

35 ⲡⲉϫⲁϥ ⲇⲉ ⲛⲁϥ ϫⲉⲁⲡⲉⲕⲥⲟⲛ ⲉⲓ ϩⲛⲟⲩⲕⲣⲟϥ ⲁϥϫⲓ ⲙⲡⲉⲕⲥⲙⲟⲩ

36 ⲡⲉϫⲁϥ ⲇⲉ ϫⲉⲇⲓⲕⲁⲓⲟⲥ ⲁⲩⲙⲟⲩⲧⲉ ⲉⲡⲉϥⲣⲁⲛ ϫⲉⲓⲁⲕⲱⲃ ⲁϥϫⲓϯⲃⲥ ⲅⲁⲣ ⲙⲙⲟⲓ ⲙⲡⲙⲉϩⲥⲡⲥⲛⲁⲩ ⲛⲁⲙⲛⲧϣⲟⲣⲡⲙⲓⲥⲉ ⲁϥϫⲓⲧⲟⲩ ⲧⲉⲛⲟⲩ ⲟⲛ ⲁϥϫⲓ ⲙⲡⲁⲧⲕⲉⲥⲙⲟⲩ ⲡⲁⲉⲓⲱⲧ

37 ⲓⲥⲁⲁⲕ ⲁϥⲟⲩⲱϣⲃ ⲡⲉϫⲁϥ ⲛⲏⲥⲁⲩ ϫⲉⲉϣϫⲉ ⲁⲓⲁⲁϥ ⲛϫⲟⲉⲓⲥ ⲉⲣⲟⲕ ⲁⲩⲱ ⲛⲉϥⲥⲛⲏⲩ ⲧⲏⲣⲟⲩ ⲁⲓⲁⲁⲩ ⲛⲁϥ ⲛϩⲙϩⲁⲗ ⲁⲓⲧⲁϫⲣⲟϥ ϩⲙⲡⲉⲥⲟⲩⲟ ⲙⲛⲡⲏⲣⲡ ⲉⲓⲛⲁⲣⲟⲩ ⲛⲁⲕ ⲡⲁϣⲏⲣⲉ

38 ⲡⲉϫⲁϥ ⲇⲉ ⲛϭⲓⲏⲥⲁⲩ ⲛⲓⲥⲁⲁⲕ ⲡⲉϥⲉⲓⲱⲧ ϫⲉⲏ ⲟⲩⲛⲟⲩⲥⲙⲟⲩ ⲡⲉⲧϣⲟⲟⲡ ⲛⲁⲓ ⲡⲁⲉⲓⲱⲧ ⲥⲙⲟⲩ ϩⲱⲱⲧ ⲟⲛ ⲉⲣⲟⲓ ⲡⲁⲉⲓⲱⲧ ⲛⲧⲉⲣⲉⲓⲥⲁⲁⲕ ⲇⲉ ⲙⲕⲁϩ ⲛϩⲏⲧ ⲁⲏⲥⲁⲩ ϥⲓϩⲣⲁϥ ⲉⲃⲟⲗ ϩⲛⲟⲩⲛⲟϭ ⲛⲥⲙⲏ ⲁϥⲣⲓⲙⲉ

39 ⲁϥⲟⲩⲱϣⲃ ⲇⲉ ⲛϭⲓⲓⲥⲁⲁⲕ ⲡⲉϥⲉⲓⲱⲧ ⲡⲉϫⲁϥ ⲛⲁϥ ϫⲉⲉⲓⲥϩⲏⲏⲧⲉ ⲉⲣⲉⲡⲉⲕⲙⲁ ⲛⲱⲛϩ ϣⲱⲡⲉ ⲉⲃⲟⲗ ϩⲙⲡⲕⲛⲛⲉ ⲙⲡⲕⲁϩ ⲁⲩⲱ ⲉⲃⲟⲗ ϩⲛϯⲱⲧⲉ ⲛⲧⲡⲉ ϩⲓⲧⲡⲉ

40 ⲛⲅⲱⲛϩ ⲉⲧⲉⲕⲥⲏⲃⲉ ⲛⲅⲣϩⲙϩⲁⲗ ⲙⲡⲉⲕⲥⲟⲛ ⲉⲥⲉϣⲱⲡⲉ ⲉⲕϣⲁⲛⲟⲩⲱϩ ⲛⲁⲕ ⲁⲩⲱ ⲛⲅⲃⲱⲗ ⲉⲃⲟⲗ ⲙⲡⲉϥⲛⲁϩⲃⲉϥ ϩⲓϫⲙⲡⲉⲕⲙⲁⲕϩ

41 ⲏⲥⲁⲩ ⲇⲉ ⲛⲉϥϭⲟⲛⲧ ⲉⲓⲁⲕⲱⲃ ⲉⲧⲃⲉⲡⲉⲥⲙⲟⲩ ⲛⲧⲁⲡⲉϥⲉⲓⲱⲧ ⲥⲙⲟⲩ ⲉⲣⲟϥ ⲛϩⲏⲧϥ ⲡⲉϫⲉⲏⲥⲁⲩ ⲇⲉ ϩⲙⲡⲉϥϩⲏⲧ ϫⲉⲙⲁⲣⲟⲩϩⲱⲛ ⲉϩⲟⲩⲛ ⲛϭⲓⲛⲉϩⲟⲟⲩ ⲙⲡⲙⲟⲩ ⲙⲡⲁⲉⲓⲱⲧ ϫⲉⲉⲓⲉⲙⲟⲩⲟⲩⲧ ⲛⲓⲁⲕⲱⲃ ⲡⲁⲥⲟⲛ

42 ⲁⲩⲧⲁⲙⲉϩⲣⲉⲃⲉⲕⲕⲁ ⲉⲡϣⲁϫⲉ ⲛⲏⲥⲁⲩ ⲡⲉⲥⲛⲟϭ ⲛϣⲏⲣⲉ ⲁⲥϫⲟⲟⲩ ⲁ ⲉⲓⲁⲕⲱⲃ ⲡⲉⲥ ⲛϣⲏⲣⲉ ⲡⲉϫⲁⲥ ⲛⲁϥ ϫⲉⲉⲓⲥⲏⲥⲁⲩ ⲡⲉⲕⲥⲟⲛ ⲛⲟⲩϭⲥ ⲉⲣⲟⲕ ⲉⲙⲟⲩⲟⲩⲧ ⲙⲙⲟⲕ

43 ⲧⲉⲛⲟⲩ ϭⲉ ⲡⲁϣⲏⲣⲉ ⲥⲱⲧⲙ ⲛⲥⲁⲧⲁⲥⲙⲏ ⲛⲅⲧⲱⲟⲩⲛ ⲛⲅⲃⲱⲕ ⲉϩⲣⲁⲓ ⲉⲧⲙⲉⲥⲟⲡⲟⲧⲁⲙⲓⲁ ϣⲁⲗⲁⲃⲁⲛ ⲡⲁⲥⲟⲛ ⲉϩⲣⲁⲓ ⲉⲭⲁⲣⲣⲁⲛ

44 ⲛⲅⲟⲩⲱϩ ⲛⲙⲙⲁϥ ⲛϩⲛϩⲟⲟⲩ ϣⲁⲛⲧⲉⲡϭⲱⲛⲧ

45 ⲛⲧⲟⲣⲅⲏ ⲙⲡⲉⲕⲥⲟⲛ ⲕⲧⲟϥ ⲉⲃⲟⲗ ⲙⲙⲟⲕ ⲁⲩⲱ ⲛϥⲣⲡⲱⲃϣ ⲛⲛⲧⲁⲕⲁⲁⲩ ⲛⲁϥ ⲁⲩⲱ ⲧⲁⲧⲛⲛⲟⲟⲩ ⲛⲥⲱⲕ ⲧⲁⲛⲧⲕ ⲉⲃⲟⲗ ϩⲙⲡⲙⲁ ⲉⲧⲙⲙⲁⲩ ⲙⲏⲡⲟⲧⲉ ⲛⲧⲁⲣⲁⲧϣⲏⲣⲉ ⲙⲙⲱⲧⲛ ⲛⲟⲩϩⲟⲟⲩ ⲛⲟⲩⲱⲧ ⲙⲡⲉⲥⲛⲁⲩ

46 ⲡⲉϫⲉϩⲣⲉⲃⲉⲕⲕⲁ ⲇⲉ ⲛⲓⲥⲁⲁⲕ ϫⲉⲁⲓⲙⲉⲥⲧⲉⲡⲁⲁϩⲉ ⲉⲧⲃⲉⲛϣⲉⲉⲣⲉ ⲛⲛϣⲏⲣⲉ ⲛⲭⲉⲧ ⲉⲣⲉⲓⲁⲕⲱⲃ ⲛⲁϫⲓ ⲛⲁϥ ⲛⲟⲩⲥϩⲓⲙⲉ ⲉⲃⲟⲗ ϩⲛⲛϣⲉⲉⲣⲉ ⲙⲡⲉⲓⲟⲩ ⲉⲣⲟⲓ ⲡⲉ ⲡⲁⲱⲛϩ