Read Ezekiel 3 side by side with translations · The Final Bible
1 ⲁⲩⲱ ⲡⲉϫⲁϥ ⲛⲁⲓ ϫⲉⲡϣⲏⲣⲉ ⲙⲡⲣⲱⲙⲉ ⲟⲩⲱⲙ ⲛⲧⲉⲓⲕⲉⲫⲁⲗⲓⲥ ⲛϫⲱⲱⲙⲉ ⲛⲕⲃⲱⲕ ⲛⲉⲕϣⲁϫⲉ ⲙⲛⲛϣⲏⲣⲉ ⲙⲡⲓⲥⲣⲁⲏⲗ
2 ⲁϥⲟⲩⲱⲙ ⲛⲧⲁⲧⲁⲡⲣⲟ ⲁϥⲧⲙⲙⲟⲓ ⲛⲧⲕⲉⲫⲁⲗⲓⲥ ⲛϫⲱⲱⲙⲉ
3 ⲁⲩⲱ ⲡⲉϫⲁϥ ⲛⲁⲓ ϫⲉⲡϣⲏⲣⲉ ⲙⲡⲣⲱⲙⲉ ⲧⲉⲕⲧⲁⲡⲣⲟ ⲛⲁⲟⲩⲱⲛ ⲁⲩⲱ ϩⲏⲧⲕ ⲛⲁⲙⲟⲩ ⲉⲃⲟⲗ ϩⲛⲧⲉⲓⲕⲉⲫⲁⲗⲓⲥ ⲛϫⲱⲱⲙⲉ ⲛⲧⲁⲓⲧⲁⲁⲥ ⲛⲁⲕ ⲁⲓⲟⲩⲟⲙⲥ ϭⲉ ⲁⲥϣⲱⲡⲉ ϩⲛⲧⲁⲧⲁⲡⲣⲟ ⲛⲧϩⲉ ⲛⲟⲩⲉⲃⲓⲱ ⲉϥϩⲟⲗϭ
4 ⲁⲩⲱ ⲡⲉϫⲁϥ ⲛⲁⲓ ϫⲉⲡϣⲏⲣⲉ ⲙⲡⲣⲱⲙⲉ ⲙⲟⲟϣⲉ ⲛⲅⲃⲱⲕ ⲉϩⲟⲩⲛ ϣⲁⲡⲏⲓ ⲙⲡⲓⲥⲣⲁⲏⲗ ⲛⲕϫⲱ ⲛⲛⲁϣⲁϫⲉ ⲛⲁⲩ
5 ϫⲉⲉⲓⲛⲁϫⲟⲟⲩⲕ ⲁⲛ ⲛⲧⲟⲕ ⲉⲣⲁⲧϥ ⲙⲡⲏⲓ ⲙⲡⲓⲥⲣⲁⲏⲗ ⲛⲧϩⲉ ⲉⲣⲁⲧϥ ⲛⲟⲩⲗⲁⲟⲥ ⲉⲟⲩⲉⲧⲧⲉϥϭⲓⲛϣⲁϫⲉ
6 ⲟⲩⲧⲉ ⲛⲛⲁϩⲣⲛϩⲉⲛⲗⲁⲟⲥ ⲁⲛ ⲉⲩⲟϣ ⲉⲟⲩⲉⲧⲡⲉⲩϩⲣⲟⲟⲩ ⲏ ⲉⲟⲩⲉⲧⲧⲉⲩⲁⲥⲡⲉ ⲟⲩⲧⲉ ⲉⲩⲛⲁϣⲧ ϩⲛⲧⲉⲩϭⲓⲛϣⲁϫⲉ ⲛⲕⲛⲁϣⲥⲱⲧⲙ ⲁⲛ ⲉⲛⲉⲩϣⲁϫⲉ ⲁⲩⲱ ⲉⲛⲉⲛⲧⲁⲓϫⲟⲟⲩⲕ ϣⲁⲛⲁⲓ ⲛⲧⲉⲓⲙⲓⲛⲉ ⲛⲁⲓ ⲛⲉⲩⲛⲁⲥⲱⲧⲙ ⲛⲥⲱⲕ
7 ⲡⲏⲓ ⲇⲉ ⲙⲡⲓⲥⲣⲁⲏⲗ ⲛⲥⲉⲛⲁⲟⲩⲱϣ ⲁⲛ ⲉⲥⲱ ⲛⲥⲱⲕ ⲉⲃⲟⲗ ϫⲉⲛⲥⲉⲟⲩⲱϣ ⲁⲛ ⲉⲥⲱⲧⲙ ⲛⲥⲱⲓ ϫⲉⲡⲏⲓ ⲧⲏⲣⲙⲡⲓⲥⲣⲁⲏⲗ ϩⲉⲛⲣⲉϥϯⲧⲱⲛ ⲛⲉ ⲁⲩⲱ ϩⲉⲛⲛⲁϣⲧϩⲏⲧ ⲛⲉ
8 ⲉⲓⲥ ϩⲏⲏⲧⲉ ⲁⲓϯ ⲙⲡⲉⲕϩⲟ ⲉϥⲧⲁϫⲣⲏⲩ ⲙⲡⲉⲩⲙⲧⲟ ⲉⲃⲟⲗ ⲁⲩⲱ ⲡⲉⲕϫⲣⲟ ϯⲛⲁⲧⲣⲉϥϭⲙϭⲟⲙ ⲙⲡⲉⲙⲧⲟ ⲉⲃⲟⲗ ⲙⲡⲉⲩϫⲣⲟ
9 ⲁⲩⲱ ⲡⲉⲕϩⲟ ⲛⲁϣⲱⲡⲉ ⲉϥⲧⲁϫⲣⲏⲩ ⲙⲡⲉⲩⲙⲧⲟ ⲉⲃⲟⲗ ⲛⲥⲏⲩ ⲛⲓⲙ ⲉⲩⲡⲉⲧⲣⲁ ⲙⲡⲣⲣϩⲟⲧⲉ ϩⲏⲧⲟⲩ ⲟⲩⲧⲉ ⲙⲡⲣϣⲧⲟⲣⲧⲣ ⲙⲡⲉⲩⲙⲧⲟ ⲉⲃⲟⲗ ⲉⲧⲃⲉϫⲉⲟⲩⲏⲓ ⲡⲉ ⲛⲣⲉϥϯϭⲱⲛⲧ
10 ⲁⲩⲱ ⲡⲉϫⲁϥ ⲛⲁⲓ ϫⲉⲡϣⲏⲣⲉ ⲙⲡⲣⲱⲙⲉ ⲛϣⲁϫⲉ ⲧⲏⲣⲟⲩ ⲛⲧⲁⲓϫⲟⲟⲩ ⲛⲁⲕ ⲕⲁⲁⲩ ϩⲙⲡⲉⲕϩⲏⲧ ⲁⲩⲱ ⲛⲅⲥⲱⲧⲙ ϩⲛⲛⲉⲕⲙⲁⲁϫⲉ
11 ⲙⲟⲟϣⲉ ⲛⲅⲃⲱⲕ ⲉϩⲟⲩⲛ ⲉⲧⲁⲓⲭⲙⲁⲗⲱⲥⲓⲁ ϣⲁⲛϣⲏⲣⲉ ⲙⲡⲉⲕⲗⲁⲟⲥ ⲛⲅϣⲁϫⲉ ⲛⲙⲙⲁⲩ ⲁⲩⲱ ⲛⲅϫⲟⲟⲥ ⲛⲁⲩ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ⲉϣϫⲉ ⲁⲣⲁ ⲥⲉⲛⲁⲑⲃⲃⲓⲟ
12 ⲁⲩⲱ ⲁⲓⲥⲱⲧⲙ ϩⲓⲡⲁϩⲟⲩ ⲙⲙⲟⲓ ⲉⲡⲉϩⲣⲟⲟⲩ ϫⲉϥⲥⲙⲁⲙⲁⲁⲧ ⲛϭⲓⲡⲉⲟⲟⲩ ⲙⲡϫⲟⲉⲓⲥ ⲉⲃⲟⲗ ϩⲙⲡⲉϥⲙⲁ
13 ⲁⲩⲱ ⲉⲓⲥ ⲡⲉϩⲣⲟⲟⲩ ⲛ... ⲉⲩϩⲓⲟⲩⲉ ⲉϩⲟⲩⲛ ϩⲛⲛⲉⲩⲉⲣⲏⲩ ⲁⲩⲱ ⲡⲉϩⲣⲟⲟⲩ ⲛⲛⲧⲣⲟⲭⲟⲥ ⲉϥⲏⲛ ⲉϩⲟⲩⲛ ⲉⲣⲟⲟⲩ ⲙⲛⲡⲉϩⲣⲟⲟⲩ ⲙⲡⲕⲙⲧⲟ
14 ⲁⲩⲱ ⲁⲡⲉⲡⲛⲉⲩⲙⲁ ϥⲓⲧ ⲁϥϫⲓ ⲙⲙⲟⲓ ⲁⲩⲱ ⲁⲓⲃⲱⲕ ϩⲛⲧϩⲟⲣⲙⲏ ⲙⲡⲁⲡⲛⲉⲩⲙⲁ ⲁⲩⲱ ⲧϭⲓϫ ⲙⲡϫⲟⲉⲓⲥ ⲁⲥϣⲱⲡⲉ ⲉϩⲣⲁⲓ ⲉϫⲱⲓ ⲉⲥϫⲟⲟⲣ
15 ⲁⲩⲱ ⲁⲓⲃⲱⲕ ⲉϩⲟⲩⲛ ϣⲁⲧⲁⲓⲭⲙⲁⲗⲱⲥⲓⲁ ⲉⲛⲉⲧⲟⲩⲏϩ ϩⲓϫⲛⲡⲉⲓⲣⲣⲟ ⲭⲟⲃⲁⲣ ⲉⲩϣⲟⲟⲡ ϩⲙⲡⲙⲁ ⲉⲧⲙⲙⲁⲩ ... ⲉⲓ ϩⲛⲧⲉⲩⲙⲏⲧⲉ
16 ⲁⲩⲱ ⲙⲛⲡⲥⲁϣϥ ⲛϩⲟⲟⲩ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ
17 ϫⲉⲡϣ ⲙⲡⲣⲱⲙⲉ ⲙⲡⲏⲓ ⲙⲡⲓⲥⲣⲁⲏⲗ ⲁⲩⲱ ⲉⲕⲉⲥⲱⲧⲙ ⲉⲩϣⲁϫⲉ ⲉⲃⲟⲗ ϩⲛⲧⲁⲧⲁⲡⲣⲟ ⲁⲩⲱ ... ϩⲓⲧⲟ
18 ϩⲙⲡⲧⲣⲁϫⲟⲟⲥ ⲙⲡⲁⲛⲟⲙⲟⲥ ϫⲉϩⲛⲟⲩ ⲕⲛⲁⲙⲟⲩ ... ⲟⲩⲇⲉ ⲙⲡⲕⲧ ... ⲛⲛⲉϥϩⲓⲟⲟⲩⲉ ... ⲡⲁⲛⲟⲙⲟⲥ ⲉⲧⲙϥⲛⲁⲙⲟⲩ ϩⲙⲡⲉϥϫⲓⲛϭⲟⲛⲥ ⲁⲩⲱ ϯⲛⲁⲛⲥⲁⲡⲉϥⲥⲛⲟϥ ⲉⲃⲟⲗ ϩⲓⲧⲟⲟⲧⲕ
19 ⲛⲧⲟⲕ ⲇⲉ ⲉⲕϣⲁⲛϩⲱⲛ ⲉⲧⲟⲟⲧϥ ⲙⲡⲁⲛⲟⲙⲟⲥ ⲁⲩⲱ ⲛϥⲧⲙⲗⲟ ϩⲛⲧⲉϥⲁⲛⲟⲙⲓⲁ ⲙⲛⲧⲉϥⲡⲁⲛⲟⲙⲟⲥ ⲉⲧⲙⲙⲁⲩ ϥⲛⲁⲙⲟⲩ ϩⲙⲡⲉϥϫⲓⲛϭⲟⲛⲥ ⲛⲧⲟⲕ ⲇⲉ ⲕⲛⲁⲛⲟⲩϩⲙ ⲛⲧⲉⲕⲯⲩⲭⲏ
20 ⲉⲣϣⲁⲛⲡⲇⲓⲕⲁⲓⲟⲥ ⲗⲟ ϩⲛⲧⲉϥⲇⲓⲕⲁⲓⲟⲥⲩⲛⲏ ⲛϥⲉⲓⲣⲉ ⲛⲟⲩⲛⲟⲃⲉ ϯⲛⲁⲉⲓⲛⲉ ⲉϩⲣⲁⲓ ⲉϫⲱϥ ⲛⲧⲉϥⲃⲁⲥⲁⲛⲟⲥ ⲁⲩⲱ ⲛⲧⲟϥ ϥⲛⲁⲙⲟⲩ ϫⲉⲙⲡⲕϩⲱⲛ ⲉⲧⲟⲟⲧϥ ϥⲛⲁⲙⲟⲩ ϩⲛⲛⲉϥⲛⲟⲃⲉ ⲉⲧⲃⲉϫⲉⲛⲥⲉⲛⲁⲣⲡⲙⲉⲉⲩⲉ ⲁⲛ ⲛⲛⲉϥⲇⲓⲕⲁⲓⲟⲥⲩⲛⲏ ⲡⲉϥⲥⲛⲟϥ ⲇⲉ ϯ ⲛⲥⲱϥ ⲉⲃⲟⲗ ϩⲓⲧⲟⲟⲧⲕ
21 ⲛⲧⲟⲕ ⲇⲉ ⲉⲕϣⲁⲛⲧⲁⲙⲉⲡⲇⲓⲕⲁⲓⲟⲥ ⲉⲧⲙⲧⲣⲉϥⲣⲛⲟⲃⲉ ⲁⲩⲱ ⲛϥⲧⲙⲣⲛⲟⲃⲉ ⲛⲧⲟϥ ⲡⲇⲓⲕⲁⲓⲟⲥ ϩⲛⲟⲩⲱⲛϩ ϥⲛⲁⲱⲛϩ ϫⲉⲁⲕϩⲱⲛ ⲉⲧⲟⲟⲧϥ ⲛⲧⲟⲕ ϩⲱⲱⲕ ⲕⲛⲁⲛⲟⲩϩⲙ ⲛⲧⲉⲕⲯⲩⲭⲏ
23 ⲕⲁⲧⲁⲧϩⲉ ⲛⲧϩⲟⲣⲁⲥⲓⲥ ⲛⲧⲁⲓⲛⲁⲩ ⲉⲣⲟⲥ ⲁⲩⲱ ⲕⲁⲧⲁⲧϩⲉ ⲙⲡⲉⲟⲟⲩ ⲉⲛⲧⲁⲓⲛⲁⲩ ⲉⲣⲟϥ ϩⲓϫⲙⲡⲓⲉⲣⲟ ⲭⲟⲃⲁⲣ ⲛⲧⲉⲣⲓⲛⲁⲩ ⲁⲓϩⲉ ⲉϩⲣⲁⲓ ⲉϫⲙⲡⲁϩⲟ
24 ⲁⲩⲱ ⲁⲩⲡⲛⲉⲩⲙⲁ ⲉⲓ ⲉϩⲣⲁⲓ ⲉϫⲱⲓ ⲁϥⲧⲁϩⲟⲓ ⲉⲣⲁⲧⲉϫⲛⲛⲁⲟⲩⲉⲣⲏⲧⲉ ⲁⲩⲱ ⲁϥϣⲁϫⲉ ⲛⲙⲙⲁⲓ ⲉϥϫⲱ ⲙⲙⲟⲥ ϫⲉⲃⲱⲕ ⲉϩⲟⲩⲛ ⲉⲧⲙⲏⲧⲉ ⲙⲡⲉⲕⲏⲓ ⲛⲅϣⲧⲁⲙ ⲉⲣⲟⲕ
25 ⲛⲧⲟⲕ ϩⲱⲱⲕ ⲡϣⲏⲣⲉ ⲙⲡⲣⲱⲙⲉ ⲉⲓⲥ ϩⲏⲏⲧⲉ ⲁⲓϯ ⲛϩⲉⲛⲥⲛⲁⲩϩ ⲉϩⲣⲁⲓ ⲉϫⲱⲕ ⲁⲩⲱ ⲥⲉⲛⲁⲥⲟⲛϩⲕ ⲛϩⲏⲧⲟⲩ ⲛⲕⲛⲁϣⲓ ⲁⲛ ⲉⲃⲟⲗ ϩⲏⲧⲟⲩ
26 ⲁⲩⲱ ϯⲛⲁⲙⲟⲩⲣ ⲙⲡⲉⲕⲗⲁⲥ ⲛⲅⲣⲙⲡⲟ ⲁⲩⲱ ⲛⲅⲛⲁϣⲱⲡⲉ ⲛⲁⲩ ⲁⲛ ⲛⲟⲩⲣⲱⲙⲉ ⲛⲣⲉϥⲥⲟⲟϩⲉ ⲉⲧⲃⲉϫⲉⲟⲩⲏⲓ ⲛⲣⲉϥϯϭⲱⲛⲧ ⲡⲉ
27 ⲁⲩⲱ ϩⲙⲡⲧⲣⲁⲛⲟⲩ ⲉϣⲁϫⲉ ⲛⲙⲙⲁⲕ ϯⲛⲁⲟⲩⲱⲛ ⲛⲧⲉⲕⲧⲁⲡⲣⲟ ⲛⲅϫⲟⲟⲥ ⲛⲁⲩ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲡⲉⲧⲛⲁⲥⲱⲧⲙ ⲙⲁⲣⲉϥⲥⲱⲧⲙ ⲁⲩⲱ ⲡⲉⲧⲟ ⲛⲁⲧⲥⲱⲧⲙ ⲙⲁⲣⲉϥⲉⲓⲣⲉ ⲉⲧⲃⲉϫⲉⲟⲩⲏⲓ ⲛⲣⲉϥϯϭⲱⲛⲧ ⲡⲉ
Ezekiel 2 · Ezekiel 4 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)