Ezekiel 16 — Coptic (Sahidic)

1 ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ

2 ϫⲉⲡϣⲏⲣⲉ ⲙⲡⲣⲱⲙⲉ ⲁⲣⲓⲙⲛⲧⲣⲉ ⲛⲧϩⲓⲉⲣⲟⲩⲥⲁⲗⲏⲙ ⲛⲛⲉⲥⲁⲛⲟⲙⲓⲁ

3 ⲁⲩⲱ ⲛⲕϫⲟⲟⲥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ⲛⲧϩⲓⲉⲣⲟⲩⲥⲁⲗⲏⲙ ϫⲉⲧⲟⲩⲛⲟⲩⲛⲉ ⲙⲛⲧⲟⲩϭⲓⲙⲙⲓⲥⲉ ⲉⲃⲟⲗ ϩⲙⲡⲕⲁϩ ⲛⲭⲁⲛⲁⲁⲛ ⲧⲉ ⲡⲟⲩⲉⲓⲱⲧ ⲟⲩⲁⲙⲟⲣⲣⲁⲓⲟⲥ ⲡⲉ ⲧⲟⲩⲙⲁⲁⲩ ⲟⲩⲭⲉⲧⲧⲁⲓⲁ ⲧⲉ

4 ⲡⲟⲩϫⲡⲟ ϩⲙⲡⲉϩⲟⲟⲩ ⲛⲧⲁⲩϫⲡⲟ ⲛϩⲏⲧϥ ⲙⲡⲟⲩⲙⲟⲩⲣ ⲛⲛⲟⲩⲉⲕⲓⲃⲉ ⲁⲩⲱ ⲙⲡⲟⲩϫⲟⲕⲙⲉ ϩⲛⲟⲩⲙⲟⲟⲩ ⲟⲩⲧⲉ ⲙⲡⲟⲩⲙⲟⲗϩⲉ ϩⲛⲟⲩϩⲙⲟⲩ ⲁⲩⲱ ⲙⲡⲟⲩⲥⲟⲩⲗⲱⲗⲉ ⲛϩⲉⲛⲧⲟⲡ

5 ⲟⲩⲧⲉ ⲙⲡⲉⲡⲁⲃⲁⲗ ϯⲥⲟ ⲉⲣⲟsicⲉⲉⲓⲣⲉ sicⲛⲉ ⲛⲟⲩⲁ ⲛⲛⲁⲓ ⲧⲏⲣⲟⲩ ⲉⲧⲣⲁϣⲛϩⲧⲏⲓ ϩⲁⲣⲟⲁⲩⲛⲟϫⲉ ⲉϫⲙⲡϩⲟ ⲛⲧⲥⲱϣⲉ ϩⲙⲡϭⲱⲱⲙⲉ ⲛⲧⲟⲩⲯⲩⲭⲏ ϩⲙⲡⲉϩⲟⲟⲩ ⲛⲧⲁⲩϫⲡⲟ ⲛϩⲏⲧϥ

6 ⲁⲩⲱ ⲛⲧⲉⲣⲓⲉⲓ ⲉϩⲣⲁⲓ ⲉϫⲱ ⲁⲓⲛⲁⲩ ⲉⲣⲟⲉⲣⲧⲟⲗⲙ ϩⲙⲡⲟⲩⲥⲛⲟϥ ⲁⲓϫⲟⲟⲥ ⲛⲉ ϫⲉⲉⲃⲟⲗ ϩⲙⲡⲟⲩⲥⲛⲟϥ ⲁϣⲁⲓ ϩⲙⲡⲱⲛϩ

7 ⲁⲓⲧⲁⲁⲧⲉ ⲛⲧϩⲉ ⲙⲡⲣⲱⲧ ⲛⲧⲥⲱϣⲉ ⲉⲁϣⲁⲓ ⲁⲩⲱ ⲉⲁⲓⲁⲓ ⲉⲃⲱⲕ ⲉϩⲟⲩⲛ ⲉⲙⲡⲟⲗⲓⲥ ⲛⲧⲉϩⲉⲛⲡⲟⲉⲓⲥsic ⲁⲩⲁϩⲉⲣⲁⲧⲟⲩ ⲛϭⲓⲛⲟⲩⲉⲕⲓⲃⲉ ⲁⲩⲱ ⲡⲟⲩϥⲱ ⲁϥⲣⲱⲧ ⲛⲧⲟ ⲇⲉ ⲛⲉⲣⲕⲏⲕⲁϩⲏⲩ ⲡⲉ ⲁⲩⲱ ⲛⲉⲣⲁⲥⲭⲩⲙⲟⲛⲉⲓ

8 ⲁⲓⲡⲁⲣⲁⲅⲉ ⲙⲙⲟⲁⲓⲛⲁⲩ ⲉⲣⲟⲁⲩⲱ ⲉⲓⲥ ϩⲏⲏⲧⲉ ⲛⲟⲩⲕⲁⲓⲣⲟⲥ ⲡⲉ ⲡⲕⲁⲓⲣⲟⲥ ⲡⲉ ⲛⲛⲉⲧⲛⲏⲩ ϣⲁⲣⲟⲁⲓⲡⲱⲣϣ ⲛⲛⲁⲧⲛϩ ⲉⲃⲟⲗ ⲉϫⲱ ⲁⲓϩⲱⲃⲥ ⲛⲧⲟⲩⲁⲥⲭⲏⲙⲟⲥⲩⲛⲏ ⲁⲩⲱ ⲁⲓⲱⲣⲕ ⲛⲉ ⲁⲓⲉⲓ ⲉϩⲟⲩⲛ ⲛⲙⲙⲉ ⲛⲟⲩⲇⲓⲁⲑⲏⲕⲏ ⲡⲉϫⲉⲡϫⲟⲉⲓⲥ ⲁⲩⲱ ⲁⲣⲉϣⲱⲡⲉ ⲛⲁⲓ

9 ⲁⲓϫⲟⲕⲙⲉ ϩⲛⲟⲩⲙⲟⲟⲩ ⲁⲩⲱ ⲁⲓⲉⲓⲱ ⲉⲃⲟⲗ ⲙⲙⲟⲙⲡⲟⲩⲥⲛⲟϥ ⲁⲩⲱ ⲁⲓⲧⲁϩⲥⲉ ⲛⲟⲩⲛⲉϩ

10 ⲁⲓϯ ⲉϩⲣⲁⲓ ⲉϫⲱ ⲛϩⲉⲛϩⲟⲓⲧⲉ ⲛⲁⲩⲉⲓⲛⲁⲩⲁⲛ ⲁⲓϯ ⲉⲣⲁⲧⲉ ⲛⲟⲩϩⲓⲁⲕⲓⲛⲑⲓⲛⲟⲛ ⲁⲩⲱ ⲁⲓⲙⲟⲟⲣⲉ ⲛⲟⲩϣⲛⲥ ⲁⲓϭⲟⲟⲗⲉ ⲛϩⲉⲛϩⲟⲓⲧⲉ ⲛϣⲱⲱⲙⲉ

11 ⲁⲩⲱ ⲁⲓⲕⲟⲥⲙⲉⲓ ⲙⲙⲟⲛⲟⲩⲕⲟⲥⲙⲟⲥ ⲁⲓϯ ⲛϩⲉⲛⲯⲉⲗⲗⲓⲟⲛ ⲉⲛⲟⲩϭⲓϫ ⲁⲩⲱ ⲟⲩϩⲱⲥ ⲛⲕⲁⲕⲟ ⲉⲡⲟⲩⲙⲁⲕϩ

12 ⲁⲓϯ ⲛⲟⲩϭⲁϫⲉ ⲉϣⲁⲁⲛⲧⲉ ⲁⲩⲱ ϩⲉⲛϩⲁⲗⲁⲕ ⲉⲛⲟⲩⲙⲁⲁϫⲉ ⲁⲩⲱ ⲟⲩⲕⲗⲟⲙ ⲛϣⲟⲩϣⲟⲩ ⲁⲓⲧⲁⲁϥ ⲉϫⲛⲧⲟⲩⲁⲡⲉ

13 ⲁⲣⲉⲣⲥⲁⲉⲓⲏ ϩⲙⲡⲛⲟⲩⲃ ⲙⲛⲡϩⲁⲧ ⲁⲩⲱ ⲛⲟⲩϩⲟⲉⲓⲧⲉ ⲛⲉ ϩⲉⲛϣⲛⲥ ⲛⲉ ⲙⲛϩⲉⲛϩⲓⲧϣⲱⲱⲙⲉ ⲙⲛϩⲉⲛⲁⲩⲉⲓⲛⲁⲩⲁⲛ ⲟⲩⲥⲁⲙⲓⲧ ⲙⲛⲟⲩⲛⲉϩ ⲙⲛⲟⲩⲉⲃⲓⲱ ⲁⲣⲟⲩⲟⲙⲟⲩ ⲁⲩⲱ ⲁⲣϣⲱⲡⲉ ⲉⲛⲉⲥⲱ ⲉⲙⲁⲧⲉ

14 ⲁⲩⲱ ⲡⲟⲩⲣⲁⲛ ⲁϥⲉⲓ ⲉⲃⲟⲗ ϩⲛⲛϩⲉⲑⲛⲟⲥ ϩⲙⲡⲟⲩⲥⲁ ϫⲉⲛⲉϥϫⲏⲕ ⲉⲃⲟⲗ ϩⲛⲟⲩⲙⲛⲧⲥⲁⲓⲉ ϩⲙⲡⲥⲁ ⲛⲧⲁⲓⲧⲁⲁϥ ⲉϩⲣⲁⲓ ⲉϫⲱ ⲡⲉϫⲉⲡϫⲟⲉⲓⲥ

15 ⲁⲩⲱ ⲁⲣⲕⲁ ϩⲧⲏ ⲉⲡⲟⲩⲥⲁ ⲁⲡⲟⲣⲛⲉⲩⲉ ⲉϫⲙⲡⲟⲩⲣⲁⲛ ⲁⲩⲱ ⲁⲣⲡⲱϩⲧ ⲉⲃⲟⲗ ⲛⲧⲟⲩⲡⲟⲣⲛⲉⲓⲁ ⲉϫⲛⲛⲉⲧⲡⲁⲣⲁⲅⲉ ⲧⲏⲣⲟⲩ

16 ⲁⲩⲱ ⲁⲣϫⲓ ⲉⲃⲟⲗ ϩⲛⲛⲟⲩϩⲟⲉⲓⲧⲉ ⲁⲣⲧⲁⲙⲓⲟ ⲛⲉ ⲛϩⲉⲛⲉⲓⲇⲱⲗⲟⲛ ⲉⲩⲧⲟⲣⲡ ⲉⲛⲉⲩⲉⲣⲏⲩ ⲁⲡⲟⲣⲛⲉⲩⲉ ϩⲣⲁⲓ ⲛϩⲏⲧⲟⲩ ⲛⲛⲣⲓ ϭⲉ ⲉϩⲟⲩⲛ ⲟⲩⲧⲉ ⲛⲛⲉⲣϣⲱⲡⲉ

17 ⲁⲩⲱ ⲁⲣϫⲓ ⲛⲛⲉⲥⲕⲉⲩⲏ ⲙⲡⲟⲩϣⲟⲩϣⲟⲩ ⲉⲃⲟⲗ ϩⲙⲡⲁⲛⲟⲩⲃ ⲙⲛⲡⲁϩⲁⲧ ⲛⲁⲓ ⲛⲧⲁⲓⲧⲁⲁⲩ ⲛⲉ ⲁⲣⲧⲁⲙⲓⲟ ⲛⲉ ⲛϩⲉⲛϩⲓⲕⲱⲛ ⲙⲙⲟⲣⲫⲏ ⲛϩⲟⲟⲩⲧ ⲁⲩⲱ ⲁⲡⲟⲣⲛⲉⲩⲉ ϩⲣⲁⲓ ⲛϩⲏⲧⲟⲩ

18 ⲁϫⲓⲛⲛⲟⲩϩⲟⲉⲓⲧⲉ ⲛⲁⲩⲉⲥsicⲛⲁⲩⲁⲛ ⲉϭⲟⲟⲗⲟⲩ ⲙⲙⲟⲟⲩ ⲁⲩⲱ ⲡⲁⲛⲉϩ ⲙⲛⲡⲁϣⲟⲩϩⲏⲛⲉ ⲉⲕⲁⲁⲩ ⲙⲡⲉⲩⲙⲧⲟ ⲉⲃⲟⲗ

19 ⲙⲛⲛⲟⲉⲓⲕ ⲛⲧⲁⲓⲧⲁⲁⲩ ⲛⲉ ⲟⲩⲥⲁⲙⲓⲧ ⲙⲛⲟⲩⲛⲉϩ ⲙⲛⲟⲩⲉⲃⲓⲱ ⲁⲓⲧⲁⲁⲩ ⲛⲉ ⲁⲣⲕⲁⲁⲩ ⲙⲡⲉⲩⲙⲧⲟ ⲉⲃⲟⲗ ⲉⲩⲥϯⲛⲟⲩϥⲉ ⲁⲩⲱ ⲁⲥϣⲱⲡⲉ ⲡⲉϫⲁϥ ⲛϭⲓⲡϫⲟⲉⲓⲥ

20 ⲁϫⲓⲉⲃⲟⲗ ϩⲛⲛⲟⲩϣⲏⲣⲉ ⲙⲛⲛⲟⲩϣⲉⲉⲣⲉ ⲛⲁⲓ ⲛⲧⲁϫⲡⲟⲟⲩ ⲉⲧⲁⲗⲟⲟⲩ ⲉϩⲣⲁⲓ ⲛⲑⲩⲥⲓⲁ ⲉⲣⲟⲕϩⲟⲩ ⲙⲏ ϩⲉⲛⲕⲟⲩⲓ ⲛⲉ ⲛⲟⲩⲡⲟⲣⲛⲉⲓⲁ

21 ⲉⲁϣⲱⲱⲧ ⲛⲛⲟⲩϣⲏⲣⲉ ⲁⲧⲁⲁⲩ ⲛⲁⲩ ϩⲙⲡⲧⲣⲉⲛⲧⲟⲩ ⲛⲛⲁϩⲣⲁⲓ

22 ⲡⲁⲓ ⲛⲁϣⲧ ⲉⲧⲟⲩⲡⲟⲣⲛⲉⲓⲁ ⲧⲏⲣⲥ ⲁⲩⲱ ⲙⲡⲉⲣⲡⲙⲉⲉⲩⲉ ⲛⲧⲟⲩⲙⲛⲧⲕⲟⲩⲓ ⲙⲡⲉϩⲟⲟⲩ ⲉⲣⲉⲕⲏⲕⲁϩⲏⲩ ⲁⲩⲱ ⲉⲣⲉⲁⲥⲭⲟⲙⲟⲛⲉⲓ ⲉⲣⲧⲟⲗⲙ ϩⲙⲡⲟⲩⲥⲛⲟϥ ⲁⲣⲉⲱⲛϩ

23 ⲁⲩⲱ ⲁⲥϣⲱⲡⲉ ⲙⲛⲛⲥⲁⲛⲟⲩⲕⲁⲕⲓⲁ ⲧⲏⲣⲟⲩ ⲡⲉϫⲉⲡϫⲟⲉⲓⲥ

24 ⲁⲕⲱⲧ ⲛⲉ ⲛⲟⲩⲙⲁ ⲙⲡⲟⲣⲛⲏ ⲁⲩⲱ ⲁⲧⲁⲙⲓⲟ ⲛⲉ ⲛⲟⲩⲧⲟⲡⲟⲥ ⲛⲥⲁⲉⲓⲉ ⲉϥⲛⲉϩ ⲉⲃⲟⲗ ϩⲙⲡⲗⲁϯⲁ ⲛⲓⲙ

25 ⲁⲕⲱⲧ ⲙⲛⲟⲩⲡⲟⲣⲛⲓⲟⲛ ϩⲛⲧⲁⲣⲭⲏ ⲛϩⲓⲏ ⲛⲓⲙ ⲁϫⲱϩⲙ ⲙⲡⲟⲩⲥⲁ ⲁⲩⲱ ⲁⲣⲉⲡⲉⲣϣⲣⲁⲧⲉ ⲉⲃⲟⲗ ϩⲁⲧϩⲏ ⲛⲟⲩⲟⲛ ⲛⲓⲙ ⲉⲧⲡⲁⲣⲁⲅⲉ ⲁⲩⲱ ⲉⲧⲁϣⲟ ⲛⲧⲟⲩⲡⲟⲣⲛⲉⲓⲁ

26 ⲁⲡⲟⲣⲛⲉⲩⲉ ⲙⲛⲛϣⲏⲣⲉ ⲛⲕⲏⲙⲉ ⲛⲉⲧⲟ ⲛⲧⲉϣⲉ ⲉⲣⲟⲛⲁⲛⲉⲓⲛⲟϭ ⲛⲥⲁⲣⲝ ⲁⲩⲱ ⲁⲡⲟⲣⲛⲉⲩⲉ ϩⲛϩⲁϩ ⲛⲥⲙⲟⲧ ⲉⲡⲧⲣⲉϯϭⲱⲛⲧ ⲛⲁⲓ

27 ⲉⲓϣⲁⲛⲥⲟⲟⲩⲧⲛ ⲧⲁϭⲓϫ ⲉⲃⲟⲗ ⲉϩⲣⲁⲓ ⲉϫⲱ ⲛⲧⲁϥⲓ ⲙⲙⲁⲩ ⲙⲡⲟⲩⲥⲱⲛⲧ ⲁⲩⲱ ⲛⲧⲁⲡⲁⲣⲁⲇⲓⲇⲟⲩ ⲙⲙⲟⲉⲧⲟⲟⲧⲟⲩ ⲛⲛⲉⲯⲩⲭⲏ ⲛⲛⲉⲧⲙⲟⲥⲧⲉ ⲙⲙⲟⲛϣⲉⲉⲣⲉ ⲛⲛⲁⲗⲗⲟⲫⲩⲗⲟⲥ ⲛⲁⲓ ⲛⲧⲁⲩⲣⲁⲕⲧⲟⲩ ⲉⲃⲟⲗ ϩⲓⲧⲟⲩϩⲓⲏ ⲁⲁⲥⲉⲃⲓ

28 ⲁⲡⲟⲣⲛⲉⲩⲉ ⲙⲛⲛϣⲏⲣⲉ ⲛⲁⲥⲥⲟⲩⲣ ⲁⲩⲱ ⲛⲧⲉⲓϩⲉ ⲟⲛ ⲙⲡⲉⲥⲉⲓ ⲁⲡⲟⲣⲛⲉⲩⲉ ⲁⲩⲱ ⲙⲡⲉⲥⲉⲓ

29 ⲉⲧⲁϣⲟ ⲛⲟⲩⲇⲓⲁⲑⲏⲕⲏ ⲙⲛⲡⲕⲁϩ ⲛⲛⲉⲭⲁⲗⲇⲁⲓⲟⲥ ⲁⲩⲱ ϩⲛⲛⲁⲓ ⲟⲛ ⲙⲡⲉⲥⲉⲓ

30 ⲟⲩ ⲡⲉϯⲛⲁⲁⲁϥ ⲛⲧⲟⲩϣⲉⲉⲣⲉ ⲡⲉϫⲉⲡϫⲟⲉⲓⲥ ϩⲙⲡⲧⲣⲉⲉⲓⲣⲉ ⲛⲧⲟ ⲛⲛⲁⲓ ⲧⲏⲣⲟⲩ ϩⲉⲛϩⲃⲏⲩⲉ ⲛⲥϩⲓⲙⲉ ⲙⲡⲟⲣⲛⲏ ⲁⲡⲟⲣⲛⲉⲩⲉ ⲛϣⲙⲛⲧⲥⲟⲡ ϩⲛⲛⲟⲩϣⲉⲉⲣⲉ

31 ⲡⲟⲩⲡⲟⲣⲛⲓⲟⲛ ⲁⲣⲕⲟⲧϥ ϩⲓϫⲛⲧⲁⲣⲭⲏ ⲛϩⲓⲏ ⲛⲓⲙ ⲁⲩⲱ ⲧⲟⲩⲃⲁⲥⲓⲥ ⲁⲣⲕⲁⲁⲥ ϩⲙⲡⲗⲁϯⲁ ⲛⲓⲙ ⲁⲣϣⲱⲡⲉ ⲛⲧϩⲉ ⲛⲟⲩⲡⲟⲣⲛⲏ ⲉⲥⲥⲱⲟⲩϩ ⲉϩⲟⲩⲛ ⲛϩⲉⲛⲃⲉⲕⲏⲩⲉ

32 ⲧⲉⲥϩⲓⲙⲉ ⲉⲧⲟ ⲛⲛⲟⲉⲓⲕ ⲉⲥⲧⲛⲧⲱⲛ ⲉⲣⲟⲉⲥϫⲓⲃⲉⲕⲉ ⲛⲧⲙ ⲡⲉⲥϩⲁⲓ

33 ⲉⲥϯ ⲙⲙⲟⲟⲩ ⲛⲛⲉⲧⲡⲟⲣⲛⲉⲩⲉ ⲛⲙⲙⲁⲥ ⲛⲧⲟ ϩⲱⲱⲧⲉ ⲁⲣϯⲃⲉⲕⲉ ⲛⲛⲉⲧⲡⲟⲣⲛⲉⲩⲉ ⲛⲙⲙⲉ ⲁⲩⲱ ⲁⲣϯ ⲛⲁⲩ ⲛϩⲉⲛⲇⲱⲣⲟⲛ ⲉⲧⲣⲉⲩⲉⲓ ϣⲁⲣⲟϩⲙⲙⲁ ⲛⲓⲙ ⲛⲥⲉⲡⲟⲣⲛⲉⲩⲉ ⲛⲙⲙⲉ

34 ⲁⲩⲱ ⲁⲡⲁⲓ ϣⲱⲡⲉ ⲛⲉ ⲉⲩϭⲱⲱⲙⲉ ϩⲛⲧⲟⲩⲡⲟⲣⲛⲉⲓⲁ ⲡⲁⲣⲁⲛⲉϩⲓⲟⲙⲉ ⲧⲏⲣⲟⲩ ⲁⲩⲱ ⲁⲩⲡⲟⲣⲛⲉⲩⲉ ⲛⲙⲙⲉ ϩⲙⲡⲧⲣⲉϯ ⲛⲁⲩ ⲛϩⲉⲛⲃⲉⲕⲏⲩⲉ ⲛⲧⲟⲟⲩ ⲇⲉ ⲙⲡⲟⲩϯⲃⲉⲕⲉ ⲛⲉ ⲁⲩϣⲱⲡⲉ ⲛϩⲏⲧⲉ ⲛϭⲓϩⲉⲛϩⲃⲏⲩⲉ ⲉⲩϭⲟⲟⲙⲉ

35 ⲉⲧⲃⲉⲡⲁⲓ ⲧⲡⲟⲣⲛⲏ ⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ

36 ⲉⲧⲃⲉϫⲉⲁⲣⲡⲱϩⲧ ⲉⲃⲟⲗ ⲙⲡⲟⲩϩⲟⲙⲛⲧ ⲧⲟⲩⲁⲥⲭⲏⲙⲟⲥⲩⲛⲏ ⲛⲁϭⲱⲗⲡ ⲉⲃⲟⲗ ϩⲛⲧⲡⲟⲣⲛⲉⲓⲁ ⲛⲛⲁϩⲣⲛⲛⲟⲩⲙⲉⲣⲁⲧⲉ ⲁⲩⲱ ⲛⲛⲁϩⲣⲛⲛⲟⲩⲱϣ ⲧⲏⲣⲟⲩ ⲛⲛⲟⲩⲁⲛⲟⲙⲓⲁ ⲁⲩⲱ ϩⲛⲛⲉⲥⲛⲱⲱϥ ⲛⲛⲟⲩϣⲏⲣⲉ ⲛⲧⲁⲣⲧⲁⲁⲩ ⲛⲁⲩ

37 ⲉⲧⲃⲉⲡⲁⲓ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲥⲱⲟⲩϩ ⲉϩⲣⲁⲓ ⲉϫⲱ ⲛⲛⲟⲩⲙⲉⲣⲁⲧⲉ ⲧⲏⲣⲟⲩ ⲛⲁⲓ ⲛⲧⲁⲣⲧⲱϩ ⲛⲙⲙⲁⲩ ⲁⲩⲱ ⲛⲉⲛⲧⲁⲣⲙⲉⲣⲓⲧⲟⲩ ⲧⲏⲣⲟⲩ ⲙⲛⲛⲕⲟⲟⲩⲉ ⲧⲏⲣⲟⲩ ⲛⲧⲁⲣⲙⲉⲥⲧⲱⲟⲩ ⲛⲧⲁⲥⲟⲟⲩϩⲟⲩ ⲉϫⲱ ⲙⲡⲟⲩⲕⲱⲧⲉ ⲁⲩⲱ ⲛⲧⲁϭⲱⲗⲡ ⲉⲃⲟⲗ ⲛⲧⲟⲩⲕⲁⲕⲓⲁ ⲛⲛⲁϩⲣⲁⲩ ⲛⲥⲉⲛⲁⲩ ⲉⲡⲟⲩϣⲓⲡⲉ ⲧⲏⲣϥ

38 ⲛⲧⲁϫⲓⲕⲃⲁ ϩⲣⲁⲓ ⲛϩⲏⲧⲉ ⲛⲟⲩϫⲓⲕⲃⲁ ⲛⲥϩⲓⲙⲉ ⲛⲛⲟⲉⲓⲕ ⲁⲩⲱ ⲛⲧⲁⲕⲁⲁⲧⲉ ⲉⲩⲥⲛⲟϥ ⲛϭⲱⲛⲧ ϩⲓⲕⲱϩ

39 ⲛⲧⲁⲡⲁⲣⲁⲇⲓⲇⲟⲩ ⲙⲙⲟⲉϩⲣⲁⲓ ⲉⲛⲉⲩϭⲓϫ ⲛⲥⲉϣⲟⲣϣⲣ ⲙⲡⲟⲩⲡⲟⲣⲛⲓⲟⲛ ⲁⲩⲱ ⲛⲥⲉⲉⲓⲛⲉ ⲉⲡⲉⲥⲏⲧ ⲛⲧⲟⲩⲃⲁⲥⲓⲥ ⲛⲥⲉⲕⲁⲁⲧⲉ ⲕⲁϩⲏⲩ ⲛⲛⲟⲩϩⲟⲓⲧⲉ ⲁⲩⲱ ⲛⲥⲉϥⲓ ⲛⲛⲉⲥⲕⲉⲩⲏ ⲙⲡⲟⲩϣⲟⲩϣⲟⲩ ⲛⲥⲉⲕⲁⲁⲧⲉ ⲉⲣⲕⲏⲕⲁϩⲏⲩ ⲁⲩⲱ ⲉⲣⲁⲥⲭⲏⲙⲟⲛⲉⲓ

40 ⲛⲥⲉⲉⲓⲛⲉ ⲉϩⲣⲁⲓ ⲉϫⲱ ⲛⲟⲩⲙⲏⲏϣⲉ ⲛⲥⲉϩⲓ ⲱⲛⲉ ⲉⲣⲟⲛϩⲉⲛⲱⲛⲉ ⲁⲩⲱ ⲛⲥⲉϩⲟⲩⲃⲉ ϩⲛⲛⲉⲩⲥⲏϥⲉ

41 ⲛⲥⲉⲣⲱⲕϩ ⲛⲛⲟⲩⲏⲓ ϩⲛⲟⲩⲕⲱϩⲧ ⲛⲥⲉⲉⲓⲣⲉ ⲛⲟⲩϫⲓⲕⲃⲁ ϩⲣⲁⲓ ⲛϩⲏⲧⲉ ⲙⲡⲉⲙⲧⲟ ⲉⲃⲟⲗ ⲛⲟⲩⲙⲏⲏϣⲉ ⲛⲥϩⲓⲙⲉ ⲁⲩⲱ ⲛⲧⲁⲕⲧⲟ ⲉⲃⲟⲗ ⲛⲧⲡⲟⲣⲛⲉⲓⲁ ⲛⲧⲉⲧⲙⲕⲟⲧⲉ ⲉϯϩⲉⲛⲃⲉⲕⲏⲩⲉ ϫⲓⲛⲧⲉⲛⲟⲩ

42 ⲛⲧⲁⲉⲓⲛⲉ ⲙⲡⲁϭⲱⲛⲧ ⲉϩⲣⲁⲓ ⲉϫⲱ ⲛⲧⲁϥⲓ ⲙⲡⲁⲕⲱϩ ⲉⲃⲟⲗ ⲙⲙⲟⲛⲧⲁⲙⲧⲟⲛ ϭⲉ ⲙⲙⲟⲓ ⲁⲩⲱ ⲛⲧⲁⲧⲙϥⲓⲣⲟⲟⲩϣ ϫⲓⲛⲧⲉⲛⲟⲩ

43 ⲉⲧⲃⲉϫⲉⲙⲡⲉⲣⲡⲙⲉⲉⲩⲉ ⲛⲧⲟⲩⲙⲛⲧⲕⲟⲩⲓ ⲁⲩⲱ ⲁⲣⲗⲩⲡⲉⲓ ⲙⲙⲟⲓ ϩⲛⲛⲁⲓ ⲧⲏⲣⲟⲩ ⲁⲛⲟⲕ ϩⲱ ⲁⲓϯ ⲛⲛⲟⲩϩⲓⲟⲟⲩⲉ ⲉϩⲣⲁⲓ ⲉϫⲱ ⲡⲉϫⲉⲡϫⲟⲉⲓⲥ ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁⲣⲉⲉⲓⲣⲉ ⲛⲧⲟⲩⲁⲥⲉⲃⲓⲁ ⲉϫⲛⲛⲟⲩⲁⲛⲟⲙⲓⲁ ⲧⲏⲣⲟⲩ

44 ⲛⲁⲓ ⲧⲏⲣⲟⲩ ⲛⲧⲁⲩϫⲟⲟⲩ ⲉⲧⲃⲏⲏⲧⲉ ϩⲛⲟⲩⲡⲁⲣⲁⲃⲟⲗⲏ ⲉⲩϫⲱ ⲙⲙⲟⲥ ϫⲉⲕⲁⲧⲁⲧϩⲉ ⲛⲧⲙⲁⲁⲩ ⲧⲁⲓ ⲟⲛ ⲧⲉ ⲧϩⲉ ⲛⲧⲉⲥⲕⲉϣⲉⲉⲣⲉ

45 ⲧϣⲉⲉⲣⲉ ⲟⲩⲉⲃⲟⲗ ϩⲛⲧⲙⲁⲁⲩ ⲧⲉ ⲛⲧⲟ ⲡⲉⲛⲧⲁⲣⲕⲱ ⲛⲥⲱⲙⲡⲟⲩϩⲁⲓ ⲙⲛⲛⲟⲩϣⲏⲣⲉ ⲁⲩⲱ ⲛⲥⲱⲛⲉ ⲛⲛⲟⲩⲥⲛⲏⲩ ⲛⲉⲛⲧⲁⲩⲕⲱ ⲛⲥⲱⲟⲩ ⲛⲛⲉⲩϩⲁⲓ ⲙⲛⲛⲉⲩϣⲏⲣⲉ ⲧⲉⲧⲛⲙⲁⲁⲩ ⲟⲩⲭⲉⲧⲧⲁⲓⲁ ⲧⲉ ⲁⲩⲱ ⲡⲉⲧⲛⲉⲓⲱⲧ ⲟⲩⲁⲙⲟⲣⲣⲁⲓⲟⲥ ⲡⲉ

46 ⲧⲉⲧⲛⲛⲟϭ ⲛⲥⲱⲛⲉ ⲧⲉ ⲧⲥⲁⲙⲁⲣⲓⲁ ⲛⲧⲟⲥ ⲙⲛⲛⲉⲥⲕⲉϣⲉⲉⲣⲉ ⲧⲉⲧⲟⲩⲏϩ ⲛⲥⲁϩⲃⲟⲩⲣ ⲙⲙⲟⲁⲩⲱ ⲧⲟⲩⲕⲟⲩⲓ ⲛⲥⲱⲛⲉ ⲧⲉⲧⲟⲩⲏϩ ⲛⲥⲁⲟⲩⲛⲁⲙ ⲙⲙⲟⲥⲟⲇⲟⲙⲁ ⲧⲉ ⲛⲧⲟⲥ ⲙⲛⲛⲉⲥⲕⲉϣⲉⲉⲣⲉ

47 ⲛⲧⲁⲣsicⲙⲟⲟϣⲉ ⲁⲛ ϩⲛⲛⲉⲩϩⲓⲟⲟⲩⲉ ⲟⲩⲧⲉ ⲙⲡⲣⲉⲓⲣⲉ ⲕⲁⲧⲁⲛⲉⲩⲁⲛⲟⲙⲓⲁ ⲁⲣⲁⲁⲩ ⲁⲣⲉⲣϩⲟⲩⲟ ⲉⲣⲟⲟⲩ ϩⲣⲁⲓ ϩⲛⲛⲟⲩϩⲓⲟⲟⲩⲉ ⲧⲏⲣⲟⲩ

48 ϯⲟⲛϩ ⲁⲛⲟⲕ ⲡⲉϫⲉⲡϫⲟⲉⲓⲥ ϫⲉⲉϣϫⲉ ⲁⲥⲟⲇⲟⲙⲁ ⲉⲓⲣⲉ ⲛⲧⲟⲥ ⲙⲛⲛⲉⲥⲕⲉϣⲉⲉⲣⲉ ⲕⲁⲧⲁⲧϩⲉ ⲛⲧⲁⲉⲓⲣⲉ ⲛⲧⲟ ⲙⲛⲛⲟⲩϣⲉⲉⲣⲉ

49 ⲡⲗⲏⲛ ⲡⲁⲓ ⲡⲉ ⲡⲛⲟⲃⲉ ⲛⲥⲟⲇⲟⲙⲁ ⲧⲟⲩⲥⲱⲛⲉ ⲧⲙⲛⲧϫⲁⲥⲓϩⲏⲧ ⲁⲩⲥⲡⲁⲧⲁⲗⲁ ϩⲙⲡⲥⲉⲓ ⲙⲡⲟⲉⲓⲕ ⲙⲛⲡϩⲉⲛⲟⲩϥⲉ ⲛⲧⲟⲥ ⲙⲛⲛⲟⲩⲕⲉϣⲉⲉⲣⲉ ⲡⲁⲓ ⲡⲉⲛⲉϥϣⲟⲟⲡ ⲛⲁⲥ ⲛⲧⲟⲥ ⲙⲛⲛⲉⲥⲕⲉϣⲉⲉⲣⲉ ⲙⲡⲟⲩϯⲧⲟⲟⲧϥ ⲙⲡϩⲏⲕⲉ ⲙⲛⲡⲉⲃⲓⲏⲛ

50 ⲛⲉⲩϫⲓⲥⲉ ⲙⲙⲟⲟⲩ ⲉⲩϫⲉ ⲙⲛⲧϩⲣⲟⲩⲟ ⲁⲩⲱ ⲉⲩⲉⲓⲣⲉ ⲛϩⲉⲛⲁⲛⲟⲙⲓⲁ ⲙⲡⲁⲙⲧⲟ ⲉⲃⲟⲗ ⲁⲓϥⲓⲧⲟⲩ ⲙⲙⲁⲩ ⲕⲁⲧⲁⲧϩⲉ ⲛⲧⲁⲓⲛⲁⲩ ⲉⲣⲟⲟⲩ

51 ⲧⲥⲁⲙⲁⲣⲓⲁ ⲇⲉ ⲙⲡⲉⲥⲣⲛⲟⲃⲉ ⲕⲁⲧⲁⲧⲡⲁϣⲉ ⲛⲛⲟⲩⲛⲟⲃⲉ ⲁⲣⲧⲁϣⲉⲛⲟⲩⲛⲟⲃⲉ ⲉϩⲟⲩⲉ ⲛⲟⲩⲥ ⲁⲩⲱ ⲁⲣⲧⲙⲁⲓⲉ ⲛⲟⲩⲥⲱⲛⲉ ϩⲛⲛⲟⲩⲁⲛⲟⲙⲓⲁ ⲧⲏⲣⲟⲩ

52 ⲛⲧⲟ ⲇⲉ ϩⲱⲱⲧⲉ ϫⲓ ⲛⲧⲟⲩⲃⲁⲥⲁⲛⲟⲥ ⲧⲁⲓ ⲛⲧⲁⲣϫⲱϩⲙ ⲛⲧⲟⲩⲥⲱⲛⲉ ⲛϩⲏⲧⲥ ϩⲛⲛⲟⲩⲁⲛⲟⲙⲓⲁ ⲛⲧⲁⲣⲉⲁⲁⲩ ⲉϩⲟⲩⲛ ⲉⲣⲟⲟⲩ ⲁⲩⲱ ⲁⲣⲧⲙⲁⲓⲟⲟⲩ ⲛϩⲟⲩⲟ ⲉⲣⲟⲧⲉⲛⲟⲩ ϭⲉ ϩⲱⲱⲧⲉ ϫⲓϣⲓⲡⲉ ⲁⲩⲱ ⲛⲧⲉϫⲓ ⲛⲛⲟⲩⲁⲛⲟⲙⲓⲁ ϩⲙⲡⲧⲣⲉⲧⲙⲁⲓⲉ ⲛⲟⲩⲥⲱⲛⲉ

53 ⲁⲩⲱ ϯⲛⲁⲕⲧⲟ ⲛⲛⲉⲩⲕⲧⲟ ⲉⲃⲟⲗ ⲡⲉⲕⲧⲟ ⲉⲃⲟⲗ ⲛⲥⲟⲇⲟⲙⲁ ⲙⲛⲛⲉⲥⲥⲛⲏⲩ ⲁⲩⲱ ϯⲛⲁⲕⲧⲟ ⲙⲡⲉⲕⲧⲟ ⲉⲃⲟⲗ ⲛⲧⲥⲁⲙⲁⲣⲓⲁ ⲙⲛⲛⲉⲥϣⲉⲉⲣⲉ ⲛⲧⲁⲕⲧⲟ ⲙⲡⲟⲩⲕⲧⲟ ⲉⲃⲟⲗ ϩⲛⲧⲉⲩⲙⲏⲧⲉ

54 ϫⲉⲕⲁⲥ ⲉⲣⲉϫⲓ ⲛⲧⲟⲩⲃⲁⲥⲁⲛⲟⲥ ⲁⲩⲱ ⲛⲧⲉϫⲓⲥⲱϣ ϩⲛⲛⲉⲛⲧⲁⲣⲁⲁⲩ ⲧⲏⲣⲟⲩ ϫⲉⲁⲣϯϭⲱⲛⲧ ⲛⲁⲓ

55 ⲁⲩⲱ ⲧⲟⲩⲥⲱⲛⲉ ⲥⲟⲇⲟⲙⲁ ⲙⲛⲛⲉⲥϣⲉⲉⲣⲉ ⲥⲉⲛⲁⲕⲧⲟⲟⲩ ⲕⲁⲧⲁⲧϩⲉ ⲉⲛⲉⲩϣⲟⲟⲡ ⲙⲙⲟⲥ ⲛϣⲟⲣⲡ ⲁⲩⲱ ⲛⲧⲟ ϩⲱⲱⲧⲉ ⲙⲛⲛⲟⲩⲕⲉϣⲉⲉⲣⲉ ⲥⲉⲛⲁⲕⲧⲉⲧⲏⲩⲧⲛ ⲕⲁⲧⲁⲧϩⲉ ⲉⲧⲉⲩⲧⲛⲟ ⲙⲙⲟⲥ ⲛϣⲟⲣⲡ

56 ⲁⲩⲱ ⲛⲥⲁⲃⲏⲗ ϫⲉⲛⲉⲣⲉⲧⲟⲩⲥⲱⲛⲉ ⲥⲟⲇⲟⲙⲁ ⲥⲱⲧⲙ ⲛⲥⲁⲧⲟⲩⲧⲁⲡⲣⲟ ϩⲛⲛⲉϩⲟⲟⲩ ⲛⲧⲟⲩⲙⲛⲧϫⲁⲥⲓϩⲏⲧ

57 ⲙⲡⲁⲧⲟⲩϭⲱⲗⲡ ⲉⲃⲟⲗ ⲛϭⲓⲛⲟⲩⲕⲁⲕⲓⲁ ⲛⲧϩⲉ ⲧⲉⲛⲟⲩ ⲉⲣⲉⲟ ⲛⲛⲟϭⲛⲉ ⲛⲛϣⲉⲉⲣⲉ ⲛⲧⲥⲩⲣⲓⲁ ⲙⲛⲛⲉⲧⲕⲱⲧⲉ ⲉⲣⲟⲥ ⲧⲏⲣⲟⲩ ⲛϣⲉⲉⲣⲉ ⲛⲛⲁⲗⲗⲟⲫⲩⲗⲟⲥ ⲛⲁⲓ ⲉⲧⲥⲟⲟⲩϩ ⲉⲣⲟⲙⲡⲟⲩⲕⲱⲧⲉ

58 ⲛⲟⲩⲙⲛⲧⲁⲥⲉⲃⲏⲥ ⲙⲛⲛⲟⲩⲁⲛⲟⲙⲓⲁ ⲁⲣⲉϫⲓⲧⲟⲩ ⲡⲉϫⲉⲡϫⲟⲉⲓⲥ

59 ⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉϯⲛⲁⲉⲓⲣⲉ ϩⲣⲁⲓ ⲛϩⲏⲧⲉ ⲕⲁⲧⲁⲛⲉⲛⲧⲁⲣⲉⲁⲁⲩ ⲛⲧϩⲉ ⲛⲧⲁⲣϯⲥⲱϣ ⲛⲁⲓ ⲉⲧⲣⲉⲡⲁⲣⲁⲃⲁ ⲛⲧⲁⲇⲓⲁⲑⲏⲕⲏ

60 ⲁⲛⲟⲕ ϩⲱ ϯⲛⲁⲣⲡⲙⲉⲉⲩⲉ ⲛⲧⲁⲇⲓⲁⲑⲏⲕⲏ ⲛⲧⲁⲓⲥⲙⲛⲧⲥ ⲛⲙⲙⲉ ϩⲛⲛⲉϩⲟⲟⲩ ⲛⲧⲟⲩⲙⲛⲧⲕⲟⲩⲓ ⲛⲧⲁⲧⲟⲩⲛⲟⲥ ⲛⲉ ⲛⲟⲩⲇⲓⲁⲑⲏⲕⲏ ⲛϣⲁⲉⲛⲉϩ

61 ⲛⲧⲉⲣⲡⲙⲉⲉⲩⲉ ⲛⲧⲟⲩϩⲓⲏ ⲁⲩⲱ ⲛⲧⲉϫⲓⲥⲱϣ ϩⲙⲡⲧⲣⲉⲣⲡⲙⲉⲉⲩⲉ ⲛⲛⲟⲩⲥⲱⲛⲉ ⲛⲟⲩⲛⲟϭ ⲙⲛⲛⲟⲩⲕⲟⲩⲓ ⲛⲧⲁⲧⲁⲁⲩ ⲛⲉ ⲉⲩⲇⲟⲕⲓⲙⲏ ⲉⲃⲟⲗ ϩⲓⲧⲛⲧⲟⲩⲇⲓⲁⲑⲏⲕⲏ

62 ⲛⲧⲁⲥⲙⲓⲛⲉ ⲁⲛⲟⲕ ⲛⲧⲁⲇⲓⲁⲑⲏⲕⲏ ⲛⲙⲙⲉ ⲛⲧⲉϩⲓⲙⲉ ϫⲉⲁⲛⲟⲕ ⲡⲉ ⲡϫⲟⲉⲓⲥ

63 ϫⲉⲕⲁⲥ ⲉⲣⲉⲣⲡⲙⲉⲉⲩⲉ ⲛⲧⲉϫⲓϣⲓⲡⲉ ⲛⲧⲉⲧⲙⲧϩⲉ ϭⲉ ϣⲱⲡⲉ ϫⲓⲛⲙⲡⲉⲓⲛⲁⲩ ⲉⲟⲩⲱⲛ ⲛⲧⲟⲩⲧⲁⲡⲣⲟ ⲙⲡⲉⲙⲧⲟ ⲉⲃⲟⲗ ⲙⲡⲟⲩⲥⲱϣ ϩⲙ