Read Exodus 31 side by side with translations · The Final Bible
2 ...
3 ...
4 ...
5 ...
6 ...
7 ...
8 ...
9 ...
10 ...
11 ...
12 ⲁϥϣⲁϫⲉ ⲇⲉ ⲛϭⲓⲡϫⲟⲉⲓⲥ ⲙⲛⲙⲱⲩⲥⲏⲥ ⲉϥϫⲱ ⲙⲙⲟⲥ
13 ϫⲉϩⲱⲛ ⲉⲧⲟⲟⲧⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ϫⲉϯϩⲧⲏⲧⲛ ⲉϩⲁⲣⲉϩ ⲉⲛⲁⲥⲁⲃⲃⲁⲧⲟⲛ ⲟⲩⲙⲁⲉⲓⲛ ⲅⲁⲣ ⲡⲉ ϩⲁϩⲧⲏⲓ ⲁⲩⲱ ⲛϩⲏⲧⲧⲏⲩⲧⲛ ϣⲁϩⲣⲁⲓ ⲉⲛⲉⲧⲛⲅⲉⲛⲉⲁ ϫⲉⲕⲁⲥ ⲉⲧⲉⲧⲛⲁⲉⲓⲙⲉ ϫⲉⲁⲛⲟⲕ ⲡϫⲟⲉⲓⲥ ⲉⲧⲧⲃⲃⲟ ⲙⲙⲱⲧⲛ
14 ⲁⲩⲱ ⲛⲧⲉⲧⲛϩⲁⲣⲉϩ ⲉⲛⲁⲥⲁⲃⲃⲁⲧⲟⲛ ϫⲉⲡⲁⲓ ⲟⲩⲁⲁⲃ ⲙⲡϫⲟⲉⲓⲥ ⲁⲩⲱ ⲛⲏⲧⲛ ⲡⲉⲧⲛⲁⲥⲱⲱϥ ⲙⲙⲟϥ ϩⲛⲟⲩⲙⲟⲩ ⲉⲩⲉⲙⲟⲩⲟⲩⲧ ⲙⲙⲟϥ ⲟⲩⲟⲛ ⲛⲓⲙ ⲉⲧⲛⲁⲣϩⲱⲃ ϩⲣⲁⲓ ⲛϩⲏⲧϥ ⲥⲉⲛⲁϥⲱⲧⲉ ⲛⲧⲉⲯⲩⲭⲏ ⲉⲧⲙⲙⲁⲩ ⲉⲃⲟⲗ ϩⲛⲧⲙⲏⲧⲉ ⲙⲡⲉϥⲗⲁⲟⲥ
15 ⲥⲟⲟⲩ ⲛϩⲟⲟⲩ ⲉⲕⲉⲉⲓⲣⲉ ⲛⲛⲉⲕϩⲃⲏⲩⲉ ⲡⲙⲉϩⲥⲁϣϥ ⲇⲉ ⲛϩⲟⲟⲩ ⲡⲥⲁⲃⲃⲁⲧⲟⲛ ⲡⲉ ⲡⲉⲙⲧⲟⲛ ⲉⲧⲟⲩⲁⲁⲃ ⲙⲡϫⲟⲉⲓⲥ ⲟⲩⲟⲛ ⲛⲓⲙ ⲉⲧⲛⲁⲣϩⲱⲃ ϩⲙⲡⲙⲉϩⲥⲁϣϥ ⲛϩⲟⲟⲩ ϩⲛⲟⲩⲙⲟⲩ ⲉⲩⲉⲙⲟⲩⲟⲩⲧ ⲙⲙⲟϥ
16 ⲁⲩⲱ ⲛϣⲏⲣⲉ ⲙⲡⲓⲥⲣⲁⲏⲗ ⲉⲩⲉϩⲁⲣⲉϩ ⲉⲛⲁⲥⲁⲃⲃⲁⲧⲟⲛ ⲉⲉⲓⲣⲉ ⲙⲙⲟⲟⲩ ϣⲁϩⲣⲁⲓ ⲉⲛⲉⲩϫⲱⲙ ⲛⲟⲩⲇⲓⲁⲑⲏⲕⲏ ϣⲁⲉⲛⲉϩ
17 ⲛⲁⲓ ⲁⲩⲱ ⲛϣⲏⲣⲉ ⲙⲡⲓⲥⲣⲁⲏⲗ ⲟⲩⲙⲁⲉⲓⲛ ⲛⲁⲓ ⲛⲉ ϣⲁⲉⲛⲉϩ ϫⲉϩⲣⲁⲓ ϩⲛⲥⲟⲟⲩ ⲛϩⲟⲟⲩ ⲁⲡϫⲟⲉⲓⲥ ⲧⲁⲙⲓⲟ ⲛⲧⲡⲉ ⲙⲛⲡⲕⲁϩ ⲁϥⲙⲧⲟⲛ ⲙⲙⲟϥ ϩⲙⲡⲙⲉϩⲥⲁϣϥ ⲛϩⲟⲟⲩ
18 ⲁϥϯ ⲇⲉ ⲙⲙⲱⲩⲥⲏⲥ ⲙⲛⲛⲥⲁⲧⲣⲉϥⲟⲩⲱ ⲉϥϣⲁϫⲉ ⲛⲙⲙⲁϥ ϩⲣⲁⲓ ϩⲙⲡⲧⲟⲟⲩ ⲛⲥⲓⲛⲁ ⲛⲧⲉⲡⲗⲁⲝ ⲥⲛⲧⲉ ⲙⲡⲙⲛⲧⲣⲉ ϩⲉⲛⲡⲗⲁⲝ ⲛⲱⲛⲉ ⲉⲩⲥⲏϩ ϩⲙⲡⲧⲏⲏⲃⲉ ⲙⲡⲛⲟⲩⲧⲉ
Exodus 32 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)