Read Daniel 1 side by side with translations · The Final Bible
4 ϩⲉⲛϣⲏⲣⲉ ϣⲏⲙ ⲉⲙⲛϫⲃⲓⲛ ϣⲟⲟⲡ ϩⲣⲁⲓ ⲛϩⲏⲧⲟⲩ ⲁⲩⲱ ⲉⲩⲉⲥⲱⲟⲩ ϩⲙⲡⲉⲩϩⲟ ⲉⲩⲉⲓⲙⲉ ⲥⲟⲫⲓⲁ ⲛⲓⲙ ⲁⲩⲱ ⲉⲩⲥⲟⲟⲩⲛ ⲛⲟⲩⲥⲟⲟⲩⲛ ⲉⲃⲟⲗ ⲛϩⲏⲧⲟⲩ ⲉϩⲣⲁⲓ ⲙⲡⲏⲓ ⲙⲡⲣⲣⲟ ⲁⲩⲱ ⲉⲧⲥⲁⲃⲟⲟⲩ ⲉⲛⲥϩⲁⲓ ⲙⲛⲧⲁⲥⲡⲉ ⲛⲛⲉⲭⲁⲗⲇⲁⲓⲟⲥ
5 ⲁϥⲧⲱϣ ⲇⲉ ⲛⲁⲩ ⲛϭⲓⲡⲣⲣⲟ ⲙⲏⲛⲉ ⲉⲃⲟⲗ ϩⲛⲧⲉⲧⲣⲁⲡⲉⲍⲁ ⲙⲡⲣⲣⲟ ⲁⲩⲱ ⲉⲃⲟⲗ ϩⲙⲡⲏⲣⲡ ⲉϣⲁϥⲥⲟⲟϥ ⲉϣⲁⲛⲟⲩϣⲟⲩ ⲛϣⲟⲙⲧⲉ ⲛⲣⲟⲙⲡⲉ ⲙⲛⲛⲥⲁⲛⲁⲓ ⲉⲧⲁϩⲟⲟⲩ ⲉⲣⲁⲧⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ
6 ⲁⲩⲱ ⲁϥϣⲱⲡⲉ ⲛϩⲏⲧⲟⲩ ⲉⲃⲟⲗ ⲛⲛϣⲏⲣⲉ ⲛⲓⲟⲩⲇⲁ ⲛϭⲓⲇⲁⲛⲓⲏⲗ ⲙⲛⲁⲛⲁⲛⲓⲁⲥ ⲁⲩⲱ ⲙⲓⲥⲁⲏⲗ ⲙⲛⲁⲍⲁⲣⲓⲁⲥ
7 ⲁϥϯ ⲃⲁⲗⲇⲁⲥⲁⲣ ⲁⲩⲱ ⲁⲛⲁⲛⲓⲁⲥ ϫⲉⲥⲉⲇⲣⲁⲕ ⲙⲓⲥⲁⲏⲗ ϫⲉⲙⲉⲥⲁⲕ ⲁⲍⲁⲣⲓⲁⲥ ⲇⲉ ϫⲉⲁⲃⲇⲉⲛⲁⲅⲱ
8 ⲇⲁⲛⲓⲏⲗ ⲇⲉ ⲁϥⲕⲁⲁⲥ ϩⲙⲡⲉϥϩⲏⲧ ⲉⲧⲙⲟⲩⲱⲙ ⲉⲃⲟⲗ ϩⲛⲧⲉⲧⲣⲁⲡⲉⲍⲁ ⲙⲡⲣⲣⲟ ⲁⲩⲱ ϩⲙⲡⲏⲣⲡ ⲉϣⲁϥⲥⲟⲟϥ ⲡⲉϩⲙⲟⲧ ⲙⲡⲥⲓⲟⲩⲣ ϫⲉⲕⲁⲥ ⲛⲛⲉϥⲟⲩⲱⲙ ⲉⲃⲟⲗ ⲛϩⲏⲧⲟⲩ
9 ⲡⲛⲟⲩⲧⲉ ⲇⲉ ⲁϥϯ ⲛⲟⲩⲛⲁ ⲙⲛⲟⲩⲙⲛⲧϣⲛϩⲧⲏϥ ⲛⲇⲁⲛⲓⲏⲗ ⲙⲡⲉⲙⲧⲟ ⲉⲃⲟⲗ ⲙⲡⲥⲓⲟⲩⲣ
10 ⲡⲉϫⲁϥ ⲛϭⲓⲡⲉⲥⲓⲟⲩⲣ ⲛⲇⲁⲛⲓⲏⲗ ϫⲉϯⲉⲣ ϩⲟⲧⲉ ⲁⲛⲟⲕ ϩⲏⲧϥ ⲙⲡⲁϫⲟⲉⲓⲥ ⲡⲣⲣⲟ ...
11 ϫⲉ
12 ⲡⲉⲓⲣⲁⲍⲉ ⲛⲛⲉⲕϩⲙϩⲁⲗ ⲙⲙⲏⲧ ⲛϩⲟⲟⲩ ⲛⲥⲉϯ ⲛⲁⲛ ⲉⲃⲟⲗ ϩⲛⲛⲉϭⲣⲱⲱϭ ⲙⲡⲕⲁϩ ⲉⲧⲛⲟⲩⲱⲙ ⲁⲩⲱ ⲛⲧⲛⲥⲉⲙⲟⲟⲩ
13 ⲛⲥⲉⲟⲩⲱⲛϩ ⲉⲃⲟⲗ ⲙⲡⲉⲕⲉⲙⲧⲟ ⲉⲃⲟⲗ ⲛϭⲓⲛⲉⲛϩⲟ ⲙⲛⲛϩⲟ ⲛⲛⲉϣⲏⲣⲉ ϣⲏⲙ ⲉⲩⲟⲩⲱⲙ ⲉⲃⲟⲗ ϩⲛⲧⲉⲧⲣⲁⲡⲉⲍⲁ ⲙⲡⲣⲣⲟ ⲁⲩⲱ ⲕⲁⲧⲁⲧϩⲉ ⲉⲧⲉⲕⲛⲁⲛⲁⲩ ⲉⲣⲟⲥ ⲁⲣⲉⲓⲣⲉ ⲙⲛⲛⲉⲕϩⲙϩⲁⲗ
14 ⲁϥⲥⲱⲧⲙ ⲇⲉ ⲉⲣⲟⲟⲩ ⲁϥϫⲟⲛⲧⲟⲩ ⲙⲙⲏⲧ ⲛϩⲟⲟⲩ
15 ⲁⲩⲱ ⲙⲛⲛⲥⲁⲡϫⲱⲕ ⲙⲙⲏⲧ ⲛϩⲟⲟⲩ ⲛⲥⲉⲟⲩⲱⲛϩ ⲉⲃⲟⲗ ⲛϭⲓⲛⲉⲓϩⲟ ⲉⲛⲉⲥⲱⲟⲩ ⲁⲩⲱ ⲉⲩϭⲙϭⲟⲙ ϩⲛⲧⲉⲩⲥⲁⲣⲝ ⲉϩⲟⲩⲉ ⲉⲛϣⲏⲣⲉ ϣⲏⲙ ⲉⲧⲟⲩⲱⲙ ⲉⲃⲟⲗ ϩⲛⲧⲉⲧⲣⲁⲡⲉⲍⲁ ⲙⲡⲣⲣⲟ
16 ⲁⲙⲉⲗⲥⲁⲧ ⲇⲉ ⲁϥϣⲱⲡⲉ ⲉϥϥⲓ ⲙⲡⲉⲩⲇⲉⲓⲡⲛⲟⲛ ⲙⲛⲡⲏⲣⲡ ⲙⲡⲉⲩⲥⲱ ⲉϥϯⲉⲃⲣⲁ ⲙⲡⲉϥⲧⲟⲟⲩ ⲛϣⲏⲣⲉ ϣⲏⲙ
17 ⲡⲛⲟⲩⲧⲉ ⲇⲉ ⲁϥϯ ⲛⲁⲩ ⲛⲟⲩⲥⲃⲱ ⲙⲛⲟⲩⲙⲛⲧⲣⲙⲛϩⲏⲧ ϩⲣⲁⲓ ϩⲛⲥϩⲁⲓ ⲛⲓⲙ ⲙⲛⲧⲥⲟⲫⲓⲁ ⲇⲁⲛⲓⲏⲗ ⲇⲉ ⲁϥⲛⲟⲉⲓ ϩⲣⲁⲓ ϩⲛϩⲟⲣⲁⲥⲓⲥ ⲛⲓⲙ ⲙⲛⲛⲣⲁⲥⲟⲩ
18 ⲙⲛⲛⲥⲁⲡϫⲱⲕ ⲇⲉ ⲉⲃⲟⲗ ⲛⲛⲉϩⲟⲟⲩ ⲛⲧⲁϥϫⲟⲟⲩ ⲛϭⲓⲡⲣⲣⲟ ⲉϫⲓⲧⲟⲩ ⲉϩⲟⲩⲛ ⲁⲡⲉⲥⲓⲟⲩⲣ ϫⲓ ⲙⲙⲟⲟⲩ ⲉϩⲟⲩⲛ ⲙⲡⲉⲙⲧⲟ ⲉⲃⲟⲗ ⲛⲁⲃⲟⲩⲭⲟⲇⲟⲛⲟⲥⲟⲣ
19 ⲁϥϣⲁϫⲉ ⲛⲙⲙⲁⲩ ⲛϭⲓⲡⲣⲣⲟ ⲁⲩⲱ ⲙⲡⲉϥϩⲉ ⲉⲟⲩⲟⲛ ⲛϩⲏⲧⲟⲩ ⲧⲏⲣⲟⲩ ⲉϥⲉⲓⲛⲉ ⲛⲇⲁⲛⲓⲏⲗ ⲙⲛⲁⲛⲁⲛⲓⲁⲥ ⲁⲩⲱ ⲙⲓⲥⲁⲏⲗ ⲙⲛⲁⲍⲁⲣⲓⲁⲥ ⲁⲩⲁϩⲉⲣⲁⲧⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ
20 ⲁⲩⲱ ϩⲣⲁⲓ ϩⲛϣⲁϫⲉ ⲛⲓⲙ ⲛⲥⲟⲫⲓⲁ ϩⲓⲥⲃⲱ ⲛⲧⲁϥϣⲓⲛⲉ ⲛⲥⲱⲟⲩ ⲉⲃⲟⲗ ϩⲓⲧⲟⲟⲧⲟⲩ ⲛϭⲓⲡⲣⲣⲟ ⲁϥϩⲉ ⲉⲣⲟⲟⲩ ⲉⲩⲥⲟⲟⲩⲛ ⲙⲙⲏⲧ ⲛⲕⲱⲃ ⲡⲁⲣⲁⲛⲣⲉϥⲙⲟⲩⲧⲉ ⲧⲏⲣⲟⲩ ⲙⲛⲙⲙⲁⲅⲟⲥ ⲛⲁⲓ ⲉⲧϣⲟⲟⲡ ϩⲛⲧⲉϥⲙⲛⲧⲣⲣⲟ ⲧⲏⲣⲟⲩ
21 ⲇⲁⲛⲓⲏⲗ ⲇⲉ ⲁϥϣⲱⲡⲉ ϣⲁϩⲣⲁⲓ ⲉⲧⲥⲡⲉⲡ ⲟⲩⲉⲓ ⲛⲕⲩⲣⲟⲥ ⲡⲣⲣⲟ
Daniel 2 · Hebrew (Masoretic) · Greek (Septuagint / SBLGNT) · Aramaic (Peshitta) · Latin (Vulgate)