2 Kings 9 — Coptic (Sahidic)

2 ⲛⲅⲙⲟⲟϣⲉ ⲉϩⲟⲩⲛ ⲉⲡⲙⲁ ⲉ ⲛⲅⲛⲁⲩ ⲉⲉⲓⲟⲩ ⲙⲡⲙⲁ ⲉⲧⲙⲙⲁⲩ ⲡϣⲏⲣⲉ ⲛⲓⲱⲥⲁⲫⲁⲧ ⲡϣⲏⲣⲉ ⲛⲁⲙⲉⲥⲥⲉⲓ ⲛⲅϫⲱⲧⲉ ⲉϩⲟⲩⲛ ⲛⲅⲧⲟⲩⲛⲟⲥϥ ϩⲛⲧⲙⲏⲧⲉ ⲛⲛⲉϥⲥⲛⲏⲩ ⲛⲅϫⲓⲧϥ ⲉⲡⲧⲁⲙⲉⲓⲟⲛ ⲉⲧϩⲓϩⲟⲩⲛ

3 ⲛⲅϫⲓ ⲙⲡⲉⲫⲁⲕⲟⲥ ⲙⲡⲛⲉϩ ⲛⲅⲡⲁϩⲧϥ ⲉϩⲣⲁⲓ ⲉϫⲛⲧⲉϥⲁⲡⲉ ⲁⲩⲱ ⲛⲅϫⲟⲟⲥ ⲛⲁϥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲁⲓⲧⲁϩⲥⲕ ⲉⲧⲣⲉⲕⲣⲣⲣⲟ ⲉϫⲙⲡⲓⲥⲣⲁⲏⲗ ⲁⲩⲱ ⲉⲕⲉⲟⲩⲱⲛ ⲙⲡⲣⲟ ⲛⲧⲉⲩⲛⲟⲩ ⲛⲅⲡⲱⲧ ⲉⲃⲟⲗ ⲛⲅⲧⲙϭⲱ

4 ⲡϣⲏⲣⲉ ⲇⲉ ϣⲏⲙ ⲙⲡⲣⲟⲫⲏⲧⲏⲥ ⲁϥⲃⲱⲕ ⲉϩⲣⲁⲓ ⲉϩⲣⲉⲙⲙⲱⲑ ⲛⲧⲉⲧⲅⲁⲗⲁⲁⲇ

5 ⲁϥⲙⲟⲟϣⲉ ⲉϩⲟⲩⲛ ⲁⲩⲱ ⲉⲓⲥ ⲛⲁⲣⲭⲱⲛ ⲛⲧϭⲟⲙ ⲛⲉⲩϩⲙⲟⲟⲥ ⲉϩⲣⲁⲓ ⲡⲉϫⲁϥ ⲇⲉ ⲛⲁϥ ⲛϭⲓⲡϣⲏⲣⲉ ϣⲏⲙ ϫⲉⲟⲩⲛϯⲟⲩϣⲁϫⲉ ⲉϫⲟⲟϥ ⲉⲣⲟⲕ ⲡⲁⲣⲭⲱⲛ ⲡⲉϫⲉⲉⲓⲟⲩ ⲛⲁϥ ϫⲉⲉⲕⲟⲩⲉϣϫⲟⲟϥ ⲉⲛⲓⲙ ⲙⲙⲟⲛ ⲡⲉϫⲁϥ ϫⲉⲉⲣⲟⲕ ⲛⲧⲟⲕ ⲡⲁⲣⲭⲱⲛ

6 ⲁϥⲧⲱⲟⲩⲛ ⲇⲉ ⲁϥⲃⲱⲕ ⲛⲙⲙⲁϥ ⲉϩⲟⲩⲛ ⲉⲡⲏⲓ ⲁⲡϣⲏⲣⲉ ϣⲏⲙ ⲡⲱϩⲧ ⲙⲡⲛⲉϩ ⲉϫⲛⲧⲉϥⲁⲡⲉ ⲁⲩⲱ ⲡⲉϫⲁϥ ⲛⲁϥ ϫⲉⲛⲁⲓ ⲉⲧⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲙⲡⲓⲥⲣⲁⲏⲗ ϫⲱ ⲙⲙⲟⲟⲩ ϫⲉⲁⲓⲧⲁϩⲥⲕ ⲉⲧⲣⲉⲕϣⲱⲡⲉ ⲛⲣⲣⲟ ⲉϫⲙⲡⲓⲥⲣⲁⲏⲗ ⲡⲗⲁⲟⲥ ⲙⲡϫⲟⲉⲓⲥ

7 ⲁⲩⲱ ⲉⲕⲉϥⲱⲧ ⲉⲃⲟⲗ ⲙⲡⲏⲓ ⲛⲁⲭⲁⲃ ⲡⲉⲕϫⲟⲉⲓⲥ ϩⲁⲡⲉⲕϩⲟ ⲁⲩⲱ ⲉⲕⲉⲣⲡⲉⲕⲃⲁ ⲛⲛⲉⲥⲛⲱⲱϥ ⲛⲛⲁϩⲙϩⲁⲗ ⲉⲧⲉⲛⲉⲡⲣⲟⲫⲏⲧⲏⲥ ⲛⲉ ⲁⲩⲱ ⲛⲛⲁⲕⲉϩⲙϩⲁⲗ ⲧⲏⲣⲟⲩ ⲛⲧⲟⲟⲧⲥ ⲛⲓⲉⲍⲁⲃⲉⲗ ⲁⲩⲱ ⲛⲧⲟⲟⲧϥ ⲙⲡⲏⲓ ⲧⲏⲣϥ ⲛⲁⲭⲁⲃ

8 ⲁⲩⲱ ϯⲛⲁϥⲱⲧⲉ ⲉⲃⲟⲗ ⲙⲡⲏⲓ ⲛⲁⲭⲁⲃ ⲙⲡⲉⲧⲣⲙⲏ ⲉϩⲟⲩⲛ ⲉⲟⲩϫⲟ ⲁⲩⲱ ⲡⲉⲧϩⲏϣ ⲉϩⲟⲩⲛ ⲙⲛⲡⲉⲛⲧⲁⲩⲕⲁⲁϥ ⲛⲥⲱⲟⲩ ϩⲙⲡⲓⲥⲣⲁⲏⲗ

9 ⲁⲩⲱ ϯⲛⲁϯ ⲙⲡⲏⲓ ⲛⲁⲭⲁⲃ ⲉⲧⲣⲉϥⲣⲧϩⲉ ⲙⲡⲏⲓ ⲛϩⲓⲉⲣⲟⲃⲟⲁⲙ ⲡϣⲏⲣⲉ ⲛⲛⲁⲃⲁⲧ ⲁⲩⲱ ⲛⲧϩⲉ ⲙⲡⲏⲓ ⲛⲃⲁⲁⲥⲁ ⲡϣⲏⲣⲉ ⲛⲁⲭⲓⲁ

10 ⲁⲩⲱ ⲓϣⲍⲁⲃⲉⲗ ⲛⲉⲩⲟⲩϩⲟⲣ ⲛⲁⲟⲩⲟⲙⲥ ϩⲛⲧⲙⲉⲣⲓⲥ ⲙⲡⲓⲥⲣⲁⲏⲗ ⲛⲧⲉⲧⲙⲗⲁⲁⲩ ⲧⲱⲙⲥ ⲙⲙⲟⲥ ⲡϣⲏⲣⲉ ⲇⲉ ϣⲏⲙ ⲙⲡⲣⲟⲫⲏⲧⲏⲥ ⲁϥⲟⲩⲱⲛ ⲙⲡⲣⲟ ⲁϥⲡⲱⲧ ⲉⲃⲟⲗ

11 ⲁⲩⲱ ⲉⲓⲟⲩ ⲁϥⲉⲓ ⲉⲃⲟⲗ ⲉⲣⲁⲧⲟⲩ ⲛⲛϩⲙϩⲁⲗ ⲙⲡⲉϥϫⲟⲉⲓⲥ ⲡⲉϫⲁⲩ ⲇⲉ ⲛⲁϥ ϫⲉⲧⲉⲓⲣⲏⲛⲏ ⲡⲉϫⲁⲩ ⲟⲛ ⲛⲁϥ ⲛⲧⲁⲡⲣⲱⲙⲉ ⲉⲧⲗⲓⲃⲉ ϫⲟⲟⲥ ⲛⲁⲕ ϫⲉⲟⲩ ⲡⲉϫⲉⲉⲓⲟⲩ ⲛⲁⲩ ϫⲉⲛⲧⲱⲧⲛ ⲧⲉⲧⲛⲥⲟⲟⲩⲛ ⲛⲧⲙⲓⲛⲉ ⲙⲡⲣⲱⲙⲉ ⲙⲛⲧⲉϥⲕⲉⲙⲛⲧϩⲁϩ ⲛϣⲁϫⲉ

12 ⲡⲉϫⲁⲩ ⲛⲁϥ ϫⲉⲉϣϫⲉ ⲟⲩϩⲱⲃ ⲛⲇⲓⲕⲁⲓⲟⲛ ⲡⲉ ⲧⲁⲩⲟϥ ⲉⲣⲟⲛ ⲉϣϫⲉ ⲕⲉϩⲱⲃ ⲟⲛ ⲧⲁⲩⲟϥ ⲉⲣⲟⲛ ⲡⲉϫⲉⲉⲓⲟⲩ ⲛⲁⲩ ϫⲉⲉⲓⲥⲡϣⲏⲣ ϣⲏⲙ ⲁϥϣⲁϫⲉ ⲛⲙϥϫⲱ ⲙⲙⲟⲥ ϫⲉⲛⲁⲛⲉⲧⲉⲣⲉⲡϫⲟⲉⲓⲥ ϫⲉ ⲙⲙⲟⲟⲩ ϫⲉⲁⲓⲧⲁϩ ⲉⲧⲣⲉⲕⲣⲣⲣⲟ ⲉϫ ⲡⲓⲥⲣⲁⲏⲗ

13 ⲛⲧⲉⲣⲟⲩⲥⲱⲧⲙ ⲇⲉ ⲁⲩⲟⲛⲕⲟⲩ ⲉϩⲣⲁⲓ ⲁⲩⲱ ⲁⲡⲟⲩⲁ ⲡⲟⲩⲁ ⲙⲙⲟⲟⲩ ϫⲓ ⲙⲡⲉϥϩⲟⲓⲧⲉ ⲁⲩⲕⲁⲁⲩ ϩⲁⲣⲟϥ ⲁϥϩⲙⲟⲟⲥ ⲉϩⲣⲁⲓ ⲉϫⲱⲟⲩ ϩⲓⲡⲟⲩⲁ ⲛ... ⲁⲩⲥⲁⲗⲡⲓⲍⲉ ⲇⲉ ϩⲛⲧⲥⲁⲗⲡⲓⲅⲝ ⲉⲩϫⲱ ⲙⲙⲟⲥ ϫⲉⲁϥⲣⲣⲣⲟ ⲛϭⲓⲉⲓⲟⲩ ⲛⲧⲉⲩⲛⲟⲩ

14 ⲁϥⲕⲟⲧϥ ⲛϭⲓⲉⲓⲟⲩ ⲡϣⲏⲣⲉ ⲛⲓⲱⲥⲁⲫⲁⲧ ⲡϣⲏ ⲛⲁⲙⲉⲥⲥⲓ ⲉϫⲛⲓⲱⲣⲁⲙ ⲓⲱⲣⲁⲙ ⲛⲧⲟϥ ⲁϥⲣⲟ ϩⲛϩⲣⲉⲙⲙⲱⲑ ⲧⲅⲁⲗⲁⲁⲇ ⲛ ⲙⲛⲡⲓⲥⲣⲁⲏⲗ ⲧⲏⲣϥ

15 ⲓⲱⲣⲁⲙ ⲡⲣⲣⲟ ⲁϥⲕ ⲉⲧⲣⲉⲩⲣⲡⲁϩⲣⲉ ⲉⲣⲟϥ ϩⲛⲛⲉⲡⲗⲏⲅⲏ ⲛⲧⲁⲩⲡⲗⲏⲅⲏ ⲙⲙⲟϥ ⲛϩⲏⲧⲟⲩ ⲛϭⲓⲛⲣⲱⲙⲉ ⲛⲧⲥⲩⲣⲓⲁ ϩⲙⲡⲧⲣⲉϥⲡⲟⲗⲉⲙ ⲙⲛⲁⲍⲁⲏⲗ ⲡ ⲛⲧⲥⲩⲣⲓⲁ ⲉⲓⲟⲩ ⲡⲉϫⲁϥ ⲛⲁϥ ⲁ ⲛⲉⲧⲛⲙⲙⲁϥ ⲉϥⲙⲙⲟⲥ ϫⲉⲉϣ ⲧⲉⲧⲛⲯⲩⲭ ⲣⲟⲕⲉ ⲉⲣⲟⲓ ⲙⲡⲣⲧⲣⲉⲗⲁⲁⲩ ⲉⲃⲟⲗ ϩⲛⲧⲡⲟⲗⲓⲥ ⲃⲱⲕ ⲉⲧⲁⲙⲉⲡⲓⲏⲗ

16 ⲉⲓⲟⲩ ⲇⲉ ⲁϥϥⲟϭϥ ⲉϫⲙⲡⲉϩⲧⲟ ⲁϥⲡⲱⲧ ⲉⲧⲣⲉϥⲃⲱⲕ ⲉϩⲣⲁⲓ ⲉⲡⲓⲥⲣⲁⲏⲗ ⲉⲃⲟⲗ ϫⲉⲓⲱⲣⲁⲙ ⲡⲣⲣⲟ ⲙⲡⲓⲥⲣⲁⲏⲗ ⲉⲣⲟϥ ϩⲙⲡⲓⲥⲣⲁⲏⲗ ⲉⲃⲟⲗ ϩⲛⲛϫⲟⲩ ⲛϭⲓⲛⲧⲏⲥ ⲛⲉⲧϩⲛϩⲙⲱⲑ ϩⲙⲡⲧⲣ ⲙⲛⲁⲍⲁⲏⲗ ⲡⲣⲣⲟ ⲛⲧⲥⲩⲣⲓⲁ ⲉⲃⲟⲗ ϫⲉⲛⲧⲟϥ ⲛⲉⲟⲩⲇⲩⲛⲁⲧⲟⲥ ⲡⲉ ⲁⲩⲱ ⲛⲉ ⲟⲩⲣⲱⲙⲉ ⲡⲉ ⲛϫⲱⲱⲣⲉ ⲟⲭⲟⲍⲓⲁⲥ ⲡⲣⲣⲟ ⲛⲓⲟⲩⲇⲁ ⲁϥⲉⲓ ⲉϩⲣⲁⲓ ⲉϭⲙⲡϣⲓⲛⲉ ⲛⲓⲱⲣⲁⲙ

17 ⲁⲩⲱ ⲡⲉⲥ ⲁϥⲁⲗⲉ ⲉⲡϩⲙⲡⲓⲥⲣⲁⲏⲗ ⲁⲩⲱ ⲁϥⲛⲁⲩ ⲉⲡϣⲟⲉⲓϣ ⲛⲉⲓⲟⲩ ⲉϥⲙⲟⲟϣⲉ ⲉⲣⲟϥ ⲡⲉϫⲁϥ ϫⲉϯⲛⲁⲩ ⲁⲛⲟⲕ ⲉⲩϣⲟⲉⲓϣ ⲡⲉϫⲉⲓⲱⲣⲁⲙ ⲛⲁϥ ϫⲉϫⲓ ⲛⲟⲩⲁⲛⲁⲃⲁⲧⲏⲥ ⲛϩⲓⲡⲡⲉⲩⲥ ⲛⲅϫⲟⲟⲩϥ ⲉⲣⲁⲧϥ ⲛⲅϫⲟⲟⲥ ⲛⲁϥ ϫⲉⲧⲉⲓⲣⲏⲛⲏ

18 ⲡϩⲓⲡⲡⲉⲩⲥ ⲇⲉ ⲁϥⲃⲱⲕ ⲉϥⲡⲏⲧ ⲉⲣⲁⲧϥ ⲡⲉϫⲁϥ ⲛⲁϥ ϫⲉⲛⲁⲓ ⲛⲉⲧⲉⲣⲉⲡⲣⲣⲟ ϫⲱ ⲙⲙⲟⲟⲩ ϫⲉⲧⲉⲓⲣⲏⲛⲏ ⲡⲉϫⲉⲉⲓⲟⲩ ⲉϩⲟⲩⲛ ⲉϩⲣⲁϥ ϫⲉⲉⲕⲟ ⲛⲟⲩⲙⲛⲉⲓⲣⲏⲛⲏ ⲁⲙⲟⲩ ⲛⲧⲟⲕ ⲛⲅⲟⲩⲁϩⲕ ⲛⲥⲱⲓ ⲡⲉⲥⲕⲟⲡⲟⲥ ⲇⲉ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲡϥⲁⲓϣⲓⲛⲉ ⲁϥⲡⲱϩ ⲉⲣⲟⲟⲩ ⲁⲩⲱ ⲙⲡⲉϥⲕⲟⲧϥ ⲉⲉⲓ ⲛⲁⲛ

19 ⲡⲣⲣⲟ ⲇⲉ ⲁϥⲑⲡⲉⲕⲉϩⲓⲡⲡⲉⲩⲥ ⲙⲙⲉϩⲥⲛⲁⲩ ⲁϥⲡⲱϩ ⲇⲉ ⲉⲣⲟϥ ⲡⲉϫⲁϥ ϫⲉⲛⲁⲓ ⲛⲉⲧⲉⲣⲉⲡⲣ ϫⲱ ⲙⲙⲟⲟⲩ ϫⲉⲧⲉⲓⲣⲏⲛⲏ ⲡⲉϫⲉⲉⲓⲟⲩ ⲉϩⲟⲩⲛ ⲉϩⲣⲁϥ ϫⲉⲉⲕⲟ ⲛⲟⲩⲙⲛⲉⲓⲣⲏⲛⲏ ⲁⲙⲟⲩ ⲛⲧⲟⲕ ⲛⲅⲟⲩⲁϩⲕ ⲛⲥⲱⲓ

20 ⲡⲉⲥⲕⲟⲡⲟⲥ ⲇⲉ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲡⲕⲉϥⲁⲓϣⲓⲛⲉ ⲁϥϩ ⲉⲣⲟⲟⲩ ⲙⲡϥϥ ⲉⲉⲓ ⲛⲁⲛ ⲉⲣ...