2 Kings 2 — Coptic (Sahidic)

1 ⲁⲥϣⲱⲡⲉ ⲇⲉ ⲉⲣⲉⲡϫⲟⲉⲓⲥ ⲛⲁⲁⲛⲁⲗⲁⲙⲃⲁⲛⲉ ⲛϩⲏⲗⲓⲁⲥ ϩⲛⲟⲩⲕⲙⲧⲟ ⲉϩⲣⲁⲓ ⲉⲧⲡⲉ ϩⲏⲗⲓⲁⲥ ⲇⲉ ⲁϥⲙⲟⲟϣⲉ ⲙⲛⲉⲗⲓⲥⲁⲓⲟⲥ ⲉⲃⲟⲗ ϩⲛⲅⲁⲗⲅⲁⲗⲱⲛ

2 ⲡⲉϫⲉϩⲏⲗⲓⲁⲥ ⲛⲉⲗⲓⲥⲥⲁⲓⲟⲥ ϫⲉϩⲙⲟⲟⲥ ⲛⲁⲕ ⲙⲡⲉⲓⲙⲁ ⲉⲃⲟⲗ ϫⲉⲛⲧⲁⲡϫⲟⲉⲓⲥ ⲟⲩⲉϩⲥⲁϩⲛⲉ ⲛⲁⲓ ⲉⲧⲣⲁⲃⲱⲕ ϣⲁⲃⲁⲓⲑⲏⲗ ⲡⲉϫⲉⲉⲗⲓⲥⲁⲓⲟⲥ ⲛⲁϥ ϫⲉϥⲟⲛϩ ⲛϭⲓⲡϫⲟⲉⲓⲥ ⲁⲩⲱ ⲥⲟⲛϩ ⲛϭⲓⲧⲉⲕⲯⲩⲭⲏ ϫⲉⲉϣⲱⲡⲉ ϯⲛⲁⲃⲱⲕ ⲧⲁⲕⲁⲁⲕ ⲁⲩⲉⲓ ⲇⲉ ⲉϩⲣⲁⲓ ⲉⲃⲁⲓⲑⲏⲗ

3 ⲁⲩⲱ ⲛϣⲏⲣⲉ ⲛⲛⲉⲡⲣⲟⲫⲏⲧⲏⲥ ⲉⲧϩⲛⲃⲁⲓⲑⲏⲗ ⲁⲩⲉⲓ ϣⲁⲉⲗⲓⲥⲁⲓⲟⲥ ⲉⲩϫⲱ ⲙⲙⲟⲥ ⲛⲁϥ ϫⲉⲉⲛⲉⲁⲕⲉⲓⲙⲉ ϫⲉⲡϫⲟⲉⲓⲥ ⲡⲛⲟⲩⲧⲉ ⲛⲁϥⲓ ⲙⲡⲉⲕϫⲟⲉⲓⲥ ⲙⲡϩⲟⲟⲩ ⲉϩⲣⲁⲓ ⲉⲧⲡⲉ ϩⲁⲡⲉⲕϩⲟ ⲡⲉϫⲉⲉⲗⲓⲥⲁⲓⲟⲥ ⲛⲁⲩ ϫⲉⲁⲓⲉⲓⲙⲉ ϩⲱ ⲕⲁⲣⲱⲧⲛ

4 ϩⲏⲗⲓⲁⲥ ⲇⲉ ⲟⲛ ⲡⲉϫⲁϥ ⲛⲉⲗⲓⲥⲁⲓⲟⲥ ϫⲉϩⲙⲟⲟⲥ ⲛⲁⲕ ⲙⲡⲉⲓⲙⲁ ⲉⲃⲟⲗ ϫⲉⲁⲡϫⲟⲉⲓⲥ ⲟⲩⲉϩⲥⲁϩⲛⲉ ⲛⲁⲓ ⲉⲧⲣⲁⲃⲱⲕ ϣⲁϩⲓⲉⲣⲓⲭⲱ ⲡⲉϫⲉⲉⲗⲓⲥⲁⲓⲟⲥ ⲛⲁϥ ϫⲉϥⲟⲛϩ ⲛϭⲓⲡϫⲟⲉⲓⲥ ⲁⲩⲱ ⲧⲉⲕⲯⲩⲭⲏ ⲟⲛϩ ϫⲉⲉϣⲱⲡⲉ ϯⲛⲁⲃⲱⲕ ⲛⲧⲁⲕⲁⲁⲕ ⲁⲩⲉⲓ ⲇⲉ ⲉϩⲣⲁⲓ ⲉϩⲓⲉⲣⲓⲭⲱ

5 ⲁⲩⲱ ⲛϣⲏⲣⲉ ⲛⲛⲉⲡⲣⲟⲫⲏⲧⲏⲥ ⲉⲧϩⲛϩⲓⲉⲣⲓⲭⲱ ⲁⲩⲱ ϯⲡⲉⲩⲟⲩⲟⲓ ⲉϩⲟⲩⲛ ⲉⲉⲗⲓⲥⲁⲓⲟⲥ ⲡⲉϫⲁⲩ ⲛⲁϥ ϫⲉⲁⲕⲉⲓⲙⲉ ϫⲉⲙⲡϩⲟⲟⲩ ⲡϫⲟⲉⲓⲥ ⲡⲛⲟⲩⲧⲉ ⲛⲁⲁⲛⲁⲗⲁⲙⲃⲁⲛⲉ ⲙⲡⲉⲕϫⲟⲉⲓⲥ ϩⲁⲡⲉⲕϩⲟ ⲡⲉϫⲉⲗⲓⲥⲁⲓⲟⲥ ⲛⲁⲩ ϫⲉⲁⲛⲟⲕ ϩⲱ ⲁⲓⲉⲓⲙⲉ ⲕⲁⲣⲱⲧⲛ

6 ϩⲏⲗⲓⲁⲥ ⲇⲉ ⲟⲛ ⲡⲉϫⲁϥ ⲛⲁϥ ϫⲉϩⲙⲟⲟⲥ ⲛⲁⲕ ⲙⲡⲉⲓⲙⲁ ϫⲉⲛⲧⲁⲡϫⲟⲉⲓⲥ ϫⲟⲟⲥ ⲛⲁⲓ ⲉⲧⲣⲁⲃⲱⲕ ϣⲁⲡⲓⲟⲣⲇⲁⲛⲏⲥ ⲁⲩⲱ ⲉⲗⲓⲥⲁⲓⲟⲥ ⲡⲉϫⲁϥ ⲛⲁϥ ϫⲉϥⲟⲛϩ ⲛϭⲓⲡϫⲟⲉⲓⲥ ⲁⲩⲱ ⲧⲉⲕⲯⲩⲭⲏ ⲟⲛϩ ϫⲉⲉϣⲱⲡⲉ ϯⲛⲁⲃⲱⲕ ⲛⲧⲁⲕⲁⲁⲕ ⲁⲩⲙⲟⲟϣⲉ ⲇⲉ ϩⲓⲟⲩⲥⲟⲡ ⲙⲡⲉⲥⲛⲁⲩ

7 ⲁⲩⲱ ⲧⲁⲉⲓⲟⲩ ⲛⲣⲱⲙⲉ ⲉⲧⲉⲛϣⲏⲣⲉ ⲛⲉ ⲛⲛⲉⲡⲣⲟⲫⲏⲧⲏⲥ ⲁⲩⲙⲟⲟϣⲉ ⲛⲙⲙⲁⲩ ⲁⲩⲁϩⲉⲣⲁⲧⲟⲩ ⲙⲡⲟⲩⲉ ⲙⲡⲉⲩⲙⲧⲟ ⲉⲃⲟⲗ ⲛⲧⲟⲟⲩ ⲇⲉ ⲙⲡⲉⲥⲛⲁⲩ ⲁⲩⲁϩⲉⲣⲁⲧⲟⲩ ϩⲓϫⲙⲡⲓⲟⲣⲇⲁⲛⲏⲥ

8 ⲁⲩⲱ ϩⲏⲧⲗⲓⲁⲥ ⲁϥϫⲓ ⲛⲧⲉϥⲙⲉⲗⲱⲧⲏ ⲁϥⲥⲉϩⲥⲱϩⲥ ⲁⲩⲱ ⲁϥⲣⲉϩⲧⲡⲙⲟⲟⲩ ⲛϩⲏⲧⲥ ⲁⲡⲙⲟⲟⲩ ⲡⲱⲣϫ ⲉⲡⲓⲥⲁⲙⲛ ⲡⲁⲓ ⲁⲩⲱ ⲁⲩϫⲓⲟⲣ ϩⲓⲟⲩⲥⲟⲡ ⲙⲡⲡⲉⲧϣⲟⲩϣⲟⲩ

9 ⲛⲧⲉⲣⲟⲩϫⲓⲟⲟⲣ ⲇⲉ ⲡⲉϫⲉϩⲏⲗⲓⲁⲥ ⲛⲉⲗⲓⲥⲁⲓⲟⲥ ϫⲉⲁⲓⲧⲉⲓ ⲙⲙⲟⲓ ⲛⲟⲩϩⲱⲃ ⲛⲧⲧⲁⲁϥ ⲛⲁⲕ ⲙⲡⲁⲧⲟⲩⲁⲛⲁⲗⲁⲙⲃⲁⲛⲉ ⲙⲙⲟⲓ ϣⲁⲡⲉⲕϩⲟ ⲡⲉϫⲉⲉⲗⲓⲥⲁⲓⲟⲥ ⲛⲁϥ ϫⲉⲙⲁⲣⲉⲡⲉⲕⲛⲁ ⲕⲱⲃ ⲉϩⲣⲁⲓ ⲉϫⲱⲓ

10 ⲡⲉϫⲉϩⲏⲗⲓⲁⲥ ⲛⲁϥ ϫⲉⲁⲕⲣϩⲟⲩⲟ ⲉⲡϣⲓⲉⲁⲓⲧⲉⲓ ⲉⲕϣⲁⲛⲛⲁⲩ ⲉⲣⲟⲓ ⲉⲩⲁⲛⲁⲗⲁⲙⲃⲁ ⲙⲙⲟⲓ ϩⲁⲡⲉⲕϩⲟ ⲉⲣⲉⲡϣⲱⲡⲉ ⲛⲁⲕ ⲉⲩⲗⲁⲙⲃⲁⲛⲉ ⲇⲉ ⲙ ⲛⲛⲉⲡⲉⲓϩⲱⲃ ϣⲱⲡⲉ ⲛⲁⲕ ...

11 ⲁⲩⲡⲟⲣϫⲟⲩ ⲉⲃⲟⲗ ⲛⲛⲉⲩⲉⲣⲏⲩ ⲛⲧⲉⲩⲛⲟⲩ ⲁⲩⲁⲛⲁⲗⲁⲙⲃⲁⲛⲉ ⲛϩⲏⲗⲓⲁⲥ ϩⲛⲟⲩⲕⲙⲧⲟ ⲉϩⲣⲁⲓ ⲉⲧⲡⲉ

12 ⲉⲗⲓⲥⲁⲓⲟⲥ ⲇⲉ ⲛⲉϥⲛⲁⲩ ⲁⲩⲱ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲡⲁⲉⲓⲱⲧ ⲡⲉⲛⲓⲟⲭⲟⲥ ⲙⲡⲓⲥⲣⲁⲏⲗ ⲁⲩⲱ ⲡⲉϥϩⲓⲡⲡⲉⲩⲥ ⲁⲩⲱ ϭⲉ ⲁⲩⲗⲟ ⲉϥⲛⲁⲩ ⲉⲣⲟϥ ⲛⲧⲉⲩⲛⲟⲩ ⲁϥϯⲧⲟⲟⲧϥ ⲛⲛⲉϥϩⲟⲓⲧⲉ ⲁϥⲡⲁϩⲟⲩ ⲁϥⲁⲁⲩ ⲙⲡⲟϭⲉ ⲥⲛⲧⲉ

13 ⲁⲩⲱ ⲁϥⲧⲱⲟⲩⲛ ⲉϩⲣⲁⲓ ⲛⲧⲙⲉⲗⲱⲧⲏ ⲛϩⲏⲗⲓⲁⲥ ⲧⲁⲓ ⲛⲧⲁⲥϩⲉ ⲉϫⲛⲉⲗⲓⲥⲁⲓⲟⲥ ⲁⲩⲱ ⲁϥⲕⲧⲟϥ ⲁϥⲁϩⲉⲣⲁⲧϥ ϩⲓϫⲙⲡⲉⲥⲡⲟⲧⲟⲩ ⲙⲡⲓⲟⲣⲇⲁⲛⲏⲥ

14 ⲁϥϫⲓ ⲛⲧⲙⲉⲗⲱⲧⲏ ⲛϩⲏⲗⲓⲁⲥ ⲧⲉⲛⲧⲁⲥϩⲉ ⲉϩⲣⲁⲓ ⲉϫⲱϥ ⲁⲩⲱ ⲁϥⲣⲉϩⲧⲡⲙⲟⲟⲩ ⲛϩⲏⲧⲥ ⲁⲩⲱ ⲡⲙⲟⲟⲩ ⲙⲡⲉϥⲡⲱⲣϫ ⲡⲉϫⲉⲉⲗⲓⲥⲁⲓⲟⲥ ϫⲉⲧⲉⲛⲟⲩ ϭⲉ ⲉϥⲧⲱⲛ ⲛϭⲓⲡⲛⲟⲩⲧⲉ ⲛϩⲏⲗⲓⲁⲥ ⲧⲉⲛⲟⲩ ⲇⲉ ⲛⲧⲟϥ ⲡⲉ ⲡⲛⲟⲩⲧⲉ ⲙⲙⲟⲩ ⲛⲉⲓⲟⲟⲩⲉ ⲁϥⲣⲁϩⲧⲟⲩ ⲛⲕⲁⲓⲥⲟⲡ ⲁⲩⲡⲱⲣϫ ⲉⲡⲉⲓⲥⲁ ⲙⲛⲡⲁⲓ ⲉⲗⲓⲥⲁⲓⲟⲥ ⲇⲉ ⲁϥϫⲓⲟⲟⲣ ⲙⲙⲟⲟⲩ

15 ⲁⲩⲛⲁⲩ ⲇⲉ ⲉⲣⲟϥ ⲛϭⲓⲛϣⲏⲣⲉ ⲛⲛⲉⲡⲣⲟⲫⲏⲧⲏⲥ ⲉⲧϩⲛϩⲓⲉⲣⲓⲭⲱ ⲡⲉϫⲁⲩ ⲛⲛⲉⲩⲉⲣⲏⲩ ϫⲉⲡⲛⲁ ⲛϩⲏⲗⲓⲁⲥ ⲁϥⲙⲧⲟⲛ ⲙⲙⲟϥ ⲉϫⲛⲉⲗⲓⲥⲁⲓⲟⲥ

19 ⲧⲡⲟⲗⲓⲥ ⲛⲁⲛⲟⲩϥ ⲕⲁⲧⲁⲧϩⲉ ⲉⲧⲉⲣⲉⲡϫⲟⲉⲓⲥ ⲛⲁⲩ ⲉⲣⲟϥ ⲙⲙⲟⲩⲛⲉⲓⲟⲟⲩⲉ ⲇⲉ ⲥⲉϩⲟⲟⲩ ⲁⲩⲱ ⲡⲕⲁϩ ⲛϥϯⲟⲩⲱ ⲁⲛ ⲉϩⲣⲁⲓ

20 ⲡⲉϫⲉⲉⲗⲓⲥⲁⲓⲟⲥ ⲛⲁⲩ ϫⲉϫⲓ ⲛⲁⲓ ⲛⲟⲩⲕⲟⲩⲓ ⲛϩⲩⲇⲣⲓⲁ ⲛⲃⲣⲣⲉ ⲛⲧⲉⲧⲛⲛⲉϫϩⲙⲟⲩ ⲉϩⲣⲁⲓ ⲉⲣⲟⲥ ⲁⲩϫⲓⲧⲥ ⲁⲩⲉⲓⲛⲉ ⲙⲙⲟⲥ ⲛⲁϥ

21 ⲁⲩⲱ ⲉⲗⲓⲥⲁⲓⲟⲥ ⲁϥⲧⲱⲟⲩⲛ ⲁϥⲉⲓ ⲉⲃⲟⲗ ⲉⲙⲙⲁ ⲛϩⲁⲧⲉ ⲛⲙⲙⲟⲩⲛⲉⲓⲟⲟⲩⲉ ⲁϥⲛⲟⲩϫⲉ ⲙⲡⲉϩⲙⲟⲩ ⲉⲡⲙⲁ ⲉⲧⲙⲙⲁⲩ ⲉϥϫⲱ ⲙⲙⲟⲥ ϫⲉⲛⲁⲓ ⲛⲉⲧⲉⲣⲉⲡϫⲟⲉⲓⲥ ϫⲱ ⲙⲙⲟⲟⲩ ϫⲉⲛⲉⲓⲙⲟⲟⲩⲉ ⲁⲓⲧⲁⲗϭⲟⲟⲩ ⲁⲩⲱ ⲁⲓ...