1 ܘܢܗܘܐ ܡܢ ܒܬܪ ܕܡܡܟܟ ܠܟܘܠ ܕܐܝܬ ܒܥܠܡܐ ܘܝܬ̇ܒ ܒܫܠܡ̇ܐ ܠܥܠܡ ܥܠ ܬܪܢܘܣ ܕܡܠܟܘܬܗ ܗ̇ܝܕܝܢ ܢܬܓܠܐ ܒܒܘܣܡܐ ܘܢܝܚܐ ܢܬܚܙܐ
2 ܘܗܝ̇ܕܝܢ ܐܣܝܘܬܐ ܬܗܘܐ ܢܚ̇ܬܐ ܒܛܠܠܐ ܘܟܘܪܗܢܐ ܢܬܪܚܩ ܘܨܦܬܐ ܘܥܩܬܐ ܘܬܐܢܚ̈ܬܐ ܢܥܒܪ̈ܢ ܡܢ ܒܢܝܢܫ̈ܐ ܘܬܗܠܟ ܚܕܘܬܐ ܒܟܠܗ̇ ܐܪܥܐ
3 ܘܬܘܒ ܠܐ ܢܡܘܬ ܕܠܐ ܒܙܒܢܗ ܘܠܐ ܡܢ ܫܠܝܐ ܢܓܕܫ ܣܩܘܒܠܐ ܡܕܡ
4 ܘܕ̈ܝ̣ܢܐ ܘܡܪ̈ܫܘܬܐ ܘܚܪ̈ܝܢܐ ܘܬܒ̈ܥܬܐ ܘܕܡܐ ܘܪ̈ܓܝܓܬܐ ܘܚܣܡܐ ܘܣܢܐܬܐ ܘܟܠ ܐܝܠܝܢ ܕܠܗܠܝܢ ܕܡ̈ܝܢ ܠܚܘܝܒܐ ܢܐ̈ܙܠܢ ܟܕ ܢܫ̈ܬܩܠܢ
5 ܗ̈ܢ̣ܝܢ ܐ̈ܢܝܢ ܓܝܪ ܗܠܝܢ ܕܠܗܢܐ ܥܠܡܐ ܡܠܝܢܝܗܝ ܒܝܫ̣̈ܬܐ ܘܡܛܠ ܗܠܝܢ ܝܬܝܪܐܝܬ ܫܓܝܫ ܗܘܐ ܥܘܡܪܗܘܢ ܕܒܢܝ̈ܢܫܐ
6 ܘܢܐܬ̈ܝܢ ܚܝܘ̈ܬܐ ܡܢ ܥܒܐ̣ ܘܢܫ̈ܡܫܢ ܠܒ̈ܢܝ ܐܢܫܐ ܘܐܣܦܝܣ ܘܕܪ̈ܩܘܢܐ ܢܦܩܘܢ ܡܢ ܢܩܥ̈ܝܗܘܢ ܐܝܟ ܕܢܫܬܥܒܕܘܢ ܠܝܠܘܕܐ
7 ܘܢ̈ܫܐ ܗܝ̇ܕܝܢ ܬܘܒ ܠܐ ܢܗܘܐ ܠܗܝܢ ܟܐܒܐ ܡܐ ܕܝ̈ܠܕܢ ܘܠܐ ܢܫܬܢܩܢ ܡܐ ܕܝܗ̈ܒܢ ܦܐܪ̈ܐ ܕܡܪܒܥܐ ܀ ܀