2 Baruch 67 — Aramaic (Peshitta)

1 ܘܡ̈ܝܐ ܕܚܕܥܣܪ ܐܘ̈ܟܡܐ ܕܚܙ̣ܝܬ̣ ܗܕܐ ܗܝ ܒܝ̣ܫܬܐ ܕܓܕ̇ܫܐ ܗܫܐ ܠܨܗܝܘܢ

2 ܐܘ ܣܒ̣ܪܬ ܕܠܝܬ ܠܗܘܢ ܥܩܬܐ ܠܡܠܐ̈ܟܐ ܩܕܡ ܚܝܠܬܢܐ̇ ܕܗܟܢܐ ܐܫ̣ܬܠܡܬ ܨܗܝܘܢ ܘܕܗܐ ܥܡܡ̈ܐ ܡܫܬܒܗܪܝܢ ܒܠܒܘ̈ܬܗܘܢ ܘܟܢ̈ܫܐ ܩܕܡ ܦܬܟܪ̈ܝܗܘܢ ܘܐܡ̇ܪܝܢ ܐܬܕ̣ܝܫܬ ܗ̇ܝ ܕܙܒܢܐ ܣܓܝܐܐ ܕܫܬ ܘܐܫܬ̣ܥܒܕܬ ܗ̇ܝ ܕܡܫܥܒܕܐ ܗܘܬ

3 ܣܒ̣ܪܬ ܕܒܗܠܝܢ ܚ̇ܕܐ ܡܪܝܡܐ̣ ܐܘ ܫܡܗ ܡܫܬܒܚ̣

4 ܐܠܐ ܡܢܐ ܢܗܘܐ ܠܕܝ̣ܢܗ ܟܐܢܐ

5 ܐܠܐ ܡܢ ܒܬܪ ܗܠܝܢ ܢܬܬܚܕܘܢ ܒܐܘܠܨܢܐ̣ ܐܝܠܝܢ ܕܐܬܒܕܪܘ ܒܝܬ ܥܡ̈ܡܐ ܘܒܚܣܕܐ ܢܥܡܪܘܢ ܒܟܠ ܐܬܪ

6 ܡܛܠ ܕܟܡܐ ܕܨܗܝܘܢ ܡܫܠܡܐ ܘܐܘܪܫܠܡ ܚܪܒܐ ܘܦܬܟܪ̈ܐ ܒܡܕܝ̈ܢܬܐ ܕܥܡ̈ܡܐ ܡܨܠܚܝ̣ܢ ܘܥܛܪܐ ܕܬܢܢܐ ܕܒܣܡ̈ܐ ܕܙܕܝܩܘܬܐ ܕܡܢ ܢܡܘܣܐ ܕܥ̣ܟ ܡܢ ܨܗܝܘܢ ܘܒܐܬܪܗ̇ ܕܨܗܝܘܢ ܒܟܠ ܕܘܟ̣ ܗܐ ܬܢܢܐ ܕܪܘܫܥܐ ܐܝܬ ܒܗ̇

7 ܐܠܐ ܢܩܘܡ ܡ̇ܠܟܐ ܕܒܒܠ ܗ̇ܘ ܕܣܚܦ ܗܫܐ ܠܨܗܝܘܢ ܘܢܫܬܒܗܪ ܥܠ ܥܡܐ ܘܢܡܠܠ ܪ̈ܘܪܒܬܐ ܒܠܒܗ ܩܕܡ ܡܪܝܡܐ

8 ܐܦ ܗ̣ܘ ܕܝܢ ܒܐܚܪܝܬܐ ܢܦ̣ܠ

9 ܗܠܝܢ ܐܢܘܢ ܡ̈ܝܐ ܐܘ̈ܟܡܐ