1 ܘܥܢܘ ܒܪܝ ܘܣܒ̈ܘܗܝ ܕܥܡܐ ܘܐܡ̣ܪܘ ܠܝ ܥܕܡܐ ܠܗܟܢܐ ܡܟܟܢ ܚܝܠܬܢܐ ܕܢܣܒܟ ܡܢܢ ܒܥܓܠ
2 ܘܫܪܝܪܐܝܬ ܢܗܘܐ ܒܚܫܘܟܐ ܘܢܘܗܪܐ ܠܐ ܢܗܘܐ ܠܥܡܐ ܕܐܫܬܚܪܘ
3 ܐܝ̇ܟܐ ܓܝܪ ܬܘܒ ܢܒܥܐ ܢܡܘܣܐ ܐܘ ܡ̣ܢܘ ܡܦ̣ܪܫ ܠܢ ܒܝܬ ܡܘܬܐ ܠܚ̈ܝܐ
4 ܘܐܡ̇ܪܬ ܠܗܘܢ ܕܠܘܩܒܠ ܬܪܘܢܘܣ ܕܚܝܠܬܢܐ ܠܐ ܡܫܟܚ ܐܢܐ ܕܐܩܘܡ ܒܪܡ ܕܝܢ ܠܐ ܚܣ̇ܪ ܠܐܝܣܪܝܠ ܚܟܝܡܐ̣ ܘܠܐ ܒܪ ܢܡܘܣܐ ܠܓܢܣܗ ܕܝܥܩܘܒ
5 ܒܠܚܘܕ ܕܝܢ ܐܢܬܘܢ ܛ̇ܝܒܘ ܠܒܘ̈ܬܟܘܢ ܕܬܫܡܥܘܢ ܠܢܡܘܣܐ ܘܬܫܬܥܒܕܘܢ ܠܐܝܠܝܢ ܕܒܕܚܠܬܐ ܚܟܝܡܝܢ ܘܣܟܘ̈ܠܬܢܝܢ ܘܛܝ̇ܒܘ ܢܦܫܟܘܢ ܕܠܐ ܬܗܘܘܢ ܡܪܚܩܝܢ ܡܢܗܘܢ
6 ܐܢ ܓܝܪ ܬܥܒܕܘܢ ܗܠܝ̣ܢ ܢܐܬܝܢ ܠܟܘܢ ܣܒܪ̈ܬܐ̣ ܗܠܝܢ ܕܩܕܡ̇ܬ ܐܡ̇ܪܬ ܠܟܘܢ ܘܠܐ ܢܦ̇ܠܝܢ ܐܢܬܘܢ ܒܬܫܢܝܩܐ ܕܩ̇ܕܡܬ ܐܣ̇ܗܕܬ ܠܟܘܢ
7 ܥܠ ܡܠܬܐ ܕܝܢ ܕܡܬܢܣܒ ܐܢܐ ܠܐ ܐܘ̇ܕܥܬ ܐܢܘܢ ܐܦ ܠܐ ܠܒܪܝ ܀