1 ܘܥ̣ܢܐ ܘܐܡ̣ܪ ܠܝ ܐܦ ܗܠܝܢ ܐܢܐ ܐܚ̇ܘܝܟ
2 ܡܛܘܠ ܕܐܡ̣ܪܬ ܠܡ̣ܢܘ ܘܠܟܡܐ ܗ̈ܘܝܢ ܗܠܝܢ ܠܐܝܠܝܢ ܕܗܝܡ̣ܢܘ ܗ̇ܘܝܐ ܛܒ̇ܬܐ ܕܡܩܕܡܐ ܐܡܝܪܐ ܘܠܐܝܠܝܢ ܕܫܝ̇ܛܝܢ ܗ̇ܘܝܐ ܕܠܩܘܒܠܐ ܕܗܠܝܢ
3 ܘܕܐܡ̣ܪܬ ܥܠ ܐܝܠܝܢ ܕܐܬܩܪܒܘ ܘܥܠ ܐܝܠܝܢ ܕܐܬܪܚܩܘ̣ ܗܕܐ ܗܝ ܡܠܬܐ
4 ܗ̇ܢܘܢ ܕܡܢ ܩܕܝܡ ܐܫܬܥܒܕܘ ܘܡܢ ܒܬܪܟܢ ܐܪܚܩܘ ܘܐܬܚܠܛܘ ܒܙܪܥܐ ܕܥܡܡ̈ܐ ܕܚܒܝܟܝܢ ܕܗܠܝܢ ܙܒܢܗܘܢ ܩܕܡܝܐ ܐܝܬܘܗܝ ܘܪ̈ܡܬܐ ܡܬܚܫܒ
5 ܘܐܝܠܝܢ ܕܡܢ ܩܕܝܡ ܠܐ ܝܕܥܘ ܘܡܢ ܒܬܪܟܢ ܝܕܥܘ ܚ̈ܝܐ ܘܐܬܚܠܛܘ ܒܙܪܥܐ ܕܥܡܐ ܕܦܪܫ ܕܗܠܝܢ ܙܒܢܗܘܢ ܩܕܡܝܐ ܪ̈ܡܬܐ ܡܬܚܫܒ
6 ܘܝ̇ܪܬܝܢ ܙܒܢ̈ܐ ܠܙܒ̈ܢܐ ܘܥ̈ܕܢܐ ܠܥܕ̈ܢܐ ܘܚܕ ܡܢ ܚܕ ܡܩܒܠܝܢ ܘܗ̇ܝܕܝܢ ܠܫܘܠܡܐ ܢܬܦܚܡ ܟܘܠ ܡܕܡ ܐܝܟ ܡܫܘܚܬܐ ܕܙܒ̈ܢܐ ܘܐܝܟ ܫܥ̈ܐ ܕܥ̈ܕܢܐ
7 ܕܒ̇ܪ ܓܝܪ ܚܒ̇ܠܐ ܠܐܝܠܝܢ ܕܕܝܠܗ ܐܢܘܢ ܘܚ̈ܝܐ ܠܐܝܠܝܢ ܕܕܝܠܗܘܢ ܐܢܘܢ
8 ܘܡܬܩܪܐ ܥܦܪܐ ܘܡܬܐܡܪ ܠܗ ܦܢ̇ܐ ܡܕܡ ܕܠܐ ܗܘܐ ܕܝܠܟ ܗܘ ܘܐܩܝܡ ܟܠܡܕܡ ܕܢܛ̣ܪܬ ܠܙܒܢܗ ܀